خواتي اللي يقولون ليش رفضتوا اللي كبر اخوي
صدقوني مارفضها لهالشي فقط
لا ابدا
البنت ما عجبت اخوي و قال لنا هذي مو اللي في بالي لكنها مقبولة و كانت بعد ما هي ملتزمة
لكن اخوي تجاوز هالشغلتين و قال ما دام اهلها خلوقين و استقبلونا استقبال جيد فراح اخذها يكفي اني شفتها المسكينة
لكن لما اكتشف بنفسه انها أكبر من عمرها اللي قالوه له بثلاث سنين تقريباً صار يشك و قال ايش دراني انهم ما كذبوا علي بشغلة ثانية
استخار و استخار بعدين هو كلم ابو البنت
صدقوني انا كنت ضد اني يعتذر لابوها
لكن لما جلست معه قال لي البنت ما هي بالشكل اللي ابيه و لا بالالتزام اللي ابيه يعني انا بنفسي شفت واتسابها حاطه اغنية و طلعت بنفس عمري على ايش آخذها
تبون نجبره يعني ما يصير

الاخوات اللي قالوا روحي تحفيظ قرآن
اذا تحفيظ فيه بنات تخبرونهم بانفسكم دلوني عليه يا ليت يكون في الخبر و الا الظهران اقرب
و اذا فيه وحده مدرسة و الا هي مشتركة بتحفيظ تقدر تتعاون معنا يا ليت تتواصل معي

حاولت اتعاطف معك ومع اخوك ما قدرت
كله بسبب كلآمك
ما اعجبني كيف تكلمتي عن بنات الناس من حيث الشكل
اهم شي انكم ثلاثتكم تروحون مع بعض
بدون ادنى مراعاه لمشاعر هالبنات الي يدخلون عليكم يا لجنة التحكيم

ما يكفي امك ؟؟ ثوب هي ولا قماش جايين تتشاورون فيه ؟؟؟ تراها انسانه لحم ودم حتى لو دخلت على امك لحالها بتصير مرتبكه شلون ثلاث اشخااص ؟؟

ما اقول الا الله يعوضهم

ودايم الي يدققون على عبايه الراس ما يبشرون بالخير عشان كذا الناس ترفضهم من البدايه لأن دامه دقق على عبايه الراس معناها متشدد جدا
او يفهم بأمور الشباب الي يكلمون بنات ....
بالعبايه معروف انه اهم شي ساتره ماهي مزركشه ولاضيقه وخلاص ، اما الأهم صددددق هو تربيتها و شخصيتها واهلها ووو

ترى اغلب الاعذار تكون حجج لطيفه ما تزعل ..... اما السبب الحقيقي لرفض اخوكم ما يفصحون عنه

يمكن ان راتبه مو ذاك الزود أو ما هو ملتزم كفايه او عشانه بينقل للجبيل وهذي لحالها مشكلة يعني يبون لبنتهم شي أفضل

واهم شي ان اخوك لقى رقم البنت و شاف واتس اب حقهاا و لقاها حاطه اغنيه

الله المستعان مدري كيف حصل الرقم ،،،، و الله يستر على بناتنا و بنآت المسلميين

يا عزيزتي اللي كاتبه بالازرق التهجم مو حلو الله يخليكي
الام كانت تكلم من جوال بنتها و كذه مرة ترد علينا البنت لما نتواصل مع الام فلا تحسبين الناس كذابين او كلهم راعين معاكسات و كلام فاضي
ثانيا انتي تلبسين عباية كتف و تحبينها كيفك لا تتدخلي في آراء الآخرين و تصنفين هذا صح و هذا خطأ الناس لهم آراء مختلفة
بالنسبة لشوفة البنت ما ادري يعني تبين ناخذها بدون ما نشوفها ؟
الشغلة الاخيرة ترى انا ما استجدي احد هنا و البنات الخيرات كثير ان شا الله و عبايات الراس موجودة و نشوفها واجد
لكن صدقيني انا اعرف ان في ناس ردودهم جيدة و مو الكل يتهجمون زيك عشان كذا انا شاركت بهالموضوع
الله يهديكي بس

لا تنه عن خلق وتأتي مثله
ليش تهجمتي وقلتي البس عبايه كتف طيب يمكن البس راس ؟!

طيب ما قلتي ايش وصل الرقم للولد ؟؟ هل اخوك كلم ام البنت ؟!
ما قلت معاكسات كان قصدي انه طلب رقم البنت منكم وهذا الشي غلط وماترضاه بنت الناس

لا انا جالسه اعلمك ليش يرفضون اخوك لا ركزتوا على عباه الراس

تروح امك ونقول هه ..... للضروره احكام طالما ما بتقدرون تشوفونها بمناسبة او تحفيظ ،، عشان لا تحرجونها ولا تنحرجون ببيوت الناس
أما امه و اخته و اخته الثانيه ؟؟ انتم يالخوات ليش ! مين بيتزوج هل انتم ؟

لجنة تحكيم ثلاثه قاعدين ؟
حطي نفسك مكان البنت
واذا مو عاجبك كلامي فيه مئااات المواضيع هنا بحواء من اول ما فتحووه

بخصوص شوفة الحريم و كلها نقد و تهزيء في الحريم الي يجون جماعه عشان يشوفون البنت

وكلهم اتفقوا على نفس الراي إما منع شوفه الحريم نهااائي او الموافقه على الام فقط او من ينوب عنها اذا مو موجوده

والي بتتحجج و تقول يعني شلووون نخطبها وما شفناها ؟!

نقولها انتي صاحبه الحاجه انتي دوري بدار تحفيظ بجامعه بعرس اي شيء

ولا تعالي لكن لا تجيبين لجنة تحكيم ترى بنات الناس لهم احترامهم ماهي فترينه جايين ثلاثة بتفرجون على شكلها ويقيمونها

كل واحد ورغباته الله يعينكم ع بحث
ويرزقه بالزوجه الصالحه والذريه الصالحه ويجعلهم قره عين له وللمتقين اماما