انتظر باقى القصة

ياعمري انتم والله ما يونسني ولا القى احد افضفض له غيركم , الله يسعدكم ويرزقكم ماتمنيتم . وترا والله مو اسلوب تشويق ولا يحزنون

بس انا كتبت الموضوع بعد صلاة الفجر وتعبت من الكتابه لأني بطيئة في الكتابه فتعبت ورحت انام , والحين صليت الظهر وعلى طول قلت خل اكمل الموضوع ..


بصراحه ما تتصورون فرحتي يوم الممرضة اعطتني الورقة وقالت مدام انتي حامل يالله هذا اليوم الي قاعدة انتظرة من 21 سنه

ما ادري وش اسوي من الفرحه جلست ابكي والشغالة مستغربة لأن مالها عندي إلا كم شهر بس هي عارفة قصتي وكانت تبكي معي

والممرضة جلست تتطالع فيني مستغربة , انا من الفرحه طبعت بوسة على يدها ما ادري وش اسوي , ورحت بيتي بلموزين مع اني بيتي قريب يعني المشوار يمكن بخمسة ريال , من الفرحه اعطيته خمسين يمكن ما ادري عن نفسي .

وألقى بنتي نا يمة واروح اصحيها وأحظنها وابكي استغربت وقالت ماما وش فيك قلت قومي شوفي امك حامل وبيجيك أخ او أخت

وتقوم ماهي مصدقة يمكن قالت في نفسها وش فيها ذي خرفت .. طالعت في الورقة الي معاي واحظنتني وقالت الف الف مبروك

بس يالله ليش جالسة قومي ارتاحي على السرير ولا تتحركين الي تبين بأسويه لك وهي تبكي من الفرحه أخيرأ شفتك مبسوطة ياماما

واروح ارتاح على السرير وأتصل على زوجي ابغى ابشره , قلت له اني سويت تحليل في البيت وطلع لي خط خفيف

قال يابنت الحلال لاتستعجلين يمكن يبين بعدين ...انا ما بغيت اكد له خفت يجيه شي في العمل قلت خل اوصل له الخبر شوي شوي

وبنتي تقولي اصبري ياماما لا تقولين له شئ انا خايفه عليه يجيه شئ وبعدين نبغى نشوف الفرحه في وجه ,(هي متعلقة في ابوها مرة وتموت فيه لأنه بالمرة مدلعها)

ولما جاء البيت على طول وريته الورقه قعد يطالع قل وش هاذي واقوله على السالفه ما صدق عيونه جلس في الأرض ومسك رأسه وجلس يبكي وبعدها سجد شكر لله وصلي ركعتين وانا بعد صليت ركعتين شكر لله

اتصلت على الطبيب المعالج وقلت لللسكرتيرة بعد ما عرفتها بنفسي اني حامل .. قالت يمكن حمل هرموني نتيجة للأبر المنشطة

لازم تصبرين يومين وتعيدين التحليل وسوي تحليل رقمي . بصراحه ما اقدر اوصف لكم شعوري هذيك اللحظه رميت الجوال

وتمددت على السرير وجلست ابكي خفت تتبخر فرحتي ويصير ما فيه حمل وش موقفي عند زوجي وعند بنتي يافشيلتيي ...

وماقلت شئ لهم وسكت ومن بكرة رحت لمركز الحبيب المختبر عندهم على مستوى واسوي تحليل دم رقمي قالوا النتيجه بعد ساعتين

اوثلاث ساعات واروح بيتي وافرش سجادتي وادعي ربي انه ما يخيب رجائي واتصل عليهم ويقولون فيه حمل والنسبه 178

قلت يعني اكيد حمل قالت لي طبيبة المختبر ايه حمل لوحده في الأسبوع الرابع . . بس كنت ما ازال خايفة واتصل مرة ثانيه على عيادة الطبيب الي عالجني وأقول للسكرتيرة عن انسبة قالت كويس بس لازم تعيدين التحليل بعد يومين علشان نتأكد أن النسبه ترتفع خلاص اكيد حمل ... يعني إلى الحين ماهي متأكدة يعني متكيثرة على الحمل .. لاحول ولاقوة إلا بالله ..

وأصارح زوجي بالي قالته السكرتيرة قال معليش مالنا إلا الصبر .. وفي نفس اليوم بالليل بدأت تنزل معي افرازات بنية للون عل احمر خفيف .. دارت فيني الدنيا قلت خلاص اكيد الدورة بتنزل وهذا حمل هرموني مثل ماقالوا يارب وش اسوي , واكلم اختي واقولها عن الوضع جلست تبكي في التلفون من الفرحه ما قدرت تتكلم , قالت لاتخافين إن شاء الله حامل شوفي فلانه وعلانه من الناس حملت وصار معها دم والحمدالله تم حملها على خير .
جلست يومين وانا استعمل المثبتات مثل ماقالت لي السكرتيرة تبع الدكتور ورحت احلل مره ثانيه في الحبيب تحليل رقمي

وبعد ثلاث ساعات قالوا لي النسبه 252 بس لكن تعتبر معقولة واروح للدكتور في العيادة بدون موعد وما قدرت اشوفه كان عنده عمليه بس الممرضة طمنتني وقالت خلاص إن شاء الله حمل بس ارتاحي وانتبهي لنفسك واستمري على المثبتات والراحه اهم شئ

ولازم تنظمين السكر , لأن انا عندي السكر واروح على طول واحجز عند طبيب السكر والتغذية ويمشوني على نظام غذائي وابر انسولين وكان السكر يلعب فيني لعب

المهم ما أطول عليكم رحت فتحت ملف عند طبيبة نساء وولادة علشان ابدأ اتابع معها الحمل وشرحت لها كل شئ واهتمت فيني فوق ما تتصورون يوم شافت العمليات الي في ملفي وكميات الأدوية والأبر الي اخذتها وقالت حملك عزيز وغالي لازم تهتمين فيه ,

وشافت الشريط وحددت موعد وتاريخ الولادة وقالت انتي الحين في الأسبوع الرابع ,وقلت لها عن الدم الي معاي قالت شئ طبيعي في مثل حالتك لا تخافين بس اهم شئ الراحة وتنظيم السكر والأستمرار عل المثبتات وزادت لي الجرعه . وحولتني على الأشعه

رحت للاشعه علشان نتطمن على وضع الحمل ,, طبيبة الأشعه جالسة تسوي لي الأشعه وتسألني انتي مدام اكيد فيه حمل؟؟

قلت لها ايه اكيد انا مسويه تحليل ثلاث مرات وكله يقول فيه حمل ليش؟؟ قالت مو مبين كيس الجنين روحي الدكتورة وهي بتفهمك

رحت للدكتورة وطالعت في الأوراق والأشعه قالت مو مشكله يمكن مابين الجنين اكيد لسه صغير تعالي بعد اسبوع ونعيد الأشعه

رحت لبتي وانا تلف فيني الدنيا يارب يارب مالي احد سواك لا تفشلني عند زوجي واهلي لأنه انتشر الخبر اختي المصونه راحت تبشرهم , وش اسوي لو ما فيه حمل بأنجن وتمر علي ايام الله لا يوريكم حزن وبكاء وحاله مايعلم فيه إلا الله صاكه علي بيتي وما اتحرك
من السرير إلا لدورة المياه الله يعزكم حتى الصلاة اصلي وانا جالسة وطول وقتي اقرأ قرآن وانفث على بطني وادعي ربي

طبعا زوجي فرحان ومو حاس في الي فيني ويقول انتي حامل بس لاتفكرين اكيد الجنين لسه صغير وما بعد بين على كلام الدكتورة

وهو من فرحته راح بشر أخواته وأخوانه ( هو يتيم الأبوين ) كلهم طاروا من الفرحه ويكلموني بالتلفون ويباركون لي وهم يبكون

والكل يوصيني بالراحه والتغذية الزينه ومن هالكلام ...

ويمر عل اسبوع كأنه دهر وفي يوم الأربعاء الي هو موعد الأشعه الثانيه كان في ذلك اليوم زواج بنت اختي (عائلي مختصر على الأهل فقط ) العصر رحت للموعد وسووا لي اشعه واروح للدكتورة قالت لسه مو مبين الحمل في الأشعه لكن روحي المختبر عيدي التحليل .... هي تكلمني وانا دموعي تنساب على خدي بدون ما احس ,وتحاول تطمني يمكن ما صار الحمل إلا متأخروما تدرين وش الله كاتب لك .الدكتورة كانت قمة في الأخلاق سعودية في الحبيب .
واروح المختبر واسوي التحليل واروح لبيتي وزوجي حس فيني وجلست ابكي وانا في السيارة قال معليش اصبري انتي ياما صبرتي

خليك قوية ومؤمنه بالله الي الله كاتبه بتشوفينه .وانتظر التحليل واتصل عليهم وسمعت النتيجة التي كانت كالصاعقة علي النسبة نزلت

وصارت سبعة وقالت مافيه حمل .. يالله يالله ولفت فيني الدنيا وما ادري وش اسوي يعني خلاص تبخر الحلم

مافيه حمل مافيه موعد الولادة مافيه ملف حمل وانا الأسبوع الي فات بس ادق على المستشفيات

اسأل عن برنامج متابعة الحمل واسعار الولادة واسعار الأجنحه واقارن بينها في الخدمات والأسعار

يعني كل هذا خلاص تبخر وانتظاري كل هالأيام وفرحت زوجي وبنتي وأهلي خلاص

يارب انك تكون في عوني ما اقدر اتحمل .. والله صعب علي لكن ما قول غير اللهم آجرني في مصيبتي وأخلف

لي خير منها .... هذا الي قلته وكلمت الدكتورة وقالت اكيد الحمل ضعيف وما استمر خلاص اتركي المثبتات وبتنزل عليك الدورة,

طبعا لاتسالوني عن حالة زوجي وبنتي والله ما بينوا لي شئ قدامي بس انا عارفه ان قلوبهم تتقطع بس مايبون يبينون لي

وانا كنت اشوف الدمعه بعيون زوجي بس لاراد لقضاء الله

وحاولت اسوي نفسي اني صابرة وان الموضوع عادي ولزمت عليهم يروحون لزواج بنت اختي علشان اهلي ما يحسون بشئ

ويدرون خل الليلة تعدي على خير ما ابغى اخرب عليهم فرحتهم ببنت اختي .

وبيني وبينكم كنت ابغى انفرد بنفسي وآخذ راحتي لحالي .. علشان اكي بروحي ويعلم الله كم مر على من الوقت وانا ماسكة المخدة وابكي كنت احس ان قلبي يتمزق من داخل وما ادري وش اسوي غير البكاء ..

والحمدالله على كل حال وهالكلام كله كان في شهر جماد اول الي راح وإلى الحين وانا ضايق صدري ما ادري وش اسوي تمر

علي لحظات احس فيها ان النفس يدخل صدري وما يطلع مره ثانية .. رحت الأسبوع الأول من رمضان لمكه واخذت عمره

ودعيت ربي ان الله يعوضني ويرزق جميع المتأخرات من عالم حواء ومن المسلمات جميعا .وشريت بدلة بيبي من السوق وانا طالعه من الحرم يقيناً بأن الله سيعوضني .

وهذه قصتي .. حبيت انكم تشاركوني هالتجربه وافضفض لكم لآنه من صار هالشئ ما احد يفتح معي الموضوع سواء من اهلي او زوجي وكل ما حاولت اكلم زوجي او بنتي في الموضوع يحاولون يغيرون الموضوع علشان ما افكر فيه .

قلت مالي إلا انتم اقولكم السالفة وارتاح ... لاتنسوني من دعواتكم .

يارب ياكريم *****الله يرزقك بالبيبي عاجلا غير اجل ويعوضك خير

الله يجزاكم خير .. والله اني عارفه شعوركم لأنه كلنا نفس الهم . بس ما أقول غير الله يرزقنا ويعوض علينا جميعا ,

اشكر مشاعرك الطيبة ودعواتك وإن شاء الله ماتبكين من شر . والله يحقق لك ماتمنتي..
الحمدالله على كل حال وانا دايما اشكر ربي اني عندي بنيه هي سندي في هالدنيا الله يخليها لي

بس ارحمها علشان ماعندها اخوان واخوات ..حاسه انها وحيدة عاشت طفولتها وحيدة ماتلاقي احد تلعب معاه والحين وحيدة يوم كبرت مافيه لها اخت اواخ يواسيها في هالدنيا اوتشكيله همومها

وبالنسبة لتكرار العملية انا افكر اسويها بس اخاف تفشل خاصة ان العمر يتقدم عمري 41 سنه وخايفة تفشل ويجيني احباط . مرت علي ايام جعلها ماتمر على مسلم .. اللهم لك الحمد