في بيتنا مريض بالمس الله يشفيه ويصبرني ساعدوني طلبتكم

خواتي وحبيباتي عضوات عالم حواء
السلام عليكم جميعا
بدخل بالسالفة على طول
ولد زوجي أصيب قبل فترة من شهرين تقريبا بمس عاشق عن طريق عين قوية حسبي الله ونعم الوكيل هو عمره 22 وهو ساكن وأمه وخواته بالدور الارضي وانا فوق
المشكلة انه يصيح صياح بسم الله علينا مو صياح اوادم صيااح كل الحي يسمعونه ومتواصل طوال اليوم يمكن ينام ساعات بس ويقوم وهذا حاله غير انه يركض بالحوش ويتخبط والله لايوريكم
وانا من يومها وانا لاليلي ليل ولانهاري نهار من الخوف صرت اتخيل واهوجس وابكي والنوم الله اعلم فيه وولدي الصغير بس حابسته مااخليه ينزل تحت عند خوانه خايفه عليه
الحمدلله اقرا الاذكار علي وعليه دايما واداوم على الصلاة الحمدلله بس وضع انك تكونين عايشة في بيت تحسين فيه وتسمعين أصوات الجن شي مرعب بسم علينا
تكفون واسوني قولولي كيف اتصرف وكيف يتم التعامل مع مريض المس
لأني مو معقولة احبس نفسي وولدي طول الوقت بالبيت
وادعوله ان الله يشفيه هو حاليا يراجع عند مشايخ معروفين يقرون عليه ومرة يتحسن ومرة لا
ياااارب فرج علينا بأقرب وقت