اهم شي راحة البال لا فلوس ولا غيره بعدين من قال ان مهور بنات نجد من 40 وطالع لا والله موب صدق كل وحده كتبت عن نفسها موب عن مجتمعها كله اهل نجد كل وحده هره على قد فلوسه بعضهم ما ياخذ ابد ةبعضهم 20 وطالع واهم شي البركه في منهم 50 ومايكفي شي وفيه منهم 30 و20 وما شاء الله كل يوم لبس جديد مع انهم مستواهم اقل من العادي يعني ماتقولين ابوها معطيها يمكن تقولين خذا منه :) ومع ذالك هدايا وذهب....والخ!!ماشاء الله
لا تتطالعين الواحد براتبه وكم فلوسه بتتعبييييييييييييييييييييين صدقيني وعلى فكره في مجتمعنا الي راتبه اقل وعايش بمستوى اقل تشوفينهم مبسوطييييييييييييييييييييييييييييييين ما شاء الله 4000فاتحه بيتهم وتقسيمهم حلو:) والي راتبه10الالاف وزياده نفس اللبس ونفس كل شي ويمكن يكون بخيل زي ما قالو االبنات وش بتسوين حزتها؟؟؟بتقولين هونت ما ابيه
بعدين شكل الي خاطبك صغير وما تدرين يمكن بعد كم سنه يطلع فووووق
......................................................................................................
اهم شي اذا خطبك احد لا تسالين عن الراتب ابد اسالي عن اخلاقه وطبعه اول
عيشي مبسوطه وعلى قد حالك...ولا تعيشين تعيسه ومنعمه....
,....وات قارنين بينك وبين احد مهما تروحين بتلقين احد احسن منك وقولي الحمد لله لان فيه احد اقل منك...


شكل مصختها طولت قرق بالتوفيق حبيبتي ولا تاخذين واحد يدخن اسالي مجرب:)

اذا كن الرجال محترم وراعي دين فراتبه هذا مايعيبه
خصوصا انو انتي بنت مقتدرة ماديا كما ذكرتي
ولا تنسي ( تزوجوهم فقراء يغنهم الله )

شوفي الي ينسابك انتي اذا يهمك الفلوس والبس والعيشه والسفر وو لا توافقين !! وش الله حادك؟؟
وذا تبين التوفيق والخيره والحياه الزوجيه السعيده وراحه النفسيه والاستقرار الي صعب الواحد يلقاه هالاياااااااااااااام .. استخيري وربي يكتب فيه الخير
والارزاق على الله والرجل لا يقدر بالمال .. والي اعرفه البنت الي شايفه عزز بيت اهلها ماتفكر بالماديات لان اكيد لها املاك او مبلغ مدخر او او او او تفكر بسعادتها عكس المحرومه ؟؟؟

طيب اذا الرجال هذا مقدرته وحب انه يتزوج ومافي اي بنت تقبله شيسوي يبوق يسرق ولايروح للحرام يابنات فكروا زين ولاتبين مهر كبيييييييييييييييييير بس لاتزوجتوا تضيقون يمكن يكون متسلف ويالله عاني معاه بعد الزواج مافي سفر مافي شراء ملابس غاليه فكروا في بعدين والرجال اذا قال بيتزوج لازم يتزوج ولا بيروح لحل ثاني ماترضى فيه لاديننا ولاعاداتنا

يأختي الفلوس والله ماتهم..

اذا لقيتي اللي يحترمك ويقدرك ويكون طيب وحنون ..حتى لو راتبه بسيط..عادي ..
يمكن يكون تاجر..بس دايم ذاااالك ولافيه بينكم احترام..وش الفايده..
وبعدين الحمدلله اربعه الاف مي شويه..ياااااما نا س عايشين بأقلل ومبسوطين.