في ضيقة مايعلم بها غير الله وظيفتي كسرت ظهري

السلام عليكم ورحمة الله وبركاته

مساء الخيرات عليكم جميعا ببدء موضوعي بدون مقدمات انا معلمة مغتربة لي 5 سنوات وماكتب لي ربي النقل الى الان والحمدلله على كل حال زوجي بجهة وانا وعيالي بجهة عانيت ماعانيت بسبب هالوظيفة والغربة تحملت وكابدت التعب بسبيل هالوظيفة كتب ربي وحملت وجبت بيبي وبدا لمعاناة معانا المهم مالكم بالطويلة رجلي معصب ورأسه وألف سيف أني خلاص ماعاد بداوم كثر ماداومت ومثلكم عارفين وين الواحد يلاقي هالايام وظيفة حكومية بالساهل وقاعد يقول اذا بتروحين عيالك ماراح تاخذينهم طبعا كلمة مني وكلمة منه كبرت السالفة وبيني وبينكم انا زودت بالسالفة طلعت الاول والتالي خياناته جواله يقفله بس اروح عند اهلي اهماله لعياله من ناحيه المصرف اذا جلس بالمكان يقفل عليه الباب مادري ليه يقول عشان الدخان مايوصل العيال وانا ماقتنعت أبد بالعذر تخيلو حتى الفراش صرت بمكان واهو بمكان بحجة العيال يزعجونه انا اتنرف من هالتصرف كثير احس ماعاد صرنا زوجين مثل الخلق والنَّاس اذا بغا الفراش يناديني واذا لا قفل عليه الباب ونام بلا احساس واعذروني على هالكلام بس والله من القهر تعبت وتعبت نفسيتي منه المهم أننا مانكلم بعض من اسبوع بسبب هالمشكلة اللحين رجعت المدارس وانا لازم ارجع أداوم وانا حالفه بعد اهانته لي اخر مره مااكلمه لين يعرف غلطه ومن هاذاك اليوم وانا حاقرته وربي ان تصرفاته هي اللي تكرهني فيه اكثر وأكثر ارسلت له بنتي اليوم على أساس أنوّه بتودينا للمنطقة اللي ادرس فيها مع عيالي وإلا نمشي مع اهلي تدرون وش رد قال من قالكم أنكم بتروحون أصلا ارتاحو وطنشني وطلع علما أني لازم أداوم اول يوم دراسة عشان اقطع إجازتي لأَنِّي كنت مأخذه أمومة سنه تعبانه من كثر التفكير وعيالي كسرو ظهري ووظفيفتي ابيها ولا ابي أفرط فيها وإلا كان على الرجال صابره عليه عشان عيالي وبس دلوني وش أسوي اللي عندها حل تفرج علي فيه الله يفرج همكم