في بيتنا فار ساعدوني ارجوكم

مثلك بس ان شاء الله بنقل بيت جديد واخلص من هاالفيران لانها تجيب امراض

وين موجود بالمطبخ ولا يحوس بالبيت كله

فيه منتج يشترونه من حقين المنتجات الزراعيه حبوب ياكلها ويموت

والله انا مثلك ولا كان كل واحد حاجز غرف وحطيت السم واكلن وطلعت ريحه خلتني في نفس اليوم كل ماشلت واحد لزباله برا تلوع كبدي المهم عرفت من وين تجي من احد ابوابنا الخارجيه وحاولنا نعرف من وين تجي
عاد المصيبه الي تاخذهن انا بالدور الثاني والحين باقي فار عجزت لانصيده وين بالمطبخ
ااااااااه بس عجزت كبيت كل مواعين المطبخ وماخليت عنده شي وتنضيف شطف الاكل على طول محفوظ ولاه راضي يدور غيرنا
الله يعين مافي دعاء ليهن وش اسوي ماخليت شي
الله يعينك ويعيناعلى هالقذر

الله ياخذ الفيران وعععع

كان الله بعونك
بقولك تجربتي بس لاحد يضحك والله ما أقول غير الصدق

كان عندي فار في المطبخ مانفعت معاه لا المصيدة ولا السم
المهم إن خالتي أم زوجي قالتلي إذا حطيت السم ألبس جونتي أو كيس بلاستك
وأحط السم في أكل جديد مافيه ريحة أيادينا يعني مثلا قطعة خبز نظيفة مو من بقايا الأكل
أو جبنة مثلثات وهذي أفضل عشان السم ما يتناثر منها أفتح غلافها وأنا لابسة القفازات
وأقطعها بالسكين من الوسط شريحتين وأحط السم في الوسط وأرجع الغلاف كأنها جديدة
واخليها في مكان يتواجد فيه الفار في المطبخ وأقفل باب المطبخ
وإذا كان مرتفع شوي عن البلاط أقفل الفتحات من تحت بأي شي عشان أضمن ما يطلع الفار من المطبخ

المهم طبقت الطريقة بكل سرية ومات الفار في نفس اليوم ولله الحمد

خلاصة القول :
1 _ من الخطأ وضع السم بكل مكان في البيت لأن الفار لو أكل السم ممكن
يهرب ويتخبى في مكان صعب الوصول له ويموت فيه وساعتها تكون الريحة فظيعة

2 - مقولة قديمة أخذتها من خالتي الله يعافيها أن الفيران مثل الجن يفهمون كلامنا
لذلك لما نحط السم مفروض ما نعلم أحد إنا حطينا اليوم سم للفار لأنه في الغالب ماراح يقرب من السم

3 - الفار ذكي جدا ومن تجربتي صار يميز الأكل اللي يلقاه في مصيده أو أماكن غريبه أنه خطر فما ياكله
وألقاه ماخذ واحد اندومي جديد أو كيس خبز جديد وياكل منه عشان كذا مفروض مانلمس الأكل اللي بنسمم
الفار فيه بيدينا بتاتا

4 - لازم نتأكد من تواجد الفار في مكان محدد في البيت ثم نحط السم ونقفل على الفار داخله بعد مانكون شلنا أي كراكيب وقفلنا
الدواليب عشان ما يدخل فيها ويموت داخلها ونراقب الباب لأن الفيران تأكل الأبواب الخشبيه وتطلع من تحتها

أتمنى أكون أفدتكم ولو بالقليل ودعواتكم لي