في احد صارله هالموقف؟؟

هي البنت امها امريكية...وبصراحة مو محجبة..وصح كلامك اختي ست الحسن. .انا اشووفهم ولله الحمد مررة كويسين..اي نعم الكلام احيان يكون عن الزوج والاولاد..بس برضو الواحد يتعلم الشي اللي ممكن يفيده في حياته مستقبلا"..

شاكرة مروركم خواتي

غيساء ..
بصراحه في أحيان كثيره كنت اقول نفس الجمله (ما ابي احتك مع بنات عرب) :(
ويمكن كثير من الناس هنا دايما يعلقوا على رنيم لأنه ماتصاحب غير (الباكستان) ويقولوها بسخريه كأنه الباكستان مو بشر..
شي مؤسف انه صديقاتي العرب ينعدو عالاصابع لأنه العرب الباقي ماشفت من وراهم غير المشاكل ..
يعني مثلا شغلة (انا عربيه) احسن منك (اللي موعربية) للأن متواجده وانا هالشي يذبحني من جوا
ليش الغرور هذا؟؟ طيب واذا صار احنا عرب؟؟ اذا الرسول بنفسه قالها لافرق بين عربي ولا عجمي الا بالتقوى والعمل الصالح ..:(
غير كذا لما كنت امشي مع عرب في الجامعه كنت انحط في مواقف جدا بايخه
يعني عادي يجي (رفيقها العربي) ويجلس معنا عالطاولة!!
واذا استأذنت وقلت لهم عن اذنكم بروح المكتبه او شي وانا بس اصرف تلاقي اشتغل الغمز واللمز والهمس بين بعض كأني انا اللي قاعده اسوي الخطأ مو هم..
او انه يجي ولد عمها ويصافح كل اللي على الطاولة ويقولوهم (هاي) واللي ماتصافحه تكون (من لعصر الحجري)
بعدين الـ MSA بجامعتي بشكل عام مسؤولين عنها باكستان مع انه فيها عرب لكنهم قله .. ولما يصير مناسبه او حدث نحب نشتغل فيه صدقيني العرب فجأة (يتبخروا ) وماعاد شفتي لهم أثر وتلاقي كل الشغل والكرف يسويه الباكستان والهنود والصومال ..
ولما تسأليهم وين كنتو يقولوا لك والله امتحانات ودراسه صعب اننا نحضر كل مناسبات الام اس ايه..
بس الغريب في الموضوع انه في شهر رمضان مافوتوا ولا افطار مع انه كانت فترة امتحانات نهائيه ماشاء الله عليهم !!
لا بعدين اذا صار مناسبه وماعجبهم فيها شي ماشاء الله بالنتقاد مافي اشطر منا لكن في التطبيق تلاقي ماحد حرك قشه من محلها ..
الله المستعان


بصراحه مواقف كثير خلتني فعلا وقتها اقرر اني ابعد عن العرب بشكل عام قدر الامكان او على الاقل المتواجدين في الجامعه معي .. يمكن جامعتي عربها مو شي بغير اماكن تلاقي جاليه افضل الله اعلم ..

يمكن في اماكن تانيه الوضع بيختلف الله اعلم بس كان هذا من الاسباب اللي خلتني اقول الجمله اللي قلتيها ويعلم الله اني اتمنى ماقلتها لكن وصلت لمرحلة عرفت انه من مصلحتي اني ابعد وادور الصحبه المناسبه اللي تخاف الله فيني ..
واحمد ربي انه رزقني بصحبه صالحه يمكن انها مو عربيه لكن عندي تسوى الكون وتحبني في الله من جواها ولله الحمد..

والله اقولك ياها ياغيساء يمكن انا وضعي الان يشبهك يعني جالسه مع اختي واخوي ..وبرضو بالجامعه وتعرفي الواحد تمر عليه ايام تكون ظروفه جدا صعبه .. وقتها والله راح تعرفي انه ماتفرق الجنسيه ولا العمر ولا الحاله الاجتماعيه بقدر مايفرق الوازع الديني اللي جوات زميلاتك وطوبى اذا كان زميلاتك وازعهم قوي ..

والله اقولك ياها لما كانت امي هنا في كندا معنا عندها من الزميلات السورين مااااااااشاء الله بالمئات المئات المئات ومعروف عن أمي انه صاحباتها هنا كثير وانها من اللي ماقصر على احد ومدري ايش وبعضهم عشرة عمر يعني بالعشرات السنين وهما مغتربين مع امي سوا تقدري تقولي (بيست فرندز) وكل واحده تقولها انتي سافري ولاتخافي على بناتك في عيوننا ومدري ايش ..
وبعدها ...

اقسم لك بالله انه تلفون بيتنا مارن من حتى زميلة واحده.. تخيلي ولا حتى وحده .. وكلهم ساكنين بنفس المدينه وبعضهم بيتهم جدا قريب كمان .. اللهم المستعان
والمزعج بالموضوع انه لما صار مجال انه بعض زميلات امي احتاجونا في بعض الأمور جهاز الهاتف (نطق) !! سبحان الله العظيم كنا حسبناه مات الله يرحمه من زمان!!!

صدقيني انه اللي سألو ناس كنا حاطينهم في (اسفل) القائمه ولاحتى خطروا في بالنا نهااااائيا
لانه الانسان دايم ينجر باتجاه عواطفه وينسى حقائق هالدنيا...
والظروف الصعبه هي الوحيده اللي ممكن تخليكي تعرفي الصالح من الطالح ..
واسمعيها كلمه مني .. صاحبي ذات الدين وماراح تندمي باذن الله
وفي حالة مالقيتي .. خلاص مايهم عندنا الله سبحانه وتعالى دايما جانبنا وهو الوحيد اللي مستحيل مستحيل يخذلنا .. وصدقيني الان بالعكس افرح ولما احكي لها لأمي اقولها الحمد الله ربنا كان احسن معين لنا اله لايعيزنا لمخلوق .. وبالعكس حسيت اني تعلمت كثير بالغربه وتعلمت اكثثر لما كانت الغربه قاسيه .. والله يجعله في موازين اعمالنا وهادا المهم .. امين

واسفه عالاطاله .. شكلي فضفضت بقوة هههه:30:
بالتوفيق يارب
وكل عام وانتي بخير اليوم اول يوم دوام الترم الصيفي :hahaha: :26:

فضفضي براحتك عادي..كلنا اذا ن صاغية..

انا دا الشي اللي خايفة منه..لاني حسااااااااااااااااااااااسه..والغربة زادتني حساسية..ومسكين اخويا مو عارف ايش يعمل معايا..فصرت احبس دموعي واخفيها..يعني قهر تكون بنت البلد كدا..طيب انتي قولتيها عشان صارلك مواقف..بس دي كان لها 3 ايام بس..انا مو هامتني ابدا"..بناقص صديقة..اجلس لوحدي ولا اجلس مع اشكال زي كدا..الله الهادي الدليل..

الله يعينك على الغربة
معلش اتحملي
وابنات قالو الكفاية وما خلو لي شيى
لكن صدقيني في ناس كثير طيبين والدنيا لساتها بخير
والله انه مافي فرق بين متزوجه او غير اهم شيى تكون غريبه منك وتفهمك وتنصحك لما هو خيرا لك
ولا يهم اي جنسية المهم انها مسلمه

احيانا البعد عن الناس غنيمه
وبراي انه الغربه عباره عن تجارب فيما تشوفي اشياء غريبه وعجيبه
ولا تحطي ببالك ولا تهتمي
وموفقه