فيه شي اسمه اسلوب صح ولا لا

السلام عليكم ورحمه الله وبركاته
عندي مرض السكري من الطفوله رحت المركز الصحي اللي جنب بيتنا عشان يصرفون لي علاجي : تقريباً انا من زمان اروح عندهم طبعاً تعرفون ادخل عند الممرضه تسجل اسمي وبياناتي وتحلل لي السكري وترسله للدكتور طلع ممتاز السكر 96 صائم انا محافظه على نظام غذائي و الحمدلله اموري في السليم المهم بعد مارحت عند الممرضه وقالت خلص روحي للدكتور رحت طبعاً للدكتور البيانات اللي قدامه سكري ممتاز قام يتفلسف اكثر و اكثر ليش مو منتبه للسكرك متى سويتي فحوصات شامله وش هذا الأهمال قلت له عفواً اخي وش المشكله قال طالما ان عندك سكري سوي كل شهر فحوصات شامله لوظائف الكلى و الكبد و العين حتى اطراف رجلينك سوي لها فحص ليش هذا الأهمال صاحيه انتي رجعت وقلت له ايش المشكله تكلمني بذا الأسلوب مو سكري الصائم تمام قالي ايه تمام قلت خلاص طبعاً كلامه كله هذا وهو يرفع صوته على ويهاوشني ويقول وش ذا عندك سكري من زمان يعني عيلتكم كلها مليانه سكريين قلت لا انا الوحيده اللي من العايله فيني سكر خلونا نكون واقعيين شوي لاتجيني وحده وتقولي الدكتور يبي مصلحتك وصادق بكلامه فيه اسلوب افضل من كذا يكلمني فيه ليش هذا البجاحه ورفع الصوت طبعاً المراكز الصحيه كل يومين يغيرون الدكتور كنت اروح عند دكتور اول كان محترم جداً الله يحفظه لاكن اللي الحين سيئ بشكل ماتتخيلونه لا اخلاق ولا اسلوب طبعاً ارسلو لي تقييم الدكتور من المركز الصحي قيمته سيئ جداً طبعاً قدامه على الجدار صور لعلاجات السكري كثير لاكن لونها متغير ماشفتها زين وقام قال يلا اي علاج تستخدمين بسرعه تكلمي : بصراحه فتحت جوالي وقاعد يضرب على الجدار يقول هنا هنا خلي جوالك هنا قدامك طيب يامريض انا ماشفت زين الصور مو واضحه نصها رايح لونها قلت له ماشفتها زين عشان كذا فتحت جوالي وريته العلاجات اللي استخدمها رجعت البيت وانا معصبه ونفسيتي في الحظيظ