:D
اسمحولي بنات في موضوعي السابق بعنايتي بالبشرة،، نسيت اوضح نقطة ماجت على بالي وقتها
لين قريت موضوع اتوقع انها فارسة حواء ،، فاتوقع ان هالشيء الي قريته في موضوعها هو سبب تفتيح بشرتي
لان انا طلعت اسوي هالشيء ومادريت انها هي تسويه
شوفو بنات قسم البشرة ينقسمون نوعين نوع مع الخلطات الطبيعية وبنات مع الكريمات
صح ولا لا؟
انا عشان اريحكم جربت الاثنين وكلهم روعه
لكن بوضح نقطة مهمة انا قبل سنتين استمريت على خلطة الاخت شالسالفه بحذافيرها يوم ايه ويوم لا
يمكن شهر او شهر ونص وصراحة ماجابت معاي اي تفتيح الا النعومة وتقتيح بسيط بقدمي
المهم حاليا انا اجرب خلطة الاخت قلب ولب وتقريبا انا احس انها تشابه خلطة شالسالفه بس على احلى
لان خلطة شالسالفه تقعدي بالخلطة ساعتينوريحتها شينة وتلزق فيك بينما خطة الاخت قلب ولب
بس تستخدميها اثناء الاستحمام يعني 10 دقايق وبس
لكن انا اضفت الكركم الاعواد على خلطتها وشلت الحلبه والي تبي طريقتي بالتفصيل الممل تلقاها بموضوعي
عنايتي بالبشرة تلاقيني مفصلة خطوةخطوة بالتوقيت والساعة والثواني وكل شيء تبونه
المهم انا عندي حمام مغربي الي زي الخيمة بس شكله مرتب ووسطة كرسي ويجي معاه زي الغلاية معاها لي
صغير
رميت الخيمة وخذت الغلاية هذي وصرت مرة بالاسبوع اذا جيت اتحمم،، اعبيها موية واخليها بالحمام نص ساعه
لين يصير الحمام مكتوم بعدين اخذ معاي خلطة الاخت قلب ولب
واقعد اتفرك واطول شوي بالخلطة ،، انا اتحمم يوم ايه ويوم لا،، ومرة بالاسبوع اسوي الخلطة بالبخار
وفي اليوم الي اسوي فيه البخار هو الي اطول فيه بالخلطة ولا الايام الثانية اجلس 10 دقايق بالخلطة
بعد فترة يمكن شهر وشوي لقيت موضوع لفارسة حواء وان شالله تكون هي اخاف اني ناسية
لقيتها كاتبه انها تاخذ الدافوروتحط عليه ابريق مويه وتخليه بزواية الحمام يغلي
وتقريبا فكرتها نفس فكرتي
حاليا بكمل شهرين على خلطة الاخت قلب وظهري العلوي كل ماله يفتح وامي بنفسها ملاحظة
لاني كل اسبوعين اجي عند امي واقول شيكي زاد التفتيح ولا باقي
والله اول مرة في حياتي يضبط شيء معاي لكني اكتشفت ان السر الاستمرار والغلاية الي فيها مويا
يمكن لما كنت اجلس زمان جوا خيمة الحمام المغربي يكون كتمة فضيعة والموية حارة وتلسع فيك
لكن لما تستخدميها في الحمام غير لان مساحته اكبر وماراح تحسي الا بكتمة في الحمام بس مو زي حرارة الخيمة
ثاني شيء للبنات الي يحبوا الكريمات:
بقولكم شيء الجزء السفلي من ظهري مع اني حنطي فاتحة الا انه اسوووووووووووووووووود
بسبب صبغة الميلانين،، فوصفلي الدختور الدوكوين وللأمانه استخدمته الصيف العام لمدة شهر ونص ولاحظت
تفتيح فقط في اسفل الظهر ولماجا الشتا وقفت
والحين لما رجعت استخدمه يمكن لي شهر لاحظت ظهري كل ماله يفتح حتى امي تقولي ماشالله،، ورب البيت
ان في اماكن صارت ابيض من يدي واماكن لسا يبغالها وقت
والله ماكان عندي امل ابد انه يروح،، وقررت اني ماتزوج بسبته (طبعا وبسبب مشاكل لبنات الي نسمعهم مع رجالهم)
المهم مو هذا حديثنا ماعلينا من الرجال
لان اصلا زمان كنت تفكيري زي البنات الي همهم العرس بس الحين اتضبط واتعدل حق نفسي وبس
ونسيت حاجة مهمة :
اليوم الي ماتروش فيه بالخلطة تدرون وش اسوي؟
اتروش بموية بس،، عشان الصيف والحر
الدوكوين كل ليلة احطه قبل النوم على بشرةنظيفه وهذا سر فعاليته مو على بشرة وسخة
اعلى ظهري فيه بقايا حبوب لاني شلت شعري بحلاوة فاحط عليه جل رتن اي وبدا يصفى
ويارب لك الحمد حمدا يليق بجلال وجهك وعظيم سلطانك
وترا يا بنات الاخت قلب ولب والله اني ماعرفها الا من خلطتها لاني اصلا كنت ابي اجرب السدر على جسمي
ولقيت خلطتها وعلى طول طبقتها بكل امانه واستمرار فما اقول الا الله يجزاها خير عني وين ماتروح
لكن رجاء انا عدلت تعديل بسيط على مقاديرها اتمنى تقروا موضوعي السابق
وابشركم بحاجةثانية اقدام رجولي مع الجنبين لونهم كحلي مع اسود فصرت كل يوم تدرون وش معنا كل يوم
احط عليهم اي خلطة واسكر عليهم بكيس ساعة واروح للحمام وافرك بشويش باي مقشر
وكل ماحسيت انهم ناشفين ارطبهم بكريم ثقيل مرة حق الرجول
يوميا وبعد اسبوع بدت علامات التحسن والحين الحمد لله فرق مرررررررررررررة
لكن لاتنسون القدم تتعرض للوساخة اكثر من اي مكان بجسمك فلا تقولي لي تعب كل يوم كيس ساعه
اذا تعبانه اجل اقعدي برجولك الكحليه ولا تهتمي فيها ولا تزعجينا وتقولي عندكم حل لرجولي لاني اكتشفت
انو مو مخربنا الا الكسل والا وحدة تجرب اسبوع وتطنش سنة :mad:
تذكري النبتة اذا ماسقيتيها كل يوم وش بصير فيها؟؟؟؟؟؟؟؟؟؟؟؟؟
اعتبري جسمك نبته وكل يوم غذيها
والي عندها سؤال تتفضل انا حاضرة؟
والي تبي تنقل موضوعي انا محللتها لان الدنيا فانيه ويوم الحساب كل زعلنا مايسوى شيء
رمضان مبارك عليكم
ورجاء الله يرضى عليكم،، كل وحدة متطلبات بشرتها تختلف عن الثانيه يعني مشاكل بشرتها غير عني
انا كنت اجرب واجرب لين طحت على هالخلطة ولقيتها تناسبني ،، والحمدلله الخلطة سهلة وطبيعية يعني مامنها
ضرر ابد
والي تبي تجربها تقعد شهر الى شهر ونص يوم ايه ويوم لا اذا ماجابت نتيجة تدور خلطة ثانية واذا جابت نتيجة تستمر عليها
هذا حال الدنيا الواحد يدور علشيء الي يناسبه واذا لقاه يمسك فيه
وان شالله يارب تلاقوا نتيجة معها ولا تنسوا الغلاية في الحمام ، والي ماتحصل نتيجة لا تجي وتقول
انتم نصابات ماتغير فيني شيء،، اذا ماتغير فيك شيء معناتو جربي شيء ثاني لين تطيحي علي يعجبك
انا اكتب تجربتي عسى ولعل وحدة تناسبها وتنفرج مشكلتها ولا كتابة للموضوع ماراح استفيد منها لا فلوس ولا شيء
اللهم من باب نشر الخير ،، وزي الاخت شالسالفه خلطتها ماعطت نتيجة معاي بس مو معناها
اقول انها كذابه لا بالعكس هي كتبت تجربتها و تبي البنات يستفيدون واكيد فيه بنات بتجرب وتمشي معاها
وبنات ماراح يجيب نتيجة والا بالعكس بالتوفيق للأخت شالسالفه
الشيهانـــة @alshyhan_4
محررة فضية
في سر قريت ان فارسة حواء تسوية طلع زي مانا اعمل ويمكن هالشيء سبب تفتيح بشرتي!!
25
5K
يلزم عليك تسجيل الدخول أولًا لكتابة تعليق.
صدى الامواج
•
جزاك الله خير حبوبه ومبارك عليك الشهر
زائرة
•
مشكوره حبيبتي بس ياليت رابط موضوعك عشان ابي الخلطات منه
الصفحة الأخيرة