صبحهم ومسهم بالخيير يالله أن تحييهم وتبقيهم
ذات مساء غير المساءات المعتادة صرت خالة وكبروني يامال الي منيب قايلة خاله مهوب يعني لوني أسود
أوخيتي جابت طفل وصرت خالة مستانسة
لكن يافرحة ماتمت مغير يبتسي يبتسي كنة مقبص وكان ثاني حفيد في
العائلة أول حفيدة كانت بنت أخوي يعني تعرفون أكيد بتتنفس عند أهلها
لكن المصيبة أختي أول طفل وماندري وين الله حاطنا فيه مغير نقولب فيه دايم البكر فار تجارب
نتعلم فية المسكين
ياتصيب ياتخيب على قولت أخوانا المصريين ياأئتل يامئتول
هذا غير الناس الي يجونا عصر مغرب عشاء حزت النوم عادي يجون
بنتحر كله كوم والا اذا جتك وحدة مع بزارينها
لاخلاص قررت أطب مع السطح والا أشرب كلوركس
تجي تبلبع في ذا الشوكلاتات
وتشرب من ذا القهاوي وبزرها مغير يكسر في تحفنا وأثاثنا
والمصيبة مهوب في التكسيير
المصيبة اذا قلت للأم ترا البزر يكسر وتجي بكل برود تتبوسم غريبة بزري مايكسر
حبيبي حمود أقعد لاماشاء الله:07: خوفتي البزر ماعاد هوب مكسر
وأنا أناظرها ذيك النظرة وأقول في نفسي قولي كذابة
أنا كذابة وأتبلى علية
وأقوم وأستفرد فية وأقبصة ذيك القبصة الي قام يزرَع من الصياح خلها ماحد قلها ترد ذا الرد
تبلبع من شوكلاتاتنا وتكذبني بتغص فيها من كثر ماطريتها
يامال الجني أن شاء الله حقدت عليها لاأبوها لابو ولدها فوقها من زينة عاد
وكلة كوم واذا جتك وحده أبو العريف جايبه ست بزارين يقالها خبرة
تجي الثانية لالا تشربية يقولون مب زين وتجي وحدة
تقول عطية نعناع والثانية تقول لالا مهوب زين وهكذا إتفق العرب على أن لا يتفقوا
والضحية أوخيتي و ولدها
والا تجيك وحدتن ملقوفة من سمى الولد ولدتي طبيعي والا قيصري أخذتي التاسع كله والاما أخذتية أي مستشفى ولدتي متي يجون الحمولة
نعنبو ذا الخشة جالسين في قوانتانامو على ذا الأسئلة
وفي الأخير على ذا الاسئلة اذا سألتها شي عن حياتها ماجاوبت
رغم أني منيب من هالنوع لكن أسوي بالمثل عشان أشوف أن كانها بتجاوب والا لا
كلة كوم والروايح كوم ثاني
ريحة حلبة ريحت أشياء مدري وش تبي حتى لو نايمة تصحيك الريحة من النوم
.لدرجة صرت ماعاد أحب العطورات
صرت أتعطر بالحلبة صارت العطورات العادية ماتستهويني ماعاد أحب عطورات شانيل ولا هالطقة ياكبرها عند ربي
صرت أحب الحلبة من عاشر قوم أربعين يوم وأختي جلست عندنا أربعين يوم ورزود بعد
والا اذا جو الحمولة اذا كان الولد شين الصقوه فينا وطبعن ولد أختي يوم انه صغير مهنا زين ولاشاف الحلا عشان تسذا قالو يشبهه لكم
وألحين يوم كبر عمره أربع سنين طلع يهبل بسم الله عليه وأبشركم قالو يشبهه لهم
مايستفاد من الموضوع
لاتجيبون بزارينكم عند الناس أن كانهم شياطين أكيد أي وحدة والدة تكون تعبانه وحتى الاهل يكونون مانامو من صياح البزر
مب رايقين لانفسهم عشان يكون رايقين لبزارينكم
لاتصيرون ملاقيف وتسألون الناس أسئلة مالها لزمة اذا ماتكلمو من نفسهم والا لاتنشبون
واذا كنت مثل قريبتنا تسأل وماتبي أحد يسألها فا الي ماترضينه لنفسك لاترضينه للناس وتحرجينهم
الخاله الي مثلي المفروض يسفرونها ههههه مغير ياعمري أنا على رجل أربعين يوم
كلمة للحموله هههههههههههه عيب ثم عيب على حسب الشكل تقولون يشبهه لنا ترا كله خلقت ربي جعلكم الصلاح:cool:
sahraouia @sahraouia
كبيرة محررات
يلزم عليك تسجيل الدخول أولًا لكتابة تعليق.
ام صالح الفالح
•
تعيشى وتاكلى غيرها واختك ولدها عمره 4 سنين ولسه ماجابت له اخو خخخخخخخخخخخخ
حلو البيت الى فيه نفاس حركه ونارايحه وناس جايه ووناسه يارب ترزق كل محروم ومع حق بالى تجيب عيالها معها اسلووبك عسسسل
الصفحة الأخيرة