الله يوفقك ويسعد أيامك مع زوجك
ما قصروا البنات
واهم شئ حاولي تكونين مبسوطه للغايه
وبيني دائما أنه ما قصر معك في هالرحله
وابتسمي قدر الامكان

كوني صديقه ..

اهلييييييين :)

حيااااك ربي بالشرقيه اوخيتي :24:

عندك المطامعم موجوده بالراشد الدور الثالث طبي وتنقي ... اللي احبه فيهم " فدركرز"

وعندك الكورنيش فيه تشيليز رااايق وحلوووو بس الموشكله مافيه بارتيشينز (سوااتر) .. فيه مطعم روما على شارع البيبسي أكل مررره طيب .. عندك مطعم غابة الزيتون حول مكتبة المكتبة (عند الكورنيش)

المجمعات .. عندك الراشد وفؤاد سينتر والجمعه سيتي سينتر والخبر مول

وفيه معرض أرامكو حلوو تطلون عليه

ممكن تستأجرون لكم قارب وتأخذون فيه لفه من جزيره المرجان

لا تنسون الشاليهات (قرية الخيلج)... ممكن تستأجرون ليله أو ليلتين .. وفيه السن سيت بيتش ممكن يدخلون بالشخص (حوالي 100 ريل للشخص)

وفيه منتجع هوليدي إن قبل ملاهي محمد بن فهد (في شاطئ نصف القمر)

وممكن تروحون الدمام .. بس ماعندي خبره كاافيه عنها اللهم عندهم مجمعين (الواحه & ابن خلدون <<< يمدحونه حييل)

اذا لكم خلق منتزهات رووووعه وشوااطئ اروع .. لا تفوتون الجبيل الصناعيه مليااانه منتزهات ويأجرون قوارب بس راح يأخذ منكم الطريق ساعه فا حاولو تطلعون من البلد بدري وتأخذون قارب بالنهار أو العصر قبل تظلم الدنيا

ومممكن تطلون عالبحرين عندهم أسواق حلووه (السيف / العالي / الشيراتون)

وبالتوفيق عزيزتي

:26: :26:

ختي اذا كنتي من محبي الشقق المفروشه
انصحك بليالي الكرنيش تتتتترررراها مره حلوه وهي في الدمام جنب بودل


ومن المطاعم مطعم البباي او البحار ................ترى مو كله بحري ومستواه يعني .....لاكن يعجبني اكلهم

ومطعم مشوار في الخبر في السويكت"""""

حياك الله أختي المثقفه في الشرقيه
بالنسبة للسكن انصحك ب رمادا (RAMADA ) و هو اجنحة فندقية عالميه و موقعه جدا ممتاز (على شارع
الكورنيش بالخبر ) و اجنحته روعه و غريبه حيث ان الجناح يتكون من دورين غرفة النوم بالدور العلوي و الجلسة في الدور السفلي و ايضا بآخر دور بالمبنى فيه مطعم اسمه الدور التاسع وهو مطل على البحر

بالنسبه للمطاعم فيه مطاعم فخمة : مطعم روما على شارع البيبسي بالخبر(ايطالي). . مطعم السنبوك على شارع الكورنيش بالخبر(بحري) .. مطعم كوبر شندني على شارع البيبسي بالخبر (هندي)

الليالي الرومانسية فيه افكار كثيره ذكروها البنات في المنتدى منها انك تزيني الحمام -أكرمك الله- بالشموع و الورود
و الروائح المعطرة وتحطي الرغوة في البانيو و تعبينه .. ممكن ايضا تشترين هدية لزوجك وتغلفينها و تحطين معاها بطاقة فيها كلام حلو و تفاجئينه فيها هناك.. وممكن تكتبين اشعار و خواطر في نوتة (ممكن تاخذينها من موضوع سبق طرحه وهو اجمل عباره قلتيها لزوجك -الظاهر اسمه كذا-وهو موضوع رائع للغايه )و تروحون للكورنيش وتختارون مكان هادئ و تقرئين له الاشعار ...

أتمنى اكون أفدتك واي استفسار انا حاضره