في دروب العلم سرنا ورتقينا ....قصتي الواقعيه

قصتي سردتها لكم باسلوب بسيط ومحفز
مافيها نوع من الفكاهه ..مهو مجالها هنا
احداث القصه قديمه والتعلم الان اختلف ..
المطلوب الصبر والاصرار على الاستمرار وتكسير
الصخر لتحقيق احلامكم
( مسيرة نجاح )
لما كنت صغيره كنت احب العلم ومازلت وعندي امنيات كثيره ودي احققها ..وفوق مااتمناه
طموحي لاحدود له.. لنا قريب شيخ حافظ القران ومعلم متقاعد عنده في مكتبته الكثير من الكتب والنادر منها ...
كنت لما اروح لهم اجلس عند المكتبه واتصفح الكتب واستعيرها ..ماكنت اقرها كامله لكن فيني حب الاطلاع ....ظروف الحياه اشغلتني كثير عن تحقيق كل احلامي..لكن حاربت بكل ما اوتيت من قوه
حتى احقق ولو جزء بسيط من احلامي ...
لما كتت ادرس في الصف الاول ثانوي جاني مرض غريب مااعرف سببه..في اول شهر دراسي
اصبت بالم في بطني على شكل مغص متواصل ..مع خفقان في القلب.. وشرود في الذهن مع عدم التركيز ..والم في المفاصل وفي يدي اليسرى مع بروده في الاطراف ...من اركب باص المدرسه يبدء الالم حتى ادخل المدرسه والي نهاية اليوم...
وفي البيت ما اشعر بأي الم .. عملت كل التحاليل والاشعه ..كانت النتيجه سليمه ...
واخذني امي عند راقي..لما شفت الحالات اللي عنده خفت وطلعت ..كنت صغيره ماتحملت اشوف مثل هذي الحالات..
اخيرا ودتني امي عن طبيبه نفسيه
ماعرفت سبب المرض وقالت انتي سليمه ماتحتاجين لعلاج تحتاجين لجلسات مع اخصائيه نفسيه ..
هل يفيد الكلام في علاج الالم ..لم اجد اي نتيجه تخفف ولو القليل من الالم
فما كان مني الا ان اتحمل الالم واكمل دراستي..
كثير كنت افكر اغيب عن المدرسه واتراجع اول ما اسمع بوري الباص ...حب العلم كان في قلبي
رغم ان مستواي التحصيلي متوسط
اكملة الصف الاول ثانوي بكل مافيه من الم ..كنت ادخل الفصل واجلس مثنيه جسمي الي الامام واضغط على بطني بحافة الطاوله او بيدي حتى اسكت الالم وعقلي مشتت بين شرح المدرسه وبين تحمل الالم ..
كان حفظي صعب للدروس.. والمواد العلميه افهم اللي افهمه واحذف الكثير..كنت احتاج احد يشرح لي الدروس على رواقه..بعيد عن الصجه والاصوات
وراح افهم واتفوق..مزاجي يحب الروقان والهدوء..
بذات في الدراسه..واحب اسأل واستفسر كثير واتعمق حتى اطلع برا الدرس ثم ارجع...
حاولت اشد حيلي في الدراسه ...بس الدروس كثيره وجديده علي.. فيزياء كيماء احياء انجليزي نحو وبلاغه ادب ووووو ..حاولت افهم من المعلمات الشرح بس ظروف الالم منعتني ..كاني اسمع صوت بدون شرح .. والظروف المادية ماسمحت لي اجيب مدرسه في البيت ..
نهاية السنه رسبت في ثلاث مواد ..رياضيات ..جغرافيا..نحو...صديقاتي نجحو لصف الثاني ثنوي وراح يختارون رغبتهم ادبي او علمي..وانا ارجع اعيد نفس الدروس..لن استسلم..
صممت انجح في ترم الإعاده للراسبين والحق بهم ...
استلمت شعار الرسوب من هنا..
ورحت اذاكر الكتب من هناك.. ..الاختبارت بعد شهرين تقريبا والكتب دسمه وكل ماده فصلين ..الترم الاول والترم الثاني يعني اذاكر سته كتب
الموضوع هذا كان قديم لما كان الرسوب تعيدون كتاب الفصلين كامله ...
ماعندي امكانيه اروح لمدرسات يشرحون لي من جديد وقررت اشرح لنفسي كل الدروس اللي راسبه فيها وافهمها بطيب او بالقوه.. حرمت نفسي من الطلعات والتمشيات طول العطله
وجلست بين الكتب اذاكر..
مسكت الرياضيات ورقه ورقه
اقرا القاعده واطبق عليها ..عيت تضبط معي حفظت المسئله كما هيا ...خلصت الفصلين في اسبوعين..اخذت كتاب النحو وبنفس الطربقه اقرا الشرح واطبق عليه ..اعيد وازيد.. خلصتها في اسبوعين ..اخذت كتاب الجغرافيه كلها خرائط حفظ وتطبيق التضاريس على الخريطه..صحاري انهار ..بحر..سواحل ..وجبال...
عواصم ....ومواني..واشهر المدن وفيما يعمل سكانها ..وعدد السكان ...خلصت حفظ الكتابين ..
اخذت اسبوع راحه ورجعت من جديد اذاكر واراجع
خفت انسى ماحفظته
جات الاختبارات وعقلي مجهد من الحفظ اختبرت على بركت الله وكل ماسألت المعلمات نجحت في هذي الماده يرفضون يعلموني.. واكمل الاختبارات ..انتظرت النتيجه من داخلي مطمئنه ومن خارجي خائفه ....علقو اسماء الناجحين الحمدلله نجحت ..فرحة داخلها الالم و التعب والارهاق .. الان انام مرتاحه واحلم بدخول القسم العلمي ..
ما امداني ارتاح الا وبدئت الدراسه من جديد..
مع بداية السنه الدراسه كل طالبات الصف الثاني الثانوي تعلق اسمائهم على الجدار موزعين على القسمين ( علمي ..ادبي)
بحثت عن اسمي وجدته مع طالبات القسم الادبي..وبدئت مرحله جديده من المعاناه والاعتراض..حلمي القسم العلمي بكل مافيه من صعوبه ...لازم نتعب ونحارب عن الشي اللي نحبه..
ولا نقلل من قدراتنا ...داخلنا قدرات مكبوته لو تعطي المجال والاهتمام لظهرت واصبح لها شان في المجتمع ..مشكلتنا نحن من نحطم قدراتنا بأنفسنا..
المديره رفضت دخولي القسم العلمي بحجت ماتقدرين على القسم العلمي كنتي راسبه في الرياضيات ..
.قلت لها ..وكنت راسبه في الجغرافيه والنحو وهي مواد ادبيه ..رفضت استلام الكتب
واستمريت الح عليهم على مدار اسبوعين ...
ولم يوافقو على رغبتي ..غبت اسبوع كامل حتى اجد حل او يرضخون لطلبي ..
اتصلت علي زميلة تبشرني بتحويل قسمي من الادبي الي العلمي ...كانت فرحه لاتوصف
حققت النجاح في الصف الاول ودخلت القسم العلمي..
كانت الدرسه صعبه وتحتاج تركيز ومتابعه لكن الالم السابق رجع لي من جديد مع بداية الدرسه ولا تركني حتى افرح وانبسط في قسمي اللي حبيته وحاربت من اجله
تابع
اليوم اكمل جزئين ..مشغوله شوي