السلام عليكم
اخيراً عدت لموقعي الحبيب
الحمد لله ولدت وربي أكرمني ورزقني بنوته زي القمر الله يبارك لي فيها هي وأخوانها
في يوم الثلاثاء اللي قبل الاختبارات تذكرون كان مطر في الرياض صحيت ذاك اليوم الفجر وبعد ما صليت وفطرت بنتي وطلعت للمدرسه رجعت أنام وانا حاطه راسي علمخده تذكرت أني ما قريت اذكاري بعد الفجر جلست اقرأها وبعد ما خلصتها سمعت صوت المطر ينزل وتذكرت انه ساعة استجابه ودعيت ربي من وسط قلبي وقلت يارب ما انام الليله الا وانا والده وسهل علي ولادتي وفرجها علي من حيث لا احتسب وحطيت راسي ونمت
سبحان الله انا كنت مطوفه التاسع بعشرة ايام تقريباً وكان عندي فذاك اليوم موعد وكنت متأخره عن موعدي أسبوعين بسبب ضروف عائليه ولما رحت ودخلت على الطبيبه قالت أني تأخرت ماولدت وسوت لي سونار لقت الجنين حجمه زايد ما خلت فيه عظمه ما قاستها وكل شوي تقول الجنين كبير مستحيل يخرج طبيعي الا بنسبه ضعيفه وزيادة تأكيد نادت طبيبه ثانيه شكلها اشطر منها ونفس الكلام قالت كبير ولازم عمليه توكلت على الله وبعدها رحت قلت لزوجي واهو كان رافض لأكن أقنعته الطبيبه واقتنع اخيراً ودخلت الطوارئ لحد ما يفضى سرير ينوموني عشان اتجهز للعمليه وفعلاً دخلت غرفه التنويم واول ما نمت عالسرير كان الوقت بعد العصر بدا معاي طلق والظاهر انه من الخوف وكانو مانعيني من الاكل والشرب وجاع الساعة احد عشر وبدو يركبون في المغذيه والقسطره وااااو مابي اتذكرها وجات الساعه اثنعشر ودخلوني غرفة العمليات وخدروني نصفي وانا الله لا يوريكم انتفض من الخوف والبرد مع ان المكان مكيف دافي بس بعد التخدير ما عاد حسيت بالبرد واسمع ادواتهم اول ما بدوا وبعد خمس دقائق سمعت صوت بنوتتي الله لا يحرمني منها وفي دقائق كملوا الخياطه وبعد نصف ساعه انتهوا حطوني في غرفة الملاحظة نصف ساعه وبعدها ودوني للغرفه وجابوا لي بنتي وكنت اتقطع عشان احضنها لأكن ما قدرت عشان العمليه الا اليوم الثاني وجا اليوم الثاني وأخيراً ضميت أحلى غنى
ومع ذلك كنت أتأمل حالي وكيف رحمة ربي بي واستجابته لدعائي يارب لك الحمد والشكر0
يلزم عليك تسجيل الدخول أولًا لكتابة تعليق.

حمدلله على سلامتك
والله يخليها لكي يارب
وعقبالنا
بس على فكرة كيف التخدير النصفي
انا مرررررررررررة تعبت فيه في ولادتي الاولى
مسكني صدااااااااااااااع 12 يوم ما اقدر ارفع راسي من المخده
والله يخليها لكي يارب
وعقبالنا
بس على فكرة كيف التخدير النصفي
انا مرررررررررررة تعبت فيه في ولادتي الاولى
مسكني صدااااااااااااااع 12 يوم ما اقدر ارفع راسي من المخده

محتارهـ..! :
الحمدلله على السلامه ياقلبيييي وعقبااااالي ياااااارب اولد وتتسهل ولادتي تقبلي تح ـــــــــــيتيالحمدلله على السلامه ياقلبيييي وعقبااااالي ياااااارب اولد وتتسهل ولادتي ...
الله يسلمك والله يسهل لك وتبشرينا ان شاء الله

ام دودي العسل :
حمدلله على سلامتك والله يخليها لكي يارب وعقبالنا بس على فكرة كيف التخدير النصفي انا مرررررررررررة تعبت فيه في ولادتي الاولى مسكني صدااااااااااااااع 12 يوم ما اقدر ارفع راسي من المخدهحمدلله على سلامتك والله يخليها لكي يارب وعقبالنا بس على فكرة كيف التخدير النصفي انا مرررررررررررة...
الله يسلمك وعقبالكم
بالنسبة لي كان تمام ولا حسيت بأي مشاكل ولله الحمد
بالنسبة لي كان تمام ولا حسيت بأي مشاكل ولله الحمد

الصفحة الأخيرة
تقبلي تح ـــــــــــيتي