بعد طوول استخارات قررت اعمل التلقيح الصناعي علما انه عندي ولد الله يحفظه لي ويباركلي فيه ورحت عند الدكتوره اسماء شحرور اللي في بناية نوره في جده ورحتلها تاني يوم الدوره الدره وقالت تكيس بسييط وتعالي في اليوم العاشر نتابع التبويض تخيلو ولا اعطتني منشط ولا شي لاني قرات انه اللي تبغا تعمل تلقيح لاااازم
تاخد منشطات عشان تزيد فرص الحمل وطول المده وانا استخير وكل يوم اروحلها ابتدا من اليوم العاشر وهاتك يامشاوير مكه جده كل يووم لاني ساكنه بمكه المهم لين اخر زياره قالتلي حجم البويضه مناسب وخدي ابرة التفجير دي والتلقيح حيكون تاني يوم والله يابنات حسيت انه بيروح تعبي ع الفاضي لانها مااعطتني منشطات ولا عملتلي أي تحليل لا واللي قبضني كمان انه العينه زوجي يسويها في المستشفى اللي بجمبهم ويجيبها هوا بالله كيف العينه ماتخرب وبعز الظهر انا بعد مارجعت قلت لزوجي ماحاخد الابره التفجيريه وبطللت ماابغا اسوي دا التلقيح ماارتحت ابدا ابدا وحسيت انه فلوسي بتروح ع الفاضي لامنشطات ولا تحاليل مع انه الدكتوره يمدحها الكل وقدييمه ومعروفه وزحمه عندها ايش رايكم يابنات تصرف صحيح اني سحبت وهل سمعتو عن احد عمل التلقيح بدون منشطات وايش رايكم بالعينه اللي يعملها زوجي خارج العياده :43: ياليت تنصحوني والله يرزقنا جميعا انا المشكله من زوجي عنده الحركه ضعيفه شوي
حلا ولا كل الحلا @hla_ola_kl_alhla
عضوة جديدة
يلزم عليك تسجيل الدخول أولًا لكتابة تعليق.
اختي ليش تعطيك منشط وانتي تقولي انك سليمه اكيد شافت تبويضك ممتاز ما تحتاجي منشط وﻻ كان عملك تفريط في الاباضه او اكياس اهم شي ابره التفجير وزوجك عادي لو عمل برا المستشفى مو شرط داخلها اهم شي يوصل بسرعه اهم شي استخيري و توكلي على الله والله يجيب لك الخير يارب
الصفحة الأخيرة
انا صراحه ما سمعت انه في حد يسويها بدون منشطات سواء ابر او حبوب مع اني قبل كنت اخذ الإبر التفجيريه وكنت اخذ حبوب عشان يطلعلي اكثر عن بويضه ،،
اختي لو في مجال تاخذين الابره التفجيريه ما تضر ع الاقل تكوني تأكدتي انه البويضه تطلع وما يروح تعبك ع الفاضي ،، انتي بس توكلي على الله
وبالنسبه للزوج عادي يسوي العينه حتى في البيت لكن في وقت قصير لازم توصل المختبر اعتقد ساعتين على الاقل لانها ممكن تعيش ساعتين خارج الجسم
والله يكتبلك الذريه ان شالله وتفاءلي دايما