في زحمه التزاماتك ..وانشغالاتك..لاتنسي ان تعيشي..>هام لكل موظفه

بسم الله الرحمن الرحيم..
كيفكم يابنات عالمي الجميل ..
موضوعي يهم كل موظفه سواء في بيت اهلها او متزوجه ..
موضوعي هذا كتبته بعد ماشفت حال احدى صديقاتي..
موظفه من عده سنوات
مو متزوجه ألى الان
شفت منظرها وانصدمت
البشره شاحبه ..
الشعر طاير ..
اليدين خشنه..
اللبس من اقل مايكون
المكياج اي كلام ..
والعطر تقليد ..
ليش يافلانه كل هذا ؟
وانا اعرف البنت يعني يوم كانت طالبه كان حالها احسن من كذا ..
بالمقابل شفت خواتها بالكليه والثانوي والعاطلات..
اجمل قصات الشعر
الجسم سايح من نعومته ..
البشره تلمع ..
اللبس والعطر خرافي ..
انا بصراحه جلست اقارن..
الحين خواتها اللي ماعندهم مصدر دخل ثابت ولازالوا بعضهم طالبات ويعتبرون اكشخ منها بمراحل وارتب
وهي الموظفه اللي من فتره طويله والله ولا كانها موظفه ..
ولأني امون عليها ..
جيتها باسلوب لطيف. وسالتها كيف كذا ..
جااوبتني بتنهييييده طالعه من قلب..
راتبها يروح على فواتير الكهرباء والماءواغراض المطبخ >>ماقلنا شي وجزاها الله خير على برها بابوها ..
والباقي اقساط سيارات اخوانها وتصليح السيارات >> اللي للاسف مايودونها ولا يجيبونها وبعضهم متخرج وجالس ..
وجزء من راتبها يروح لرفاهيه خواتها واشياء غير ضرورريه
جوال جديد قصه شعر اشتراك نادي والامو الجماليه بتفاصيلها ..
مع العلم ان بعض خواتها ينزل لهم حافز مافكروا يرجعون لها ريال واحد ..
وتقول صاروا يطلبون منها بلهجه الامر..
واللي توظفت براتب اربع الاف ولا حتى فكرت تدفع ميتين ريال للبيت
وكلهم يقولون راتبها وبكيفها ؟
تقول انا هنا تذكرت نفسي ..
انا ويني عن نفسي كل هالسنين ؟
ويني اعطي فلان وفلانه
وانسى نفسي ولا حوشت لعمري شي
انا قلت لها يافلانه ..
اسمحي لي الخطا منك ..
صحيح انهم اخوانك ..
لكنك غير ملزمه بدفع مصاريف زايده ..
صحيح انهم خواتك ..
لكنك غير ملزمه بدفع مصاريف اشياء كماليه..
تساعدينها اوكي بس سالفه انها تجمع حافز للزمن وتاخذ منك انتي سلامات ..
والاخت الموظفه تقط بالبيت مثلك مثلها ..
سالفه انهم يتعودون عليك اكبر خطأ
سالفه انهم يشوفون فواتير الكهربا مرتفعه ولايهمهم بحجه انك انتي تسددينهااكبر خطاء..
نصحتها ك حل قاطع لهذا الوضع تقسم راتبها ل3 اقسام ..
ثلث الراتب للبيت ..يشمل جميع المصاريف والفواتير
وثلث لنفسها حره فيه توزعه تستخدمه لاغراض جماليه هي حره
وثلث ادخار لها وللزمن ولاوقات الحاجه ..
خصوصا ان والدها عنده مصدر دخل وحساب المواطن كلن واحد يستلم 380. ولافكروا يجيبون كيس خبز كلن يضيعه على تفاهات وكماليات ..
شاركوني تجاربكم..
نصائحكم ..
خبراتكم ..
بخصوص الامور الماليه..