كوبونات الراقية تسجيل الدخول
...¦¶ تـسـواهـن ¶...

في الرياض خادمه تقتل الطفله ريم والسبب؟ ؟ الا متى نرمي اطفالنا للهلاك بايدينا؟

الملتقى العام •

كلكم شفتوا الافلام الي تصور ضرب الخادمات للاطفال
والتعذيب والرعب الي يصير للاطفال

شفتوا البرنامج الي صار بقناة الراي؟
تكلموا بعد عن الخادمات واستفرداهم بالاطفال وضربهم وتعذيبيهم
وتخيلوا ورونا افلام لعوائل حطو كاميرات مراقبه وشافوا اشياء ماخطرت على بالهم

لانهم اصلا لو ماهم واثقين بذا الخادمه ماخلوا فلذات اكبادهم عندها وطلعوا وخلوهم بساعات

شفت الطفله الحلوه الي من كثر ماتضربها الخادمه على راسها صار لها تخلف عقلي وعيونها طايره على فوق ومو ثابته نظرتها :icon33:

والطفلين الي واحد سنتين وواحد 9 شهور شفنا بالفيديو شلون كانت تصيح عليهم وهي مجلستهم على كراسي المخصصه للاطفال على طاولة الطعام
ولي يرفض ياكل تنزل الكرسي الين الارض والطفل ثابت بالكرسي ويصيح ويمسك الارض بيديه الصغيره واخوه الكبير يشوفه ويهتز من الرعب ويوم مرت من وراه تصلب كنه جدار من الرعب

ولاااااااااااااااااا الطفل الي عمره سنه ونص تخيلوا سنه ونص وبالفيديو بعد
حاطين كاميرا المراقبه على سريره كان يلعب سمع صوتها قرب صوت الخدامه
تدرون وش سواااااااااااااا؟؟؟؟؟؟؟؟؟؟؟؟؟؟

بسرعه انبطح وسوا نفسه نايم !!!!!!!!!!!!!!!!!!!!!
طفل بذا السن تعلم يمثل علشان ينقذ نفسه
ياليت اخش عقول هالاطفال واعرف وش يفكرون فيه وهم يشوفون امهم وابوهم يضحكون مع هالخادمه ويسلمونها اياهم ويطلعون ؟؟؟؟؟؟؟

المهم لما دخلت مدري وش ارطنت ثم ارفعت رجوله وافتحت الحفاظه بعنف تشوف فيها شي تلحق تغيرها قبل تجي المدام ثم خذته وهي تهاوش بصوت عالي " طبعا طبيعي اذ صار يحبس بوله ومرض خوفا منها علشان يقعد نظيف وترتاح" :icon33:

وهو للحين مسوي نايم تدرون من وين شالته؟؟؟؟؟؟؟؟

شالته برجلينه الثنتين وقعدت تشقلب فيه بين رجولهااا وفوق راسهااا وهو عيونه طايره من الرعب وخذته ماعاد شفناها بالكاميرا مدري وش سوت بعد

المهم آآآآآآآآآآآآآخر المستجدات بعالم الخادمات الي نسلمهم اطفالنا ونروح نطلع يا لشغلنا علشان كسب كم الف
ولا علشان نتمشى او نتسوق او او ............... الخ

تفضلواااااااااااا هنا

http://www.alriyadh.com/2006/01/23/article124829.html

طبعا مو كلهم كذاااااااا بس الحرص واجب لان هالي اطفالهم ذاقوا اصناف التعذيب والترهيب والرعب ومروا مستقبلا بامراض نفسيه نجهل مصدرها او تبول لا ارادي او اهتزاز بشخصيتهم او عنف وغيرهاااااااااا

ماتركوا اطفالهم عند هالشغالات وهم يشكون فيهم لو واحد % واثقين فيها ويعاملونها كويس يتركون اطفالهم او طفلهم عندها تستفرد فيه
يصيح وتطفش منه يلعب ويحوس وتعصب منه < كل هذا طبيعي حتى احنا يامهاتنا نطفش ونعصب

بس بما انها ماهي امه ولا لها اي صلة قرابه فيه مايهمها ولا يعني لها شي وتمثل قدامك انها تحبه :30:

بما انه مايعني لها شي ممكن تصيح عليه بطريقه مرعبه وتخوفه باسلوبها علشان ينثبر ويسكت من رعبه ويصير صنم من خوفه من ضربها او طريقتها في تخويفه

اناااااااااااااا شخصيا
عندي طفل وخادمه طفلي هذا اجاني الا بعد 10 سنوات علاج ومعاناه
ماطلع من بيتي اذ ماتاكدت ان امي تقدر تستقبل خادمتي وطفلي عندها وتراقبها لو من بعيد لبعيد تشرف عليهم مايقعدون بغرفه وهي بغرفه لااااااااا
او عند اختي ... اذ مالقيت احد ونا مره ابي اطلع خلاص اهون من الطلعه لعيونه
وعلشان هالامانه الي ربي عطاني اياهااااا واعرف شعور الامهات الي يتمنون طفل واقارنهم بالامهات الي يرمون اطفالهم على الخدم وتروح تتمشى وتسهر ولا تروح لشغلها الي يبعد ساعه او ساعتين عن مكان سكنها ولا تدري وش يصير له كل ذا علشان فلوس مادري وش بتنفعها الفلوس وطفلها يعذب ويقهر ويضرب ولا ضرب الصهاينه للفلسطينين المسلمين :icon33:

واخيراااااااااااااااااااااااا
الله يعطيني خير خادمتي ويكفيني شرها ويرد كيدها في نحرها ويسخرها لي
الحمد لله اعاملها بطريقه رائعه ورسميه وتحترمني جدا لاسلوبي معها
وهي اصلا خوافه وصغيره بس ولووووو ماسلمها قلـ ( طفلي ) ـبي تستفرد فيه مهما كانت ثقتي فيها عميا

ليه ؟
لان وقت الندم ماراح ينفعني شي :(

اللهم احفظنا واحفظ ذريتنا من كل من لا يخافك يارب
دعواتكم لي ولطفلي جزاكم الله خير :26::26:
10
1K

يلزم عليك تسجيل الدخول أولًا لكتابة تعليق.

تسجيل دخول

omdima
omdima •
الله يرحمها ويصبر اهلها يارب بس وش نتوقع من خادمة أتعبها الفقر و الغربة و الجهل هل نتوقع منها ان تترفق بأطفالنا وترعاهم وتدللهم و وتحنو عليهم وهي اللي تغربت وتركت أهلها و أطفالها و كل شيء بسبب الفقر والحاجه و فوق هذا كله الكثير منهم تصدم بسوء المعامله اللتي تلقاها من مخدوميها , الخادمه جاءت لتساعد وليس لتربي جاءت لتساعد الام كي تتفرغ الأم لأطفالها وترعاهم بنفسها لا لتتركهم لخادمه ليس لها لديها اي خلفيه في تربية الأطفال ومراعاة نفسياتهم وتنشئتهم تنشئه صحيحه , والله ان الأم احيانا تتضايق وتتأفف من طفلها اللذي أبقاها ساهره طول الليل فا مابالنا بالخادمة ؟؟!!
أنا لا أتعذر للخادمات ولكن أحاول توعية الأمهات
الله يرحمها ويجعلها شفيعه لأهلها يارب ويصبرهم على بلواهم يارب
عيون_الإمارات
عيون_الإمارات •
لا حول ولاقوة الا بالله العلي العظيم

الله يرحمها


ياليت كل الاخوات الي عندها خادمه اتحط كاميرا في البيت وتراقب تصرفاتها حتى لو كنتي واثقه منها واذا بعد اتعاملونها معامله طيبه الزمن مافي امان ..

والله يحفظ عيالنا من كل مكروووه ...
أم عمير
أم عمير •
هذا المقطع وصلني عبر الإيميل
و نشاهد فيه الخادمه تضرب الطفل على رأسه
ما أقول غير الله يكفينا و يكفيكم شر الخدم و يغنينا عنهم


http://movie.abunawaf.com/2005/09/10-09-2005.zip
bebe_2006
bebe_2006 •
الوصلة مفيدة لموضوعك بعد

http://forum.hawaaworld.com/showthread.php?t=452533

ولو يتطبق القانون على الخادمات و المربيات

كان الواحد على اقلها يردعهم من فعل هذي الاشياء

حسبي الله ونعم الوكيل <<<<<المشكلة اطفال لو تعمل اي شي يكون اخف من هذا الي قاعدة تسوية حسبي الله عليهم
روان م
روان م •
اذا كانت الخادمة تعامل معاملة طيبة ليش تقابل ذلك بالاسـاءة انا صراحة اقول ان شغالتى حليلة لكن انتم خووووفتوووونى واخاف اجيب كمرة للتصوير واشوف لا لالا مأتحمل أكيدأقتلها وش راح استفيد نريـــــــــــــد حلول غير الكمرة