في حياتك الإجتماعية هل تفضلين الصداقة من قرابة أو الصديقات إللي مايقربون لك ؟

في حياتك الإجتماعية هل تفضلين الصديقات من قرابه أو الصديقات اللي مايقربون لك ؟
والله افضل الصداقة من بعيد مايقربون لانها تدوم اكثر مهما تصير مشاكل
بينا وبين بعض ماتؤثر على علاقة الاهل لكن الي من اهل مو حلوة
وكم مرة تزوريين صديقاتك في الأسبوع ؟
ازورها كل اسبوعين مرة اذا حصلي

وكم مرة تزوريين أهلك في الأسبوع ؟
ان شاء الله مستقبلا في الاسبوع مرتين او 3
وكم مرة تطلعيين من بيتك سوا كان لمطعم أو سوق أو منتزة ؟
والله اطلع في الاسبوع مرة مطعم والسوق مرة في الاسبوع ومنتزة على حسب الاجازات

وجاراتك كم مرة في الأسبوع يزورونك ؟
اذا صارلي جارة مستقبلا ازورها كل اسبوعين مرة بس اذا كنت ميانة معها ازورها كل اسبوع مرة
وش تفضليين اكثر تزورك جارتك أو تزورينها في بيتها ؟
افضل انا ازورها عشان افتك من التقديمات خخخخخ

فهمت عليك انا احب الصديقات يكونون من خارج العايله افضل بكثير وكل شخص له وجهه نظر

في حياتك الإجتماعية هل تفضلين الصديقات من قرابه أو الصديقات اللي مايقربون لك ؟
عن تجربه افضل الصداقه الي مايقربون لي وتكون سطحيه بعد يعني ماتعطينها اسرارك


وكم مرة تزوريين صديقاتك في الأسبوع ؟
ماعندي صديقات ومرتاحه كذا
من الي شفته من الناس افضل الوحده


وكم مرة تزوريين أهلك في الأسبوع ؟
اهلي بديره وانا بديره

وكم مرة تطلعيين من بيتك سوا كان لمطعم أو سوق أو منتزة ؟
وقت ماأكون طفشانه اطلع اتمشى انا وزوجي مافي يوم محدد احيانا يمر اسبوع اسبوعين واكون في البيت ماأطلع مكان يعني على حسب المزاااج
المطعم على حسب ظروفنا والسوق كذالك


وجاراتك كم مرة في الأسبوع يزورونك ؟
على حسب وقت ماأكون طفشانه طلعت
احيانا تمر شهور مااطلع عند احد
والجيران الحين مو مثل اول كل وحده وجماعتها
تلاقي الجار مايعرف جاااره بسبب الرسميات


وش تفضليين اكثر تزورك جارتك أو تزورينها في بيتها ؟
عااادي ازورها تزوني كله واااحد اهم شي الراااحه
النفسيه

في حياتك الإجتماعية هل تفضلين الصديقات من قرابه أو الصديقات اللي مايقربون لك ؟
الا من بعيد افضل لأنى جربت القريب مع اى مشكله يكشف الاسرار
اما البعيد افضل من ناحية لو صارت مشكله نفترق والاسرار تبقى اسيره..مع ان اخذت موقف ماخبر احدا بأسرارى ولامشاعرى ماعد فيه ثقه.
وكم مرة تزوريين صديقاتك في الأسبوع ؟
والله على حسب ظروفى وظروفهم

وكم مرة تزوريين أهلك في الأسبوع ؟
الاقارب مرتين بشهر
وكم مرة تطلعيين من بيتك سوا كان لمطعم أو سوق أو منتزة ؟
والله ساعة يمر شهر وشهرين ماطلع على حسب الظروف

وجاراتك كم مرة في الأسبوع يزورونك ؟
اذا تزوجت خبرتك
وش تفضليين اكثر تزورك جارتك أو تزورينها في بيتها ؟

اذا تزوجت خبرتك..بس حاطه ببالى مره كل اسبوعين
ماحب الزيارات الكثيره لأنه في ناس فضولين ويتدخلون بكل صغيره وكبيره بحياة غيرهم ..الحمدلله الأن ماشيه على استراتيجيه مخلى حدود مع الكل حتى اخوانى ,,شكرا لك

افضل الصداقه من خارج الاهل وجربت وفارقتهم ومتقطع قلبي عليهم لي 3سنين احس مكبوته نفسي افصفض مولاقيه احد لاني نقلت مدينه فيها اقارب زوجي واقاربي واهلي بمدينه ثانيه...ماصرت اقدر اسولف بحريه عند احد ....عكس قبل كنت اسولف لين اخلص اللي بخاطري 

وعن زيارات الاصدقاء ....غير الاقارب كنت كل نهايه اسبوع ..
وافضل يزوروني....

واهلي اشوفهم بالسنه حسنه الله يعين مو بيدي


السوق مرتين بالسنه....والمطعم هاذا اسمعبه ولا شفته خخخخخخ صدق والله...

موضوع ادور عليه من زمان الله يسعدك يام الشيخ سعود