في أول زواجي ومن صدمة في صدمة :( اللهم لا اعتراض

السلام عليكم


انا سبق وطرحت لكم مشكلتين صارت بيني وبين زوجي ببداية زواجنا , منها اني لقيت في جواله صور خليعة ومقاطع اباحية

طبعا انا سكت ولا بينت له اني شايفة شي بالعكس قلت اكيد انه ما لجأ لهالاشياء الا بسبب تقصير مني مع اني والله ما قصرت لكن حاولت التمس له الف عذر وعذر عشان انسى واعيش معه

وفعلا نسيت وعشت معه وانا مجروحه جرح ما يعلم فيه الا رب العالمين

و فتحت جواله كم مرة بعد السالفة هاذي وما عاد لقيت مقاطع اباحية ولا صور مخلة صرت القى بس مقاطع لمذيعات وفنانات وكذا في قروبات شباب ويتغزلون بجمالهم لكن والله صارت الاشياء هاذي تهووون عندي قدام اللي شفته قبل

وصرت احمد ربي انه تعدل ويمكن ندم وتاب مع ان فيه شي بداخلي كان يقول طيب يمكن انه درا انك تفتشين جواله وصار يمسح المقاطع اول باول بس كنت اتعوذ من الشيطان واقول لااا مستحييل يسويها هو تاب والحمدلله كنت احاول اقنع نفسي باي شكل

طولت ما فتحت جواله عاد قبل كم يوم نسى جواله عندي وهو نااااادر ما ينسى جواله قلت فرصة اني اتطمن زيادة انه ترك هالاشياء

وفعلا ما لقيت الا مثل المرة اللي راحت مقاطع عادية لمذيعات وممثلات

بس دخلت على محادثة وكانت الصدمة اللي ما رح انساها طول حياتي

قبل فترة زوجي ارسل لي على الواتساب مقطع لواحد يقول هلااا بقلبي هلاا بروحي هلاا بحياتي ويرحب وكأنه يرحب ببنت وينعم صووته وقال لي شفتي هذا صديقي من زمان عني وارسل لي المقطع هذا
انا استغربت تصرفه وقتها صح احترررقت من جوا لان اسلوبه كان جددا يجيب الغثيان ما كأنه من رجال لرجال بس ضحكت ومشيتها قال انه هو من النوع اللي يمزح ويستهبل وكذا وانه استهبال قلت طيب ليش صوته كذا ؟ قال هو مسويه كذا استهبال ويضحك قلت بخاطري لو ان بينهم شي غلط ما ارسل لي المقطع بنفسه ! يعني مستحيل يفضح نفسه قدامي بهالاسلوب .. وعديتها

المهم يوم فتحت المحادثة اللي اقولكم لقيتها من الشخص اللي مرسل له المقطع , ولقيت بينهم كلام غريب كأنه غزل ولقيت رساله من زوجي يقول له فيها صور لي ******* !!!!
قام رد هذاك قال الحين **** نايم تبغاني اصور لك شي ثاني !
آسفه على الالفاظ بس عشان تفهمون الوضع

حطيت الجوال ومية فكرة وفكرة تدور براسي .. معقولة زوجي شاذ ؟ مع اني والله ولا مرة شفت عليه اي شي من علامات الشذوذ حتى في العلاقة الخاصة لما بحثت عن الشاذين لقيت انهم بعد الزواج يطلبون من زوجاتهم اشياء غريبة او يجامعونهم من الدبر لكن كل هذا ما شفته منه

هو صحيح عنده اغلاط وفيه مساوئ مثل اي انسان على وجه الارض بس انه ملتزم ومحافظ على الصلوات في المسجد و معروف بأخلاقه حتى التدخين ما يدخن !

يعني معقولة مع هذا كله يكون شاذ ؟

حتى في شكله ما فيه اي شي يدل على المثلية او الشذوذ بالعكس دايما ينتقد الشاذين والمثليين ويتقرف منهم

لدرجة مره قال لي بالحرف الواحد في السوالف بوية مع بنت اهون من رجال مع رجال لانه قررف !

قلت يمكن فعلا صديقه هذا يستهبل ويمزح

يمكن هذا كلام شباب بينهم واستهبال

بسس ما اقدر كل ما تذكرت الكلام اللي بينهم اتقرف واتقزز

تعبت والله تعبت كل ما حسيت ان حياتي بتتعدل معه طلعت لي مصيبة اكبر من اللي قبلها

تطلع لي مشكلة تخليني اقول ان اللي قبل اهووون

مشكلتي في منطقة بعيدة عن اهلي واهله ما فيه مجال اروح مثلا ازعل عند اهلي كم يوم بسهولة

وزيادة على كذا ما بينت له اييي شيي من اللي شفته وقريته بجواله

وشرايكم تحسون الموضوع عادي ولا يحق لي اشك ؟


دعواتكم لي لاني جد تعبت