فيه شيء غريب بحياتي

السلام عليكم
اخواتي انا لي فترة تقريبا سنة وحياتي منعفسه فوق وتحت ، والله العظيم مااعرف ايش فيني
يوم واحد احس اني مرتاحة و٢٠ يوم متضايقة ومكتومة ومن الصباح الين الليل مااحب احد يكلمني ولا ابتكلم مع احد ، بس ولدي اروشه واكله واسوي لزوجي غداء واحس روحي بتطلع
بيتي صاير زبالة من ولدي الصغير ، تجيني شغالة تنظف وتروح ودوب تطلع ولدي الصغير يحوس البيت ويرمي كل شيء ف الارض لدرجة ماتقدرين تمشين من الكراكيب وانا مااتحرك من السرير بس ساكته واحس بموت
والله العظيم حتى الترويش مالي نفس رغم اني زمان يوميا اتروش ، الان يوم واحد ف الاسبوع
اذا حسيت بتحسن وقمت بسوي شيء ، تخيلوا والله الاغراض تطيح من يدي ، اذا رحت المطبخ السكين تطيح من يدي ف البلاعة واعصب واصرخ واترك كل شيء
رحت للحمام بغسل ملابس زوجي ينكب مني الصابون ف الارض واعصب مرة وليش يصير معاي كذا
ولدي الصغير ماله ذنب واحاول اتغاضى عن شقاوته حتى مااعصب عليه
انا كرهت حياتي مااحس بسعادة ابداً مدري ليش حياتي تغيرت
اذا وحدة عندها خبرة ياليت تفيدن