في الاسبوع امرض مرتين --- ماكنت كذا

اولا الحمدلله على كل حال
بشتكيلكم من حالتي
من ثلاثه شهور وانا امرض كثير والامراض ورى بعضها
ولما اسوي تحاليل الاقي كل شي الحمدلله طبيعي ومافي شي خطير
ولكن لو تشوفوني وانا مرميه على فراشي او في الصاله اعاني كان تحزنو عليه من كل قلبكم
خصوصا ان البيت هذا انا العصب اللي يحركه
لو امرض كل شي يتوقف وكل شي يخرب وماعاد فيه احد يعرف يسوي شي من غيري
مرات اسهال ومرات زكام ومرات التهاب اللوز ومرات ارتفاع في درجة الحراره وخمول وتعب جسدي بدون معرفة السبب
اغلب وقتي مرتفعه حرارتي وطايحه بالفراش ومااقدر اسوي شي
تتوقف اشغالي والامور المهمه لاسابيع بسبب مرضي واحاول بكل قوتي اخلصها وماالاقي فرصه او قدره ابدا على انهائها
انا ماكنت كذا
كنت شعلة نشاط وحيويه ومااحتاج لأحد ابدا
والآن عمري ماكمل ثلاثين وانا بهذا الحال
لاحول ولا قوة الا بالله
بنات ادعولي --- احب اقولكم ان مافيه احد يبغى يساعدني او يسأل عني او يبادر بأخذ خطوه لمعرفة السبب غيري
اللي يعرف اني مريضه وخاصه زوجي -- بكل بساطه ينسحب او يشوف له نشاطات بره البيت عشان يبتعد وينسى مسؤوليتي
ومافي انسان ابدا يساعدني بعد الله او يسأل عني
ارجوكم لاتنسوني ادعولي ارجع زي اول واحسن وتنتهي سلسلة الامراض اللي ورى بعضها اللي عطلت حياتي عن نشاطات كانت هي الحياه بالنسبه لي
حتى حياتي الزوجيه تقريبا اتوقفت
زوجي صار يختار الخروج افضل من البقاء مقابل وحده مريضه
ابنائي بس يطالبوني بالقيام بمسؤولياتهم مايفهمو ولا يحسو اني تعبانه فعلا حتى لو فاقده الوعي قدام عينهم يكتفو بالنظر لي
مااعرف ايش صار
ابدا حياتنا ماكانت كذا
والمشكله مااعرف احد يساعدني او ينصحني
انا اتغيرت فجأه واتغير كل شي معايه
:(
على فكره من امس الصباح وانا حرارتي 39 ومرات 38 ماتنزل ولا بمسكنات ولا اي دوا
وزوجي جا المغرب لمس راسي قال مسخنه خذي شي للحراره
وماعاد فكر يسوي شي
واليوم الصباح خرج بكل بساطه حتى بدون مايشوف ايش ناقصني
مويه مافي
فيه جالون مو مركب في البراد قدام عينه ماقال خليني اركبه-- راح البقاله جاب له مويه صغيره عشان مايشيل شي ثقيل
معتمد عليه انا اركبها وكل مااقوله ركبلي هي ثقيله يقول ظهري يعورني
انا وزني 57 وهو وزنه 109 كيلو ومايقدر
واطفالي صغار
ساعدوني وادعولي