في ذمتكم لاتنسونهم

يا اخوات وبنات بذكركم
بدخول الشتاء ملابسك ولبس عيالك يا الغاليه اغسليها وعطي المحتاجين لاتقولين مافي
مابي احدد منطقه كذا وكذا في ناس عيالهم كثير وارامل
وابدي بالسعوديين المحتاجين عطيهم لبس العام الماضي
اذا مالقيتي عطي المقيمين
ثانيا الي عندها شغاله ماقول دلليها لا اشتري ثوبين شتاء لها
ثالثا الي عندهم رعيان غنم هذولي يتجمدون في صندقتهم ذولي بذمتكم لازم تكسونهم وتحطون لهم عازل عن البرد
العام الماضي لقوا بنقالي متجمد في عشته جنب الخرفان والحلال
اذا تعرفون احد عنده شبك وعامل عنده عطوه ملابس العام
ولاترسلينها مشقوقه ولا خايسه بمحاضرة واحدة تشكي من الي تتصدق بصدقه غير طيبه وتقول انك بتسترين جسمك بها يوم القيامه سواء مخيسه أو طيبه
للامانه ماعرف أحد محتاج لكن اقري الجرائد تلاقين وفاه عشرة عمال بسبب البرد
ولاتعطين أحد فلوس ابد ماتعرفين المحتاج من المحتال
واحتسب موضوعي وقف صالح لي ولوالدي اطال الله عمرهم وعافاهم