واسعد مساكم جميعــــــــــــــــــــــاً ..
موضوع خفيف ظريف مابه شي غير الفضفضه
في احساس احس فيه ومدري اذا احد يحس فيه مثلي...بما اني مسنتره بالمجلس العام كل ابو دايم
ابـــــد ماطلع منه حتى مرات ودي اسير على الاقسام الثانيه اشوفهم يحتاجون شي ولا قاصرهم شي ابد رقبتي سداده <<امش يالواصل
تصدقون بمجرد تطب رجلي عندهم اقصد اناملي عندهم استوووووحش المكان واحس اني بمقطعه لحالي
واريووووس وعلى مجلسي ياحبنيله بس لو يفتحون مقلط لسوالف الليل يصير اطلـــــــق مجلس
نرجع لاحساسي اللي قلته اول شي.. دايم اشطــــــــح وانسى وش كنت بقول مير الله يسلمكم سلكــــــوا
احس البنات اللي يردون برد هذا كبره مثل
خير
احسهن يصيحن بأعلى روسهن لا اخفيكم ان قلبي مرات يقرقع اللون بحد ذاته حق هواش واحسهم يردن من قلب قلبهن
مقصد احد معين ياحبنيلكم يعني لحد يزعل
انا بشكي لكم فيه احد مثل الكائنه العجيبه الغريبه التي لم ارى مثلها طيلة حياتي
اختي النفاس
اااااخ من دلع الحريم بس بقولكم حركاتها وانتم احكموا تراها جنبي ذحين وتقرا معي
اذا حطينا القناه على فتافيت قالت وآآآآآي يمـــــه خليهم يغيرون هالقناه تسد نفسي !!
وامي غيروها يابنات
واذا شافت احد يتفرج في مباراه عندها قالت وآآآآآآي يمه خليهم يطلعون مابغى ازعاج
وامي انقلعوا للمقلط انت وياه
واذا جلسنا نبي نسولف عندها <<موب عشانها عشان ميمتي اللي مقابلتها :42:
قالت وااااااي يمه خليهم يطلعون ابي هدؤء
وامي اذلفن ياحبيباتي فوووق
اخواني ياكلون شاورما عندها
ووااااااي يمه ودي استفرغ اذا شميت الشاورما وتقوم امي تطردهم برى
وذحين جيت وجلست عندها اكل جح والجح موب زين لنفاس:S_45:
قالت وآآآآآآآآي يمه خلي نوشه تاكل برى اشتهيت فيه :16:
وامي يانوشه ياقلبي اذلفي اكلي بالصاله
تكفوووووووون وش اسوي فيها اذبحــــــها ولا اذبحها :angry2:
مجننتنا بوحااااام ومجننتنا بنفاااااااس لو امي تمسكنيها يوم واحد
لبرد حرتي فيهااااا ...ماداني دلع البنات انا
اجل انقلع لصاله عشان ماتشتهي بالجح اللي معي إيه ياصبر الارض بس
نسيت اقولكم اذا بنتها النونو بكت قالت وآآآآي يمه خلي البنات ياخذونها بنام !
كيف نتعامل مع هالكائن الغريب
ماضحكني غير اخوي الصغير يقول ياليتني نفاس يايمه وتدلعيني:22: خخخخ
طيب أنتي ليييش زعلانه أنتي أحملي واولدي وتسوي لك مامتك زيها<<<ألاصدق أنتي موب حامل ومتوحمه عالبليلا خخخخخ
وسعي صدرك ياحلوه
أقوول نوووشه أنا اليوم نشيييطه رديت أول وحده يعني خذت مكانك المعتاد ..