في حزة اعناده وفي حزة اعنادي
قلت انت طايح من اعيوني كذا مره
شفني رفعت الحمول وقلتلك عادي
والقلب قبلك عجاج الوقت ماضره
لاصرت ناوي ابعادي جرب ابعادي
ارحل وخل اليالي تدفن الجره
كبرت في عين تاريخي وميلادي
وصغرت في عين عدواني من الحره
صديت عنه وراح القلب ينقادي
احاول اصدده مير الغلا فره
ولديت عيني عليه وحدني حادي
من يوم شفته وشفت العين محمره
وقول في خاطري والضيق يزدادي
والله ليبطي وانا اقدره وابره
اشلون ابنسا علاج الجرح وضمادي
يومني اسهر علي طاريه وصوره
العام في غيبته نساني ارقادي
وماطاب جرحي وراه ولا غدا شره٠
اشيل صوتي ورا فيروز وانادي
وتل قلبي من الهجران وجره
نسم علينا الهواء من مفرأ الوادي
سمعتها ودمعت عيني من الحره
دنق ودمعه يسيل وقال يالغادي
الانت بعدك يتل القلب ويجره
طعنتني بين وجه الحب وفوادي
فديت خشمك لعاد اتعاود الكره
ضحكت قلت انت ياغيمي ورعادي
في ذمتي عيشتي في غيبتك مره
تبي الصراحه غلطت في حزة بعنادي
ولاانت ماطحت من عيني ولامره
احن قلب2 @ahn_klb2
عضوة فعالة
يلزم عليك تسجيل الدخول أولًا لكتابة تعليق.
احن قلب2
•
الله يعافيك مشكورة
الصفحة الأخيرة