في بداية الشهر الثاني واوحامي شديد

السلام عليكم

بنات انا في بداية الشهر الثاني يمكن يا دوب كم يوم ومن خمسة ايام لحد اليوم كل ما له الوحم يزيد في حملي الاول ما بدا معاي الوحام الا في الشهر الثاني وما كان بهالحدة .

حاليا اول ما اصحى من النوم لوعة ازيد من حمل السابق بثلاث اربع مرات والله بدون مبالغة حتى اقول لزوجي احس كأنه احد راميني من فوق لتحت او توني طالعة من برجة من كثر ما جسمي احسه ثقيل واجلس ساعة ساعة وشوي على سريري عشان اقدر اقوم حتى كلام ما اقدر اتكلم احس نفسي بستفرغ وانتو بكرامة بس الله راحمني انه بس لوعة :king: وغير ظهري يألمني يا دوب اتحامل على نفسي اطبخ والضروريات حتى كرهت النوم لانه ادري بعده اذا صحيت معاناة وقلبي اذا انسدحت يدق بسرعة ويهدأ بعدين وعلى هالحر احس انه على طول بردانة واتلحف بلحافين واغطي رآسي بشال عشان ما يدخل هوا والا ما اقدر انام وحتى شالاتي تبع البرد طلعتهم خخخخخخ



بنات انصحوني شسوي عشان هاللوعة لا تقولوا لي بسكوت
جربت البسكوت + شبس مالح + تمر هندي ( صبار ) ما فاد
امانة الموز يخففه لي شوي

+ متى يبين الحمل بتوأم لانه على وحامي اشك في نفسي صراحة و لانه بين علي وآنه يا دوب في الشهر الثاني وزني نقص ما زاد بس انتفخت ولو احد يدقق بيعرف إني حامل ..
ولما زرت الدكتورة وسوت لي سونار قالت لي الجنين موجود ومكانه صح بس للحين صغير على انه تسمعين النبض ، فمتى يبين الحمل بتوأم ؟؟


وحدها ودها بتوأم وتتوهم :heart: