في شهري الخامس والمغص ذابحني

السلام عليكم ورحمة الله وبركاته ..

أنا بكرية وحامل في بداية شهري الخامس ، المهم اني من نهاية الرابع وانا احس بمغص مو طبيعي لا اخفيكم اني خفت لاني ما ادري عن السبب ! راجعت دكتورتي وقالت واضح بالسونار انو معاك مغص وتقلصات ، سألتها عن السبب قالت عادي شي طبيعي أحيان تجي بدون سبب وطمنتني وقالت الحمدلله وضعك مايخوف دام مافي نزيف والرحم مو مفتوح < طبعا انا ما ادري اش يعني كلامها بس دامها قالت عادي تطمنت .. وبس رجعت البيت وابحث قالوا ممكن يكون طلق ويسبب ولاده مبكره ومن هالكلام ، انا انفجعت وتجننت لاني مو مستوعبه الولاده وكيف بتخيلها ولاده مبكره وبالرابع كمان !! توكلت ع الله وفوضت أمري له وحاولت أنسى الهواجيس .. بس يومين ورجع لي المغص أقووى ، راجعت الدكتوره وهي بكككل برود تقولي عاادي مافي شي يخوف أقولها طيب والمغص تقول طبيعي بيجي في الحمل .. قلت لها تتوقعي من الدرج لاني اطلع وانزل يوميا قالت برضو دا شي مايخوف ولايسبب لك أي مشكله .. قالت ممكن معاك التهاب بول وهو اللي ضاغط ع الرحم ومسبب الالم واعطتني مثبت قالت خذيه اسبوع لاني اخاف التقلصات تأثر عليك ويصير انفصال بالمشيمة .. والحمدلله وضعي من بعدها في السليم وبس داومت في الجامعة الاسبوع هذا وحاسه احياناً يجيني الم بس مايطول .. شوي ويروح الا من امس يزيد شي شي مايستحمل لدرجة اني ابكي منه ! ما ادري هل هو فقط من الجهد ؟ او انو صاير فيني شي ماني عارفه اش هو ؟ خااايفه يكون فيني شي او الجنين صاير له شي .. وهل هو فعلا كل الم يجي يعني طلق اذا استمر ؟ للمعلوميه حللت عن التهاب البول وطلع طبيعي الحمدلله مافي شي .. بس ماني عارفه اش السبب ! صددعت من كثر البكاء من الالم ومن الخوف ، مين صار لها كذا وجاها الم مجهول سببه ؟
بكره براجع دكتورتي ويارب خير .. بس يمكن القى وحده فيكم تطمني وتخفف عني