الـيــوم ذكــرى الـفـراق
اليوم ذكرى الفراق ومرت أول سنه ... اليوم لي عام متغرب وحيد وحزين

اليوم انا ضيف جرحي جيت بطمنه ... اني جمعت الدموع وجبت امانة امين

ما يجرح الصادق الا غدر من يامنه ... لا جت من احباب قلبك لا تلوم السنين

مليت من هالاماني دام هي مو ممكنه ... لاهي تحقق وانا ياسي بوجهي يبين

الوين انا وانت مثل الشمس والازمنه ... مع كل صبح يجددني لشمسك حنين

لا قلت احــبك .. احبـــك كنها دندنه ... او كنها وردةٍ مابين اصابع جنـيــــن

يا اجمل الـناس لك بين الملا هيمنه ... كثير غيرك ولكن مين مثلك وويـــــن

ياعــاذلي خذ عيوني يمكـــن تثمنه ... تشوف عيبه وانا اشوفه ملاك حسين

امس افترقنا وانا احسب مرت اول سنه ... يا طولها ليلة الفرقا سنة للهزيم



الــعــواذل ((أعشق هالقصيده))
حبيبتي كل العواذل تشابه ..... قلبٍ ظلام ووجه يشبه للأصحاب

ولا ما غدى لك صاحبٍ ينحكى به ..... لا تسمعي أن كان لك قلب وأحباب

إلى مشيت الدرب يلهث سرابه ..... وإلى سكنت الدار ناداني الباب

وشلون أنام وهم قلبي صوابه ..... والشوك ينبت بين جفنين وأهداب

تعبت امني .. الأسئلة بالاجابة ..... وانطر شروق الشمس والشمس بغياب

وتعبت أناظر والمعنى عذابه ..... أنك بعيده والملا دونك حجاب

اجمع كلام وما أعرف الإجابه ..... وعندي شعور صدق والوقت كذاب

كل النجوم اللي امطرت من سحابه ..... حبيبتي دمعك جرح قلب واتراب

واللي وقف ما بين بابي وبابه ..... قلبٍ ظلام .. ولابس ثوب الأصحاب

الله يرحمه مبدع بمعنى الكلمه

الله يرحمه فوق انه مبدع لاحظت انه خلوووووق جدا


بنات الله يسعدكم نفسي اقرأ قصيدة كتبها عن (مدينة جدة)

ياريت تحطونها

الله يرحمه ويغفر له

مابي أعكر عليكم هالأجواء الخاصة


لأنه أيضاً شاعري المفضل رحمه الله وغفر له



وفقيدة لنا وللأمة ككل




لكن ذكرى الوفاة من أفعال غير المسلمين .. ونحن كمسلمات نرتقي بأنفسنا أن نكوت تابعات لهم


وربما يقول البعض إنما الأعمال بالنيات


لو كان كذلك أخيتي لخصص في الإسلام يوم لذكرى وفاة حبيبنا محمد رسول الله وهو أحب عباد الله إلى كل مؤمن


صلى الله عليه وسلم و رحم الله طلال الرشيد وغفر له وأدخله فسيح جنانه وجمعنا به في جنات النعيم



تقبلن خالص تحاياي