في الشهر الرابع وعندي ألم ونغزات في بداية عنق الرحم ؟

السلام عليكم ورحمة الله وبركاته ..
حبايبي أنا حامل وتوني من أسبوع داخلة على الشهر الرابع ومن يومين جايسني ألم أسفل البطن زي ألم الدورة مع ألم زي شد بالبطن وأحس عندي بداخل المهبل يعني في بداية فتحة عنق الرحم أحس بألم زي نغزات إبر وتكهرب:08: مدري الآلام اختلطت علية ونومي صار زيادة عن قبل يعني لو أنام طول اليوم ماعندي خلاف بس بالليل ما أقدر أنام يجيسني أرق شديد :09: من تشرق الشمس أنام وبعد نومي متقطع مب متواصل لأن أحس مثانتي بسرعة تمتلىء ولمن أفرغها ما يكون إلا شوي هذا من غير الثقل اللي أحسه أسفل بطني"منطقة الرحم" وخصوصاً لمن أمشي أو أتحرك ولمن أرجع أنام كلما أتجلب أحس بألم في بطني :06: حبايبي اللي مرت بهالحالة أرجو انها تطمني إذا كانت هذي أعراض حمل عادية أما إذا كانت مب عادية أفكر أروح المستشفى رغم اني من يومين بالأربعاء كان موعدي وكل شيء يطمن على خير حتى الجنين كل شيء تمام ربي يحفظه لي من كل سوء يارب.
على فكرة أنا أكلي صار وايد قليل يعني يادوب أكل وجبة وحدة باليوم من اللوعة :confused: .

للعلم أنا آخذ حبوب بيبي "اسبرين" وتحميلات "سايكلوجست" لأن عندي اربع اجهاضات بس ماكان يبان الجنين في كيس الحمل يعني توه الحمل في بدايته وينزل في سبع أسابيع ما يكمل.

أتمنى من الأخوات مايبخلون علية بالنصيحة وتجاربهم ودعاءهم لي بثبات حملي.

وأرجو من طبيبات المنتدى يايبخلون علية بالنصيحة.