في ام ..،ماتدري ان اسم بنتها على فلانة مو فلانة ،،،

السلام عليكم 
 بداية المشكلة 
انا تزوجت قبل ست سنوات 
وحملت بعد سنة زواج 
ولما عرفت اني حامل ببنوتة 
،،،كثييير فرحت لاني احب البنات كثيير 
بديت زي اي وحدة تدور على اسم 
طبعا كااان في اسم كثيير عاجبني ،،من قبل ما اتزوج 
لكن 
اللي صار ان زوجي يرفض وان هالاسماء الجديدة 
مو حلوة 
وان صعبة ينادوه بهالاسم 
بحكم انها اول مولود 
فصرت ابحث وابحث 
وكل شوي لا مو حلو 
 الييين قربت ولادتي 
وصار يقولي انه وعد صديقه انه يسمى على امه ((ام صديقه ))
لانه 
((سمو امير ))
واسم ام هالامير جدا قديم 
وكنت مو مقتنعة فييه بالمرة 
لييين ما ولدت 
ولدت بعملية 
وانا بغرفة الافاقة 
صار يقولي خلاص سميتها (())
 الى الان كل شي عااادي 
لكن هي الحرمة لا كلمتني ((ام الامير ))
لاباركت لي 
ولاشي 
ولا جابت السمواه 
ولاشي ،،،
طبعا ان لا اسأل زوجي ولاشي 
الموضوع عاادي عندي 
الى ان صاار هالموقف قدامي 
كنت بنفاسي وجت ام زوجي عندي 
وكان عندنا ضيوف 
فصاروا  يسالون امي على مين سميتوها 
فردت ام زوجي 
وقالت على وحدة من جماعتنا ماتت الله يرحمها 
وانا احبها كثيير وعليها سمى ولدي بنته

انا صرت كذا 
 مررت اللحين 4 سنوات 
وتزورني وحدة من جماعة زوجي 
وصرنا نتكلم 
بالاسماء 
قامت قالت لي انو بنتي صح اسمها قدييم 
بس لايق عليها 
ابوها مدري ليش ما سماها على امه 
رايح يسمها على فلانه من جماعتهم حرمة كبيرة 
ومتوفية الله يرحمها 

تدروون وين القهر 
ليش خليني كذابة 
يووم الناس تسالني 
على ميين سميتوها 
وكم عطوكم من هالكلام 
ليش يوووم رضيت بالاسم 
ليش ما قلي على مييين
مو من حقي كالام 
بالله عليكم 
مو ظلم كبير في حقكي

نفسي اقوله اللي بصدري واعاتبه ليش كذب علي 
 والله العظيم يوم اشوف البنات اساميهم حلوة 
وبنتي كبير عليها  الاسم 
واخاااف تتعقد منه 
 الحكيمة 
تشور علي 
1/ اكلمه 2/ اغير اسمها بالقوة ردا لكرامتي امام اهلي واهل زوجي 
لاني طلعت مثل الاطرش بالزفة 
3/ 
والا اطنش وامشي السالفة لان بنتي صار عمرها 4 سنوات