في أمر محير جدا جدا

أنا تطلقت من زوجي الأولي وبعدين هو تزوج بنت خاله وطلقها وبعدين سار يخطب كم من وحدة ماكانوا يوافقون عليه وكان على إتصال فيني بعد ما طلق زوجته الثانية لأنه كان ناوي يرجعني بس ماكان يستوي لأنه مطلقني بالثلاث المهم طلب مني اني ادور له على حرمة بس أنا قلت له ما لي خص في هالسوالف وأنا كنت الصراحة متعلقة فيه وايد وأحبه وكنت أبي أتركه بس ما كنت أقدر ومرات يوم كنت اتصل عليه مايرد علي فقمت وكلمت صديقتي انها تكلمه عشان يرد علي طبعا أنا عارفة اني غلطانه وايد بتصرفاتي هاي المهم الأخ قام واتعرف على صديقتي واتفق وياها على الزواج وبغى بس يحرق قلبي بس الحمدلله الوقت الي كان يبي يتزوجها جاني زوجي الحالي وتزوجت قبله - الحمدلله بس هو تزوجها بعدين وصارت بينهم مشاكل من أول أسبوع زواج وعندي بنت أخت متزوجة أخو طليقي وعندها عيال وكانت صديقتي تتضارب مع بنت أختي عشان أنا خالتها وصديقتي حملت وجابت بنت وحدة ومن بعدها زادت المشاكل بينهم ( طبعا انا اللي يخبرني بنت أختي ) وأنا مالي علاقة لا بصديقتي ولابطليقي وانا قطعت علاقتي بصديقتي بمجرد زواجها من طليقي والحين سمعت انها تطلقت من طليقي وتدعي علي وايد واتقول أني انا السبب في طلاقها وانا والله العظيم عمري ما تدخلت ما بينهم ولاسويت لها مشاكل وتدعي على وتقول انشاء الله ما أحمل واجيب عيال -- ليش تدعي على أنا ماسويت فيها شىء وهي اللي خانت صداقتنا وتقول انشاء الله ريلي يطلقني ليش أنا ناقصة اتطلق مرة ثانية والله اني ما أفكر في طليقي ولا أبغي أرد له في يوم من الأيام ما أقول غير الله ياخذ بحقي منها .
قولو رايكم يا بنات الخير