فيه موضوع مقرقع بقلبي موجه لنا :سواء عزباء متزوجة ارملة مطلقة

السلام عليكم ورحمة الله


من خلال دخولي للمنتدى واطلاعاتي البسيطة على من حولي او في مواقع التواصل


اكتشفت ان بعض النساء رابطة حياتها بشي معين وتظل تطارد وراه وإذا ماحصل لها تنغث وتقروش اللي حولها وتصير انسانة فااااااارغة خاوية من الداخل !!
طبعًا النسبة الكبيرة تطارد الزوج لانها ماعندها شي تسويه تبيه لاصق فيها وينفذ أراءها وهي أساسًا ماعندها شي داخليًا يعني رابطة سعادتها بهالشي طيب جلس عندك ونفذ أشياءك طيب مات اختفى صارت ظروف وش بتسوين ؟؟
طبعًا تعفسين حالتك لأن اللي متعلقة فيه اختفى وتكرهين وجودك لأنك ماعرفتي قيمة نفسك والهدف من الحكمة الإلهية اللي أوجدك الرحمن لأجلها ألا وهي العبادة ..
الثانية الانجاب والحمل ولا عندها خلفية عن التربية والصحة وكيف نربي وووووو وإذا سألتيها ليش بتحملين تقول عشان يشيلني إذا كبرت والا تقول عشان الناس ابلشوني والا فلانة عندها وانا ماعندي !!
طيب حلو لكن هذي روح لازم تعتنين فيها بعد ماتجيبينها وتهتمين بتغذيتها وتنشئتها تنشئة سليمة إسلامية في زمن الحرب الشرسة على الإسلام وأهله ، هل لك استثمار في أولادك ؟؟؟
شي يحزن اذا شفت اطفال يتكلمون عن عيد الام والا الآلات الموسيقية والا رقص البالية والا عارضة أزياء ؟؟ ولا صوتها حلو وتعزز لها ..ولا عندهم حسابات تافههة ويتابعون اللي يسوى واللي مايسوى

والا بس تربينهم مثل الغنم وديكور قدام الناس إنك أم وتصورينهم ولبسهم واجهزتهم !!!
طيب هل عندك علم إن ربي بيحاسبك على هالأمانة؟؟ وبعد سنوات تقول مليت من حياتي عيالي ماني قادرة اسيطر عليهم أو عيالي تزوجوا ونسوني ووووووووووووو !!
الاطلاع خلف هالهدف خاوي =نتيجة خاوية


الثالثة تراكض ورى الناس وتحش بفلانة وعلانة وشفتي ذي وشفتي ذيك وش كسبوا وش حطوا
لأنها تقوم ماعندها شي تفكر تنجزه ونست أو تناست إنها بتسأل عن عمرها فيما أفنته !!



طبعًا قلت بعض وليس كل عشان ماتجي فئة تتكلم إنه عادي ومن حقهم ، لأني عارفة إنه عادي لكن أشوف المشاكل والتشكي من الناس اللي فاارغة داخليًا ، لأن فيه ناس ناجحة ومشغولة بنفسها وتهذيبها وتلقينهم مبتهجين ومتفائلين لأن حددوا أهداف سامية تخصصصصصصهم شخصيًا بحياتهم ويدعون الله يسهلها عليهم
وينجزونها ...




وبس شي براسي وقلته
اللهم صلِّ وسلم على نبينا محمد