انا اول مرة اكتب وودي اقول لكم مشكلتي يمكن الاقي الحل عنكم
المهم مشكلتي بدت من اول ما تزوجت وهي ان زوجي انسان مريض بالشك يشك في كل كلمة كان يشك في اخلاق لدرجة انه كان يسجل مكالماتي ولاعرفت الابعد ثلاث سنوات تخيلو المهم سألته وش عرفت من تسجلاتك قال عرفت انك تحبيني وتاسف والله يابنات ماني قادرة اسامحه على اللي سواه فيني بس كنت ادعي كل يوم وفي سجودي ان الله مايفرق بننا ولايشمت فينا احد ولانه ماكنت ابغى اتطلق بس حسيت هذيك الايام تعدل شوي بعد كذاكسبت ثقته من هذه الناحية بس بعدكذا صار يشك بكل كلمة اقولها له مهما كانت ولاينسى شي لي تسع سنوات وانا اعاني من هذه الشكوك وكل ماضاع منه لوريال واحد يقول انه انا سرقته هو ماكان يضيع الفلوس بس يشتري بها اغراض وينسى وكل كلمه يقول انتي تقصدين منها كذا وكذا كرهني اسولف معه وكرهني فيه الله لايسامحه المهم هذا طبعه المشكة اللي انا فيها اللحين هي انه كان يبغى يروح يشتري بيت شعر ويحطه في بيت اهله عشان يقعد يجتمع فيه هو واخوانه وازواج اخواته وهو المشكله حالته المدية زفت خسران في الاسهم وماخذ قرض وقاعد يسدد فيه وحارمنا كل شي عشان هذه الديون وبيتنا بس ثلاث غرف صغار ماقدر اتمدد فيه من كثر ماهو ضيق اعترض وجلست اخاصمه وقلت حرام عليك حارمنا كل شي وفي الاخر تبغى تروح ترمي الفلوس كذه وعشان ايش ولمين مع العلم ان ماحد من اخوانه يبغى يدفع شي كله يبغى يتكلف فيه هو ومع العلم انه حارمنا كل شي لا اكل من برا ولامطاعم ولاتماشي ولاملاهي لعياله وكل مانطلب يقول انه ماعنده وانه مديون وانه لازم يجيب لنا بيت وووو المهم قلت دام معاك فلوس فاعطيني 1500 عشان افصل انا وبناتي عشان زواج اخوي في الصيفية والله العظيم اننا ماباقي شرينا ملابس للصيف وان عيالي مساكين باقي على ملابس العام الضيقة والقصيرة وبجايم البرد وقلت انا مجمعه 1000 ريال من اشياء اسويها وابيعها بواسطة اختي المدرسة ويعلم ربي اني اسهر ليالي عشان اصلح هذه الاشياء وابيعها بس كنت ابغى اوفر لي ولعيالي مقاضي الصيف وقلت زيدني عليها وزعل وسوى لي سالفة وبعدين جى واعتذر وقال باعطيك بس مافي الشهور الجاية ولا فلس قلت حرام عليك خاف الله في عيالك بناتك يبغون يفصلون ويلبسون زي باقي البنات وحتى انا المهم كان موافق وقلت الحمدلله الله يعطيك العافية وضحكت والله من باب الفرحة لا اقل ولا اكثر واتفقت انا واختي انه يوم الاربعاء ننزل السوق هذا الكلام كان يوم الخميس المهم مر الجمعة والسبت وهو معاي زين يسولف وماعليه ويوم الاحد كأن احد قلبه علي المهم سألته وش فيك قال ولاشي ولا يكلمني ومطنشني المهم جيت عنده يوم الاحد في الليل قبل لاينام وسألته تبغى شي قال لا وجلست سهرانه ماجاني النو ورصليت القيام المدلله محافظه عليه من فتره وبعدين اتسحرت وصمت الاثنين وفي الصباح راح المدرسة جا قالب خلقته علي ونام وقام العصر ولاكلمني صلى وراح النادي ولاكلمني ويرد علي جاء اذان المغرب وانا جالسه افطر وسألني انت صايمه قلت ايوه المهم كلذا وهو زعلان على ايش مادري المهم في الليل قلت له ترى بانزل السوق الاربعاء اسحب لي الفلوس قال مافي تروحين سألته ليش قال بس كذا تحسبين باعطيك الفلوس انت مانتي ثقه اعطيك ريال واحد انت تخبين فلوس عني قلت انا قلت لك عليها وبعدين هذا تعبي ياناس المهم قال انتي اصلا ربي ماراح يتقبل صيامك لاني ماني راضي ليش ماستأذني وهو عارف كل اسبوع اني اصوم ولاقد عارض وربي يعلم اني كم مره قد قلتله ومايعارض ويقول بكيفك ويقو هات الفوس اللي عند خليني اقضي للعيا بنفسي وانت انكان تحبين الفشخرة روحي لاهلك وقعد يسبني ويتكلم علي وانا باموت من القهر وارد عليه المهم هو والله ماثر فيه انه يكل ويشر ويروح ويجي وعادي بس انا باموت ودي افصل زي باق الخلق ليش يحرمني من كل شي وحرمني من نزلة السوق مع اهلي والله انه ماينزلني السوق الين يكرهني حياتي حملت وولدت والله ماجاب لي شغاله ماقدرت اروحلامي ولا لامه عشان ماعندهم شغالة وقمت من اليوم اثاني ااكل عيالي واغسل واشتغل وبعدها يقول ها صار فيك شي والا الشغاله بس صارت مظاهر هو انسان بخيل علي وعلى عياله بما تحمله هذه الكلمة والله بلاه بالديون عشان نيته السيئة استغفر الله بس انه يتوفر من الراتب اللي قدر يمشينا ويقضي لنا بس مايفكر الا في نفسه يروح مع اصحابه ومايبقي مطعم ولامندي والااكله مايجربها واحنا مالنا الا الله ندعيه يفرج همنا انا وعيالي المساكين انا والله هذه المرة قلت له خلاص والله ماعاد اجلس عندك واني لاروح لاهلي قال والله لورحت ورقتك تلحقك بكره بس فكرت في عيالي المساكين اخاف عليهم من المشاكل ولدي عنده صرع وبنتي خواافه مررره وامي وابوي كبار في السن وعندهم سكر بس والله قال لي كلام واهانني وذلني لابعد حد دلوني وش اسوي معاه انا قررت اني مااكلمه ولا لساني يخاطب لسانه ولا اجلس معاه بنفس الغرفة فترة واشوف مع اني عارفة انه عادي عنده وادعوا لي الله يسعدكم وشورو علي يا اخواتي:( معليش طولتها وماهو مرتب الكلام بس مفهوم
ندى الآشراق @nd_alashrak
عضوة جديدة
يلزم عليك تسجيل الدخول أولًا لكتابة تعليق.
تساليني عن غلاك
•
والله مادري وش اقول او ارد بس الله يسخر لك زوجك
الله يحنن قلبه عليكم ويسخره لكم
استمري فالاستغفار وصلاة الليل
وطالبي بحقوقك بالاسلوب اللي يمشي معاه عاد انتي اعرف منا هو يمشي بالطيب والدلع والا بالقوة
وفلوسك لاتعطينه لانها حقك وهو مقصر معاكم
استمري فالاستغفار وصلاة الليل
وطالبي بحقوقك بالاسلوب اللي يمشي معاه عاد انتي اعرف منا هو يمشي بالطيب والدلع والا بالقوة
وفلوسك لاتعطينه لانها حقك وهو مقصر معاكم
الصفحة الأخيرة