دام مافيه خير لا ابيه مقفي ومقبل وش ابي فيه . خليه يولي حسبي الله عليه

الصياح والولوله والدعاوي ماراح تفيدك بشي
عرفتي حركات زوجك الخبيثه خلاص تعلمي درس للمستقبل
هواشكم وبلاويكم تكون وجه لوجه خلف باب مغلق هنا تحفرون وهنا تدفنون وما تتركون وراكم اثر
اما حركات التزيعل والهواش بالجوالات وبالصوت بعد والله مو حلوه بحقك وانتي حرمه كبيره ام عيال ترسلين صياح يبقى مسجل عنده يسمعه وهو مروق ودمه بارد وممكن يستخدمه ضدك اذا في يوم من الايام دخل بينكم الشيطان
وانتي تقولين عارفه حركات زوجك مو اول مره ياخذك محتوى للعائله الكريمه يصايح عليك قدامهم وينفش ريشه لانه متعود عليهم وهذي اطباعه اكيد مع كل الناس لا يحشم ولا يحترم خاصة اذا شافك تطقين وتنقهرين من هذي الحركه يكررها عشان يستمتع بنرفزتك
تعوذي من الشيطان وروقي اعصابك مافي شي يستاهل تقهرين نفسك عليه
اذا فيه عيب ومنقود فهو عليه مو عليك
كل الازواج يصير بينهم اخذ وشد بالكلام لكن مستورين مايسون مثل زوجك
تعلمي من الدرس وابلعي قالب ثالج وخليك ذكيه وحذره

وخير ياطير!!
سمعوا نقاشكم او هواشكم وش بيصير؟
وش بيجيك؟
وش بيسوون؟
ومن يكونون عشان توصلين لهذي الدرجه من الحزن والضيقه إنهم سمعوك وانت تهاوشينه!؟؟؟

تعوذي من الشيطان
هونيها تهون
كبريها تكبر
خوذي الأمور ببساطه
فيه مصايب الواحد يمر فيها كيف بتواجهينها لو لاسمح الله مريتي فيها وإنت لهذا الموقف تمنيتي الموت لك ولولدك!!!!!

وتوقفي عن التواصل معه فويسات دامه كذى

ادري انك مضغوطة وحسيتي بصدمة لما عرفتي ان زوجك يشغل صوتك قدام اخوه وقدام اهلك، بس ما توصل للطلاق والدعاوي هدي اعصابك شوي اشربي ماء بارد وتوضي وتعوذي من ابليس، بعدها فكري كيف تناقشيه بهالموضوع، وإذا ما نفع النقاش الحل الاخير انك ما عاد ترسليله رسائل صوتية مثل ما قالو البنات دام ما فيه ثقة، وإذا انكر اعلميه انك ما توثقين فيه من هذي الناحية وعلشان كذا ما راح ترسلي صوتك يستوعب اللي يعمله على الاقل، ولا تفكري في ان اهله عرفو وسمعو الجدال بينكم او لا، هذا راح يضرك نفسيا وعقليا ولو سمعوا عادي منتي خسرانة شي 

لاحول لا قوه الا بالله والله مدري وش اقول لكن الله يعينك ويسخره لك يارب ويهديه

ولاتدعين ع نفسك و ع ولدك المسكين وش ذنبكم هو المخطي!

ولاعاد تسجلين له او تكلمين اكتبي الي تبين اذا يسوي كذا هذا كيف ينأمن وينوثق فيه الله العالم وش يقصد لكن تصرفه غير طبيعي