في الغربة بيت كبير ام منطقة راقية

اهم شي تكون بالنسبة لي الامور العملية
واكون في منطقة نسبة الامان فيها عاالية
وربنا يوفقك

لا بيت كبير ولا اشي

بس منطقة تكون محترمة مافيها اشرار وفيها عرب علشان الواحد ما تختلف عليه البيئة

بعدين البيت الكبير مابسهل لانه اللي بدها تسهل على حالها بتسهل حتى لو في كوخ صغير غرفة بس وحمام
المقاييس باللي في النفوس كيف تنظري انت للامور

والله المستعان

اهم شي الامان و بعدها بتحسين بالراحه النفسيه

وبعدها الراحه الجسديه

والاخت تقول ان المنطقه الثانيه بعد اوكي

أم آية أنا أكتر وحدة قريبة من وضعك
نحنا ببلد عربي يعني كل المناطق فيها عرب و آمنة الحمدلله
بس في مناطق عزاب و هون المشكلة
يعني صعب كتير تسكني بمنطقة كلها عمال هنود
أنا جربتها كنت ساكنة 3 سنين بمنطقة عوائل صح بس في كم بناية كلها عزاب.. والله انحبست بالبيت صار جوزي ما يخليني لا فوت و لا إطلع خوفاً علي من العمال .. لك حتى على الدكان يلي بلزق البيت ما روح و لو كان بدي شي مهم
حتى مرة انسرق بيتي لما كنا مسافرين و ما عرفت الشرطة مين الحرامي

بقى السكنة بمناطق العزاب صعبة كتير

تاني شي لا تسكني بمنطقة بعيدة كتير عن الأسواق و الحياة.. يعني مو تروحي تسكني جنب جامعة الشارقة مثلاً بآخر ما عمر الله.. و لا جنب المطار
هديك متاطق كتير بعيدة و لو البيت كبير بتلاقي حالك بعيدة عن كل الدنيا و لو احتجتي دكتور مثلاً بالليل ما بتلاقي حدا قريب و لو احتجتي خضرة ضروري مثلاً ما في محلات قريبة

و أكيد لازم تسكني بمنطقة قريبة على شغل جوزك.. من غير شي العجقة عندكم مو طبيعية.. يعني مو يكون شغل جوزك بدبي و إنتي ساكنة براس الخيمة.. هيك بيقعد 3 ساعات على الطريق أقل شي باليوم و ما عاد تشوفيه متل العالم و الناس

بس كمان لا تضربيها بالعلالي.. يعني مو ضروري تعيشي ببرج فخم على بحيرة خالد باستديو.. خدي شقة غرفتين و صالة بشارع الملك فيصل بنفس السعر بيكون أحسن

يعني هيك وازني الأمور

و قوليلي لشوف وين ملاقية بيت و شو مواصفاته لأعطيكي رأيي

أنا على فكرة بعرف وين بيتك هلأ :) جنب شغل جوزي القديم بالشارقة.. بس ما حقول وين على العام :)

الأماااااااااااااااااااان قبل كل شي اهم شي تكون منطقه أمنه وحولك عرب وبعدها تجي باقي الأشياء من كبر البيت ومواصفاته