السلام عليكم و رحمة الله تعالى و بركاته
انا اخوي طالب في الجامعة و دراسته كلها عبارة عن بحوثات في علم الارض و زي كدا ما اعرف اسم القسم بالضبط بس هو قسم جديد في الهندسة و اليوم كان عندي و قللي انا السنة الماضية عملت بحث كااااااااااااااااااااامل عن بحيرة المسك و كتبت نتيجة البحث غرق اهالي جدة اذا لم يتم التصرف فورا بها
و برضو اكتشف أثناء كتابته للبحث انه في جرثومة
ممكن يحطوها جوا البحيرة و بتعمل على أكل جميع المخلفات الغير صحية و بتصير الموية فيها عبارة عن مياه مكررة و ممكن سقاية الزرع فيها 
على الأقل 
لو ما رموها في البحر و لو انه لا قدر الله انفجرت ما بتسبب كوارث صحية و أمراض من المخلفات
و القذارات اللي موجودة فيها و الأدهى و الأمرّ انه
أساتذة الجامعة على علم بهالجرثومة 
بس ماني عارفة ليش ماحد تصرّف او ليش ما استخدموها كحل مبدئي لحد ما يلاقو مكان لتصريفها او التخلص منها تماما
اضافة لمقالة قريتها عن اليابان انه كان في مباراة و ابلغتهم الارصاد الجوية باقتراب سحابة محملة بالشحنات الكهربائية و الأمطار قادمة من البحر و حيكون وقت هطول الامطار من هذه السحابة في نفس وقت المباراة وفورا تم رش السحابة بمادة ماني فاكرة اسمها بالضبط وخلت الامطار تنزل مباشرة على البحر قبل وصول السحابة لهم و لما وصلت لهم كانت خلصت كل شي
طب وينكم يا أهل العلم عن هالمعلومات او انكم مستسلمين وخلاص
و الله مابنام من كم يوم من خوفي لا اسمع تاني يوم اخبار وفيات تانية ياربي كفااااااااااااااااااية اللي شفناه في اهل بلدنا
