في احد مثلي اوفر الي يصير له

صباح الخير بنات
بنات انا بصراحه دائماً الأبواب تتسكر فوجهي ما احصل اي عون او اي مساعده الا نااااااااادر جدا وأتخيل كنه جاتني معجزه اذا حد ساعدني ولو بشي بسيط وتافه جدا جدا.. لكنها تترك لي اثر فقلبي.. المهم
انا من صغري ابوي فقير ومافي طلعات ومافي جمعات وصداقات عندي عمات وبنات عمات كلهم مبتعدين عن بعض وأسلوب عماتي زفت كل يوم مشاكل مع امي ومع ابوي ومعنا.. ودايما تعليق على أتفه شي وبنات عماتي نفس امهاتهم..
المهم بعد كم سنه نحن انتقلنا الي منطقه بعيده عن عماتنا والحمدلله وأبوي الله يرحمه يزداد فقر وحالنا ما تغير ولكن الحمدلله.. لما توفى ابوي عماتي ما خلص شرهن لكنهم يساعدونا ويشترولنا اي شي نريده وما قصرو معنا باي شي ودايما يتصلو فينا ويتابعون دراستنا وووو الحمدلله ما حسسونا بالتقصير.. ويدافعو عننا يعني وقفن معنا بكل شي..
المهم كبرنا وتوفت وحده من عماتي وتوظفنا انا واخواني وتزوجت وجبت عيال جا أهل زوجي طمعانين فراتبي خاصه امه وأخته ولكن عدت الحمدلله لاني طنشت..
تخيلو بنات انه ام زوجي تتكلم عند عماتي عشان انا أساعدها وأشتري مقايض البيت وابني بيت لنفسي وادرس عيالي.. وأساعد زوجي فكل شي..
وزوجي ما تريده يساعدني بذره..
تريد مال زوجي لها مع انها عندها خير وعيالها كلهم يشتغلو وضامنين مستقبلهم وبنتها الوحيده الي ما تشتغل لكن زوجها عنده مال ومدرس عياله مدارس خاصه وغاليه جدا.. بالرغم من كل هذا ام طمعانه فراتب زوجي والحين تريد تتطور وتاخذ من راتبي!!!!!
انا اساعد اهلي لان امي ارمله وأعطيها مصروف وأعطي اخوي الي يدرس وانا واختي ندفع له مصروف دراسته وأشتري اغراضي وكل شي وأحيانا أخذ لعيالي ملابس الي تعجبني واطلعهم مولات وحدائق
تجي امي تسالني كم مجمعه من مبلغ ولما قلت لها المبلغ انصدمت امي وجلست تلوم وتلوم وتلوم
تقول بس هذا المبلغ الي جمعتيه وانتي مسرفه وتصرفي فلوسج والحين كيف بتاخذي هذا البيت..
وقالت لي فلوسج ماراح تكفي والقرض ياخذو فائده فالبنوك..
قالت خلي اختج تشتري البيت وانتي جلسي مكانك..
هذا البيت الوحيد الي موقعه جيدا جدا ولكنه شوي غالي واختي تداوم فشركه..