في خاطري شي ودي اطرحه في منتدى حواء للنقاش

بنوتات اليوم حبيت افتح موضوع واتناقش فيه معاكم
المناقشه لجميع الجنسيات الخليجيه والعربيه
واتمنى محد يتحسس من كلامي
انا ولله الحمد متحجبه يعني البس شيله وعبايه لكن مااغطي وجهي وانتو ولله الحمد متغطيين كامل وياربي يجعلني منكم ان شاء الله
بس لاحظت شي لما نروح مجمعات واسواق ويكون هناك متغطيين آنه آتكلم بشكل عام ومااخص احد وبنفس الوقت اتكلم عن فئة قليله وليس الكل
يجلسون يطالعونا بنظرات استحقار مع اني مااضع ولا شي في وجهي يعني ولا شي من المكياج وعباتي ولله الحمد واسعه مره
بس اجوف نظرات مع انها تكون الحرمه متغطيه ومايبين منها إلا عيونها او بعض الاحيان في الحمامات الي في المجمعات (الله يكرمكم) نظرات استحقار غير الكلام الي ينقط وماجوف له داعي
ابي اعرف ليش كل هالنظرات
يعني الحمدلله ان اهيا انسانه متغطيه بس لأن الي جافتها كاشفه وجهها لازم تكون قليلة ادب او مو متربيه
!!!!!!!!!!!!!!!!!!
يعني انا الي كاشفه وجهي فقط ومستره عمري اجوف وايد بنات وحريم الي لايلبسون لاعبايه ولا شيله والمكياج كامل لكن ماقول شي ولا اعطيهم نظرات استحقار ماقول إلا الله يهديهم

واجوف بعض الرجال(البعض وليس الكل) لما يكونون مع حريمهم المتغطياات يقطون كلام على البنت الي كاشفه وجهها كلام مهو بعدل وعقبها لما زوجته تنشغل بعيالها او تروح اي مكان بعيد عن زوجها جلس يخز البنت خز ولا كأنه توه يسب ولا كأنه عنده بنات واهل هاذي إذا ماكثرها وراح يتحرش بها

على العكس من ذلك
ماانسى الحرمه الي جفتها مره وجلست جنبي تسولف معي ومع السوالف تمت تنصحني بالغطاء والعباية الي فوق الراس وعقب ماكملت كلامها ابتسمت وراحت جزاها الله خير جزاء

آسفه اذا طولت عليكم بالكلام وإذا كان كلامي ملخبط ومش مفهوم وارد اقول الكلام الي قلته مو عن الكل انما البعض