في داخلي اتمنى ابوي يموت.. ونرتاح ..وبنفس الوقت احس بشفقه عليه

ابوي متزوج الثانيه من قبل .... 25 سنه من اول يوم ماتزوج وتبدأ المعاناه الله لايوريكم ابوي يبغى ولد الزوجه الاولى يتصرف فبيت الثانيه كأنه بيت امه وولد الثانيه يتصرف قبيت الاولى كأنه بيت امه ... والمشكله انه هذا كله يجي بالغصب .... يعني مو بطيب نفس وقتها كنا صغار او ماتزوج طبعا اصغر العنقود جابته امي قبل ماتزوج ابوي .. وكانوا امي وزوجة ابوي يطفشون من هذا الاسلوب بس خلاص كبرنا .. حنا كم سنه وخلاص صرنا مانروح إلا نادرا لكن التنكيد عيال الزوجه الثانيه صغار واحنا كبار وابوي فاتح لهم البيت اربعه وعشرين ساعه يعني تخيلوا تجلسين مع ورع ...وانتي عمرك عشرين سنه ...ومالك حق تكلمينه لو سوى شي غلط ..ومن غير كذا كل ماجاء ابوي جابهم معه لايمكن يجي بدونهم وامي تنقهر ماتقدر تاخذ راحتها مع ابوي ... ليلتها كلها تقضيها مع اطفال ... وزوجة ابوي لو طردناهم تروح ترسلهم يعلمون ابوي وحتى انا احيانا اسمعها تقولهم روحوا مع ابوكم تراه عند اخوانكم .... وإذا كلمتها وقلت لها شي علمت ابوي وجاء يهاوش ...وإذا قلت هي ترسلهم يقول وش فيها إذا ارسلتهم .... طبعا بتقولون لي وش فيها اقولك فيها الف شي .... اولا من حق الانسان انه يرتاح من عياله فمابالك من عيال طبينه ... مافيه اي خصوصيه بين البيتين ... ولا نقدر نهرج كلمه مع ابوي ...ولو نقوله بنشتري شي غاروا ...ولو يشوفونا اصلا مشترين شي على طول يروحون ينقون ع ابوي لدرجه إنه صار يحسب حساب غيرتهم ويحرمنا علشانهم والله من يوم مانطلبه شي انه مايفكر باللي نطلبه كثر مايفكر بنقتهم ... واحيانا يرفض انا نشتريه من فلوسنا عشان مايغارون ..او يخلينا نشتري من فلوسنا ويروح هو ويشتري ... لهم من فلوسه يقول مامعي اللي تكفي للبيتين ...
ولو بنروح طلعه ولا تمشيه من دونهم يزعل ويسوي سالفه إلا نروح مع بعض وكل روحتنا مشاكل ونكد وناس ماهي طايقه بعض ..حتى العشاء ياجماعه والله لو نطلب عشاء لنا وايجي يهاوش وينافخ كأنا مسوين جريمه ليش ماتقسمون لهم ويخلينا نقسم لهم بالغصب حتى لو مايكفينا إحنا ...لوحدنا ... بيتنا ممنوع نقفله لازم مفتوح اربعه وعشرين ساعه مفتوخ حتى لو محنا فيه ... يفتح ...عاد شوفوا عيال الثانيه من يوم يكون عمره 4 سنوات الى مايتعدى 13 سنه انواع الغيره والنذاله والكذب والحسد ورب الكون مرضنا اكثر من مره كله بسب حسدهم .... ولو تنطقين بحرف واحد شردوا يعلمون ابوي وحتى لو هم غلطانيني يجي يهاوش ويكسر الدنيا .... وقسم بالله ماكذب لو قلت لكم إني احسهم ضرائر مصغره لنا والله انهم نسخة امهم ...بالغيره وماككانه طفل عمره 5 سنوات اطباعه ونذالته وغيرتهم تقولين حريم ورجال خلاص ابوي عرف إننا مانطيق اسلوبه
ونكره هالتصرفات مع ذلك مازال يستخدمها لليوم وكله يبغانا نكون مع بعض ونصير زي ابناء الزوجه الواحده وكل كرمالنا نتفرق ونكره بعض اكثر وهو يزيد ضغوط .. خلاص نفسي عافته ماطيقه من يوم مانسمع صوته نتشائم ... امي مرضت منه وماتطيقه ولاتهرج معه وهو اصلا مايهرج معنا ... حتى النوم لو عيال الثانيه مايخلونها ننام ... ماعليه عادي اهم شي يجون ... اغراض البيت الله لايوريك جننونا عليها كل شوي طلبات ومستحيل يشترون لانفسهم لاشافوا شي عندك لازم يناشبونك عليه حتى لو عندهم زيه إلا ياخذه .... يدور اي حجه بس عشان ياخذها والله كله غيره وحسد ...وابوي ياويلك ياسواد ليلك إذا رديتهم اصلا يجي يهاوش وينا فخ ومايمديه يسمع كلمه منك ... واحيانا هو بكبره لاشاف عندنا شي وربي لو تافه يروح عندهم ويقولهم روحوا جيبوا من عند اخوانكم ترى عندهم ...وقسما بالله ماكذب عليكم إذا قلت لكم انه صار اخس من اخواني والله الدي لاإله إلاهو انه يحسدنا ويغار على اخواني منا والله إذا شاف شي عندنا يسوي تحقيق وملامحه تتغير ... ويطلبه لاخواني لو مايحتاجونه ولايدرون عنه اصلا ... وكانه هو ضره لنا ... مستخحيل يرضى عنا إلاعن طريق اخواني ....طبعا حنا تزوجنا وافتكينا .... لكن مازالت النفسيات دمار من الماضي التعيس مازالت امي والللي ماتزوجوا يعانون نفس الشي ... امي اخر مشكله بينها وبين الثانيه دعت على ابوي وزوجة ابوي دعاوي تشيب لها الرأس .... وانا خلاص ماطيق ابوي اكرهه والله العظيم إني لاجيت يضحك معي ويحب عيالي ويفرح فيني لكن بداخلي احس بتأنيب الضمير اني اتمناه يموت عشان ترتاح امي ونرتاح حنا لانه يحبنا لكن معلق رضاه بتقبلنا لعيال الثانيه ...وهو الحين انقطعوا ولاعاد نشوفهم ولا يشوفونا ومرتاحين للاخر لكن ابوي شايل بقلبه ومازال يستخدم نفس الضغوطات .. ممنوع صك الباب لام البيتين جنب بعض يفصل بينهم حوش ... ع العشاء يسوي سالفه ...

خصوصيات ممنوعه ... مايشتري شي ولا يكرهك بالشي إذا طلبتيه عشان مايغارون ....او نشتريه وندفع لامي بعد فتره راح ينقز يشتري لهم زيه من فلوسه وابوي انسان مو متفهم ابدا ...



انا خلاص نفسيتي دمار وصارت عندي فوبيا من التعدد من غير الغيره ع زوجي اللي دمرتني ...

الخوف الشديد من السكن عند الاخوه من الاب ... خلاص تدمرت نفسيتي صارت الافكار السلبيه تسيطر علي .دايم اتخيل زوجي يتزوج ويسوي فيني وفعيالي نفس ماسوى ابوي ...
لدرجة اني صرت اتحلم واصحى من النوم مفجوعه ....والله صرت اكل اضافري من الخوف ....

يابنات واسوني لحد يلومني الانسان كتله من المشاعر ومشاعرنا تجاه ابوي ماتت.....
انا اللي فيني طبيعي ...كل وحده تمر بهذا الخوف ...الشديد من المستقبل ولا هذي نتيجه الحياه اللي عشتها
وهل كل المعددين مثل طبع ابوي ولا بس احنا اللي كذا .... لاني سألت كم وحدخ وقالت ان زوجها او اخوها اة ابوها المعدد يستخدم نفس الاسلوب ... خلاص كرهت المعددين وكرهت الرجال ...