في حالتي اطلب الطلاق ايش رايكم.........

انا متزوجه من فتره تجاوزت العشر سنوات رزقت بطفلين ولد وبنت الفرق بينهم خمس سنوات
كنت اعيش حياه هادئه فيها حب وتفهم وثقه وزووجي انسان هادئ مو حق مشاكل ومقتدر ويعمل في الصباح حكومي وفي العصرشغله الخاص الى الساعه تسعه بعدين يروح الاستراحه عند الشباب واهلي بيني وبينهم 800كيلو يعني احنامالنا وقت يجي اخر الليل يبغى ونس واكون انا منحرق دمي والاطفال نايمين واصح الصباح واحط الولد في المدرسه بعدين اروح مدرستي وعلى هذا الحال ولو دقيناعليه علشان يجي مثلا مخلصه الفلوس او صار علينا شئ في الطريق ويكون في الاستراحه مايجي لو نموت حتى مره صدم السواق وادق عليه ماجاء وانا مليت عطيت الرقم المرور واخذت اطفالي في ليموزين ورحت البيت جاء معصب لو قدر ذبحني صار يمد يده على وبعدين اتمادى كثر الضرب صار اي خلاف لازم ينتهي با لضرب وعاد مو اي ضرب لا ادخل المستشفى وينهبلون الاطباء كل هذا طيحت درج
المهم اخر مره بعد ماذبحني طلع كان مافيه فلوس رحت المستشفى الحكومي تابع لشغله وشفتني الطبيبه في الطواري وبعد الكشف شافت الكدمات والراس والرقبه والصدر والظهر ماترك مكان ماضربني فيه حتى انه نزل مني دم وانا ماعليه دوره المهم رحت الدكتوره تسالني بحنان وانا فاقده الحنان رحت ابكي واشتكي وكانت حرمه كبيره وارحمتني وقالت لازم انادي الامن العسكري هذا اعتداء ولازم يوقف عند حده قلت مابغى اشتكي قالت هذا اجراء في كل مستشفىوتبغي تتنازلي بعدين براحتك المهم جو العساكر وقلت انا طحت ولا ابغىمشاكل قال العسكري خلاص متطلعين الا يجي واحد من المحارم يستلمك قلت اهلي براء الرياض قال دقي على زوجك احنا ماندري وش السبب قلت خلاص هذي خلافات اسريه وزوجي هو الى ضاربني قال ينكتب تقرير وتتحولين للشرطه ويستدعى زوجك لان اعتدائه اجرامي المهم دقيت على ولد اخوي جاي يقضي الجازه مع اصحابه في الرياض وجاء استلمني وحولنا على الشرطه واناتعبانه ماقدر احرك لا راس ولارجل وتعطيني الدكتوره ابره مسكنه واروح للشرطه وانا في الطريق تدق اختي الكبيره لاتنازلين وصديقتي المقربه ولدها اللى ياما وداني المستشفيات من الضرب لا تتنازلين خلي الشرطه تجيبه مخفور ويتادب بصراحه خفت ولا حبيت اني اشتكيه لما جاء الظابط وشاف التقرير وشاف حالتي وسال اول مره قلت لا انقهر قال لاتنازلين والله مايقدر يسوي شئ وعيالك بتاخذينهم وفوقهم حقك قلت انا لا بس اتنازل واقدر ارجع للتقرير مره ثانيه اذا احتجت تنازلت ورحت لبيتي ولاميت عيالي ونمت والصبح رحت اخذ الابره المسكنه وتجي في بالي المحكمه واخذ دفتر العايله واروح المحكمه واطلب الطلاق والحضانه واعطوني موعد بعد اسبوعين وجبت بلاغ المحكمه بنفسي له وعصب قال انت تبغي تفضحيني من الشرطه للمحكمه انا ماحب الفضايح وانت بعد اللي سويته صرتي عندي مثل الجزمه وانا كنت احبك احترمك لكن بعد روحت الشرطه والمحكمه صرتي ولا شي قلت الله يعفيك كل اللي سويته وتحب وتحترم والله ماجلس عندك وعيالي لي انا قال تنازلي عنهم وانا والله اطلق اللحين قلت دور غيرها المهم الجلسه بعد اسبوعين ايش رايكم لاتقولوا وين اخوانك عندي اخواني من ابوي كلهم اصدقاءه وابوي متوفي امانه ابغى الردود متوازنه .........اناجدا عصبيه ........وهو بارد مره حتى اني اساله انت عندك جهاز عصبي فيه فارق في السن كبير.......................اتطلق ولا اجلس