اولا انا انصحك تستخيري
ثانيا احنا مهورنا من خمسين وفوق انا لو جاني عريس و((عجبني)) ومشلكته الوحيده في النواحي الماديه ماراح ارفض طبعا مايكون الفارق بيننا كبير لان بايدي اجهز نفسي بفلوسي والمهر مو دليل على غلاوتي او قيمتي

والراتب 4000 ممكن يرتفع وماتدري كيف ربي يفتحها في وجهك اذا نيتك طيبه ونظرتك متفائله ممكن يجيكي واحد مليونير وفي يوم وليله يخسر فلوسه

اهم شي تكوي سعيده من داخلك لان كل ماشافك سعيده وراضيه يزيد حبه لكي ويسعدك اكثر ويحاول قد مايقدر ماينقص عليكي شي

صدقيني السعاده مهي بالفلوس ولا الفخامه ولا السفر والفنادق
وحتشوفي مع الايام

انت كم عمرك ""
وهل الي متقدم لك توه متوظف ؟؟
وايش تخصصه ؟؟
اذا صعب عليك تجاوبين مو مشكلة
عموما
المهر يختلف
صديقتي زوجها وضعه متوسط ومهرها ثلاثين الف

ووحدة من قريباتي نفس الشئ زوجها وسط وطلبو المهر ستين الف

واختي زوجها غني ولا اخذنا غير اربعين الف
في وقت الي بمثل مستواه يطلب منه مائة الف على الاقل

المسالة مو مسالة مادة

اذا كنتي من اسرة غنية وماتقدرين تعيشين على هالمستوى
وممكن هالشئ يسبب مشاكل بينكم في المستقبل
افضل لك وله بعد ترفضين

بعدين الموظف مايثبت على حاله يتحسن وضعه غالبا
بالاخص الي تخصصاتهم مطلوبة وكويسة

أنا مع { إن يكونوا فقراء يغنهم الله من فضله }

واذا انت موظفة أو تشتغلين اعمال حرة مثل اسهم وغيره
راح يساعدك هالشئ

أهم شئ خلقه .. خلقه .. خلقه
بعد الدين طبعا

والله يوفقك

أختي مع احترامي والشاهد علي الله ما عمري
احب احرج حد، وبقولج كلام صادقه فيه ومن قلبي
ولو انتي اختي وانتي اختي بإذن الله قلتلج نفس الكلام

اختي الطريقة اللي تفكرين فيها جداً سطحيه
الأكيد انتي داشه تبين النصيحه لكن الأهم من هذا كله
تغيرين الطريقة اللي تفكرين فيها تغيير جذري.

إنشاءالله ربي يرزقج باللي تتمنينه لكن
في الزواج ما تدققين على تفاصيل دقيقه مثل
هذي!!

يعني ابد ما ذكرتي اي جانب في دين أو أخلاق
ذكرتي دخان وراتب!! أشياء مالها أي تأثير
في استقرارج في الزواج!

انا معاج التدخين أجمعوا انه حرام
بس في الأهم (الصلاة، الخلق، الرجوله، الشهامة)

أوكي الجانب المادي مهم ، بس وحده من الأخوات ذكرت شي مهم
فرضاً مليونير وبخيل؟ تستبعدين؟

أنا زوجي على قد حاله، وبعد الزواج قالي انه اهله كانوا رافضين
يخطبون من عندنا خايفين نردهم بحكم إنهم على قد حالهم واننا ناس
مقتدرين.

تدرين اني ما أبالغ لو أقولج اني قبل لا اطلب الشي ألقاه !!
مادياً عشت عنده احسن من يوم كنت في بيت اهلي!! ماهو بخل في أهلي
لكن كرم فيه وتسخيره لرزقه لبيته ولزوجته, شهر عسلنا قضيناه
في أوروبا. كنت احاول اقنعه قبل الزواج يغير من أوروبا لأنه في بالي
انه بيكون وراه مخاسير زواج؟ هو من خاطره ما رضى!!

لو كنت فكرت نفس تفكيرج وقلت والله على قد حاله اخاف مادياً اتعب
كنت انحرمت من كل هالراحه النفسيه اللي ربي احمده واشكره رزقني اياها.

أعرف وحده عيالها طولها وللحين ساكنه في بيت أهل زوجها؟ مع العلم
زوجها عنده أملاك وملايين تحته ياكثر المحلات والكوفيات اللي ملك له
قولي ليش؟ ساكنه عند اهله؟ لأنه البيت اللي له مأجرنه يستلم فلوسه
كل سنه هو شايف بس اللي اريح له. وهي صارلها دهر مافكر فيها انها إنسانه
وودها تستقل.

اختاري رجل بمعنى الكلمه بترتاحين من جميع النواحي.. لاتقوليلي
هذا راتبه ضعيفه وهذا والله يدخن والثالث راسه كبير والرابع لون عيون ما عجبني!!
هالتفكير قديم ترى الناس تدور الراحه النفسيه اللحين مب مهم هذا كله.

وسمحيلي قصيت لج قصة حياتي بس والله ودي تفكرين صح

العمر يجري , والفرصة لا تتكرر الا مرة واحدة , وبنت الاجواد تقدر تكيف نفسها مع امكانيات زوجها , فانا ولله الحمد تقدم لي رجل كان عليه ديون واعطاني مهر 20 الف فقط , ولقد كفاني مع ان والدي يملك الكثير من العقارات والاموال ولله الحمد , حتى مكافاة الجامعة انا واخوتي لم نصرف منها شيء , لان الوالد كل اللي نطلبه يلبيه لنا , ولا يجعلنا نحتاج الى مكافاتنا , ومع ذلك قبل بهذا الرجل , الذي لم يدفع مهر كثير , وقال لي اذا لم يكفيك سوف ازيدك , فوالله اني اشتريت اشياء كثيرة جدا , سبحان الله احس الفلوس ما تنقص شيء كثير , واشتريت كل اللي ابغاه ونفسي فيه وزيادة , واعرف وحدها مهرها ثلاثين الفمع ان الذهب كان على اهل العريس ولا كفاها , نعم فافضلهن بركها ايسرهن موؤنة , وما يدريك لعل الله يغنيه بعد ان تتزوجي , ويصبح اغنى منك فالله عز وجل يقول " إن يكونوا فقراء يغنهم الله من فضله "

وتذكري ان المهم هو شراء الرجل وليس امواله .

انتى ادرى بمصلحتك لو كنتى ما تقدرى تعيشى مع واحد راتب4000 فانتى ادرى واعتقد احسن تفكرى زين بدل ما تغمى زوجك ونفسك بعدين والمسالة اصل قناعات شخصية