بسم الله الرحمن الرحيم....
والسلام عليكم ورحمة الله وبركاته....
اما بعد....
الحمد لله ان زوجه احافظ على فروض ديني..وخاف الله قبل كل شيء...ولكن كنت اتمنى ان التزم بديني كثر حتى افوز بالجنه...وكنت دائما اقول: نفسي اشوف موقف يغير لي مجرى حياتي ..اي يهديني ..للطريق السليم..ويقربني الى الله اكثر وأكثر..
وفي يوم 7شوال سابع العيد السنه الي فاتت دعتناء ام زوجي على الغداء في ملاهي قريه العزيزيه...وكان يوم رائع بمعنى الكلمه الجو جميل ,,والجمعه كانت حلوه خوات زوجي,, وناس من قرايبهم..ووساعت صدر ..شاي قهوه وحلى ................
عندي اخت زوج متهوره تحب اللعب بالالعاب الخطره وتحب المغامره..مهما كانت..ما شاء الله عليها عمري ما شفتها تشتكي من شيء المها..الا ذاك اليوم كنت تتألم من اسنانها بشكل فضيع..بس هالالم ما منعها من ممارست مغامراتها أكلت البندول وراحت جري عالالعاب هي وحماتي الكبيره وبنت حماتي..
بعد المغرب طلبت من وحده من المدعوات الخروج معي خارج الخيمه نتمشى حول الالعاب ونتسوق..في محل الاكسوارات ...وجات معنا حماتي الثالثه..
وحنا نتمشى سمعنا صوت صرخه قويه ...وصوت شيء كأنه انكسر..او طاح بقوه..او انفجار ...ما عرفت اميز الصوت...التفت........وشفت الي ما كان ودي اشوفه........
شفت لعبت قطار الموت متعلق جزاء في الهواء وجزئه الثاني طايح عالارض!!!!!!!والبنات متعلقين في الهواء بالقطار....يصارخون...وفجائه الناس كلهم التموا عالماكن..وما عرفت ايش الي صار..ما فهمت القطار الي طاح فاضي والا فيه احد....!!!!!
في ذيك اللحظه ذكرت ان حماتي الصغير قالت انها بتركب قطار الموت..وخذت معها اختها الكبيره وبنتها!!!!!خفت قلت ليكون حماتي مع البنات الي متعلقين بالهواء!!بس المفاجئه غير!!!!
مر من جنبي رجال وسئلته زوجته :ايش في؟؟؟رد عليها :3 بنات طاحوا من القطار وماتوا؟؟؟؟؟؟؟؟؟؟؟
لا.... لا..... لا هذول حمواتي وبنت حماتي...مستحيل ..والي أكد لي ان زوجي كان شايل بيده سكين كبيره ورافع ثوبه!!!!
آه آه.....ماتوا,,,مصيبه..وأم زوجي مره كبيره وما تتحمل هالمواقف...
رجعت الخيمه وأنا رجلي مو شايلتني..من الخوف..وتلقتني أم زوجي وتسألني أيش صار؟؟؟؟؟ ايش أقول بناتك ماتوا..طاحوا تعوروا.......ماعرفت ايش ارد..قلت ما ادري ايش الي صار..الى ان جاء ولد صغير ويقول لامه الي كانت واقفه قريبه من خيمتنا متروعه من الموقف...: يمه 3 بنات طاحوا وتفضخت روسهم وماتوا؟؟؟؟؟؟
قامت تسألني ام زوجي : وين بناتي ..رديت عليها والله مأادري...صارت تصرخ ...بأسم اصغر بناتها...وتبكي.....ولحظتها خفت على حماتي الصغيره وقلت في نفسي لايكون الم هالراس كان دليل على وقوع حادث لها؟؟؟
وبعدين طلع زوجي من بين هالناس يركض لي وطرف ثوبه مليان دم...ويسألني أختي أم فلان ايش صابغه شعرها اشقر ولا أحمر..؟؟؟ قلت ليه...!!
رد علي ان في 3 بنات طاحوا من قطار الموت ووجيههم مغطيتها الدم..واعتقد ان وحده من خواتي معهم..ومن غزارت الدم وقوة الضربه تلخبطت ملا مح وجيهم!!!!فأضطريت اكشف عن شعورهم على شأن اتأكد اختي من بينهم ولا لا...
قلت له لا أم فلان صابغه شعرها بني غامق .!!!!!!طبعا زوجي كان من أوئل المنقذين للبنات في الحادث..وليس للتجسس وراء عورات الناس..
وقعدنا على اعصابنا الا ان جائت حماتي الكبيره ومن الفرحه انه ماكانت مع البنات ضميتها بوسط الملاهي وقدام الناس وأبكي بأعلى صوتي :الحمد لله ان ما فيكم شيء...
بس حماتي الصغيره ما بينت!!!!!معقوله تكون وحده منهم.........
5دقايق وأحنا على اعصابنا وكانها 5 ساعات..والمفاجئه ان حماتي وصلت ووجها غرقان من الدموع...ومو قادره تمشي من الصدمه.......الحمد لله أنها وصلت ومن الفرحه رحت جري عليها وضميتها وجلست أبكي وأبكي .......وحمدة ربي انها وصلت....والمفاجئه الاكبر..أنها قالت: انها الحمد لله أنها ماركبت لانها كانت مختاره المركبه الي طاحت؟؟؟؟بس بنت صغيره من قرايب زوجي تعلقت فيها تبكي..وطفشتها وجاوا بنات وأخذوا المكان الي هي كانت ناويه تركبه..وقالت في نفسها المره الجايه بركب.......
ما الطفك يارب..حفظتها وما ركبت..
وبعد هاليوم جلسنا اسبوع مصدومين من الحادث...وثوب زوجي الي كان طرفه مليان دم كان مرعبني ...أما البنات فوحده ماتت عالحال..والثالث الباقي وحده منهم توفت بالمستشفى والثنتين الثانيين أصابوا بتشوهات دائمه.....
أسال الله العلي القدير ان يرحمهم...ويشفي مرضاهم ويثبتنا على دينه....
أما أنا عن نفسي ..فأصبحت اكره الملاهي وأكره الاماكن الي فيها تجمعات كثيره تذكرني بالحادث..وأما عن ديني فالحمد لله حجيت والتزمت اكثر من اول..والغيت قنوات الاغاني من تلفزيوني..وبدأت اختم كتاب الله ....وصرت احاسب نفسي قبل لا أحاسب..وعرفت ان الموت يجي فجئه ما يمهد للانسان ....يعني البنات كانوا معنا بنفس المكان وبنفس الزمان..وبغمضت عين أختفوا وأختفاء ذكرهم...الله يحسن خاتمتي وخاتمت كل من يقراء موضوعي والموضوع وضع للفائده وللذكره وللدعاء لمن ماتوا في ذالك اليوم ...اللهم ارحمهم..
وأسألوا الله الهدايه من دون مواقف او حوادث..
دفى شمس @df_shms
محررة ذهبية
يلزم عليك تسجيل الدخول أولًا لكتابة تعليق.
قصه محزنه
الله يرحم اللي ما توا
والله انك صادقه
الموت ماله
اي وقت
ولا ميعاد
والحمد لله صارت الحادثه
فاتحة خير عليكم
والله يرحم البنات ويجزيهم يارب بالجنه
اااااااااااااااااااااااااامين
الله يرحم اللي ما توا
والله انك صادقه
الموت ماله
اي وقت
ولا ميعاد
والحمد لله صارت الحادثه
فاتحة خير عليكم
والله يرحم البنات ويجزيهم يارب بالجنه
اااااااااااااااااااااااااامين
الغنادير
•
يالله القصه مرعبــــــــــــــــــــــــــتته عيوني كلها غرقانه دمووووووووووع الله يرحم اللي ما توا والله انك صادقه الموت ماله اي وقت ولا ميعاد والحمد لله صارت الحادثه فاتحة خير عليكم والله يرحم البنات ويجزيهم يارب بالجنه اااااااااااااااااااااااااامينيالله القصه مرعبــــــــــــــــــــــــــتته عيوني كلها غرقانه دمووووووووووع الله يرحم...
الصفحة الأخيرة
مرعبــــــــــــــــــــــــــتته
عيوني كلها غرقانه دمووووووووووع
الله يرحم اللي ما توا
والله انك صادقه
الموت ماله
اي وقت
ولا ميعاد
والحمد لله صارت الحادثه
فاتحة خير عليكم
والله يرحم البنات ويجزيهم يارب بالجنه
اااااااااااااااااااااااااامين