في شغله شاغله بالي و متعجبه فيها منكم

ادري بموضوعي هذا بتقومون عليه الحرب العالميه الثالثه بس هي كلمه بخاطري بقولها

على اي اساس تسوون خلطاتكم و تكتبون انها طبيعيه و انها تصلح للحامل؟

لما تجي وحده تحط لي خلطه فيها فيتامين سي ولا اسبرين وفيها فيتامين أ ؟
و تجي تعدد لك حطي العدد كذا من الفيتامين و لا الحبوب هذه بالخلطه
اعندكم خبر انه فيتامين سي كثرته تسبب ترقق بالبشره؟
و عندكم خبر انه في كريمات متخصصه فيها فيتامين سي و أ و محطوط الفيتامين بنسبه مدروسه؟
على اي اساس تخلطون المركبات على بعض من عندكم و بعدين تحطونها على النار ؟ عندكم خبر انه بعض المواد تتفاعل بالحراره و عندكم خبر انه الكريمات تخرب لي تعرضت لدرجه حراره فوق 25 ؟
عندكم خبر انه بعض كريمات اذا تعرضت للضوء تتأكسد و تخرب
عندكم خبر انه بعض المركبات اذا انخلطت مع بعض و خليتيها تخرب و انه بعض كريمات ما تنخلط مع بعض الا لحظه استعمالها؟
على اي اساس تذوبون صابون و تسيحونه و تحطونه على اجسامكم و تنامون فيه ؟ شلون تنامون بمواد قلويه على جسمكم؟

و المشكله تكتب تصلح للحامل ولا تكتب الخلطه مافيها كرتزون و هي فيها كرتزون؟ و الكرتزونالكل يعرف مضاره و و انه يأثر على الكلى

و الي كتبت خلطه توريد المنطقه و تعطيرها الي تاخذ مسك و ماي ورد و ما ادري شنو و بنات استعملوها و طلع لهم دمامل بالمنطقه بسببها تتحملي ذنبهم؟
ولا الي مره كتبت خلطه مزيل عرق و حاطه فيها زيت المسك و استعملتها صديقتي و حذرتها منها و بعد 10 ايام داقه تقولي لا تسوينها سودت اباطي طيب تتحملي ذنبها؟
و الي كاتبه و تمدح زيت الخروع للرموش و تستخدمه وحده و صارلها ارتخاء بجفن العين و حبوب داخل الجفن تتحملين ذنبها؟

طيب ليش انوجدوا دكاتره الجلديه و ليش درسوا و تعبوا نفسهم مو عشان يفيدوا البشريه؟

ادري بعضكم بيقوم الحرب علي بس هي كلمه بخاطري و طلعتها