في حد منكم جرب هالنوعية من الأقراص؟ إلحقوني بالإجابة

يا جماعة أنا رحت محل مال المنتجات الطبيعية Nutrition products وشفت حبوب وأدوية منتجاتهم كله نباتات وأعشاب مستوردة بس تكون في أقراص وأكثر الزبائن أوروبيين وأجانب ومرخص من وزارة الصحة، المهم إن البياعة قالتيلي عن حبوب مال الرشاقة (Fat Burner) ما تآخذينها كل يوم، بس لما تروحين عزيمة أو حفلة أو أي مناسبة بتخربطين فيها وبتاكلين وايد تآخذينها قبل الاكل وبعدين كل الدهون واالدسم اللي في الأكل بينزل من جسمك عن طريق البول (أعزكم الله)..
وقالتلي أقرأي المكونات اللي فيها كلها نباتية وما فيها شي كيميائي ، المهم قلتلها بفكر، لأن مشكلتي إني ساعات ما أسوي كونترول على نفسي وأخربط في الأكل خاصة يوم يكون في عزيمة ولا شي ويخترب كل اللي أسويه من التزام وأنا وزني زين بس عندي إمتلاء في بعض المناطق و ماأبغيه يزيد لأن عندي قابلية للزيادة..بس خواتي في البيت مآذيني ومب مقتنعين إني أشتريه ويقولولي يمكن ضار ويحبطوني مع إني أبغي أجربه..فمادري إذا حد منكم جرباه أو سمع عنه قبل قولولي الله يخليكم..وشو سلبياته من واقع تجربتكم...