العجرميه

العجرميه @alaagrmyh

عضوة نشيطة

في بيتنا مراهق الله يرزق اللي ترد

الأسرة والمجتمع

السلام عليكم ورحمة الله
بصراحه مادري كيف ابداء معكم المشكله
انا ابوي متزوج وطالع من البيت وامي كبيره بالسن وانا متحمله مسولية اخواني
عندي اخوي الصغير اصغر واحد عمره 14 سنه
انسان عنيد وعلى طول بالشارع ولا يذاكر وبادي مراهقه من بدري من سن 11 سنه
وانا اللاحقه من مكان لمكان واذا طلع ادخله وصلت مرحله من التعب معه وانسان مايسمع الكلام
وامس كان طالع بالشارع من يوم رجع من المدرسه الى بعد صلاة العصر ولايرد على الجوال
يوم رجع ضربته ..... راح تقولون غلطانه ... انا بكل الطرق جيته مافي فايده


اتمنى من اخواتي اللي عندها اساليب لتربية المراهق تقولي
واللي ماعندها تدعي له بالهدايه
قسم بالله ماصرت اذاكر والسبب هو
من جد تعبت
27
1K

يلزم عليك تسجيل الدخول أولًا لكتابة تعليق.

تسجيل دخول

وايت بيوتي
وايت بيوتي
اولا : ماشاء الله عليك ، ان شاء الله عيالك بيبرون بك ويحجون بك ويرفعون قدرك بصلاحهم

ثانيا : اختي المراهق الولد صعب ترتبية يبيلك الصبر معه

ومن الطرق الناجحه : التحاور : كلميه فهمية اشكي له قولي له انت ابونا انت قدوتنا

حاولي تخلقين مشكله وقولي له ابغاك تحلها انا مااقدرت احلها وكذا شوي شوي

يتحمل المسؤلية ويصير قلبه مشغول بكم ويحب يجلس معاكم

ولا تكثرين عليه النصايح لان كثرتها مثل قلتها

ادعي له دائما وخلي امك تدعي له

كلموا واحد صالح عندكم يماشيه فتره يكلمه بطريق غير مباشر

والله يهديه ويصلحه ويخليه لكم ويخليك لهم ويخلي امك لكم يارب ويرزقك ويسعدك ويفرج لك يارب
Bاحساس انوثهA
Bاحساس انوثهA
أسأل الله ان يهديه ويجعله هينا لينا..
حبيبتي افضل طريقه ان تكوني صديقه له..تقربي له وكلميه وسمعيه كل كلمات الحنان
حتى وان كانت مفقوده بين العائله ..تكلمي معه لم انت تفعلي ذلك..ونظمي له وقته
يعني قولي له ياحبيبي خلي هذا الوقت لك تخرج فيه..وهذا الوقت تدرس فيه..
ونظمي له وبيني له حبك له وتقديرك له وقولي له اذا كنت تحبني تعطيني وعد انك
بتلتزم بهذا الجدول..وانتبهي لصلاته واجلسي ولو يوم واحد بالاسبوع قولي
له يافلان وش رايك نسمع مع بعض ..وادخلي على موقع طريق الايمان
وادخلي على الشيخ ابراهيم بوبشيت له محاضرات رائعه عن ذنوب الخلوات وغيرها
واسمعي انت واياه سوف تتاثرون جدا بكلام الشيخ ثقي حبيبتي لو اخوك بيتوجه
لشيء ديني رخ يسير على الطريق الصح..وربي يهديه امين..
فيضه™
فيضه™
الله يهديه يارب:) ويعينكم عليه
بنادولة
بنادولة
اختي الله يعينك

حاولي تمدحينه وقولي انت رجال

جيبيله هديه وكلميه بهدوء اكسبيه كصديقه

لان المراهقين ما ينفع معهم العناد
العجرميه
العجرميه
الله يرزقكم كل اللي تمنونه
ارتحت يوم قريت كلامكم خففتو عني شوي