في عز رمضان انطعنت وتخيلي من مين ؟؟؟

بسم الله الرحمن الرحيم
مساء الخير عليكم خواتي بنات حواء اكيد شدكم العنوان لكن تعالو اقولكم قصتي لاني حيل مخنوقه انا تزوجت بعد الثانويه واصريت على اكمال دراستي والحمد لله وفقني الله وانجزت وتخرجت ومعي ولد وكان زوجي خير معين لدراستي ويمكن لانه كان شرطي اكمل دراستي المهم جلست سنه بالبيت وحملت بولدي الثاني وخلال ذيك السنه قدمت علىالوظيفه والله وفقني وتعينت خارج منطقتنا وهو اللي وافق مع اني كنت متوقعه الرفض لانه بيضطر ينقل عشاني ونقلنا هناك وتغير كل شئ بحياتي صارت المشاكل خويتي والتعاسه حياتي ومع ذالك صبرت وتحملت قبل كانت حياتي عاديه فيه الزعل وفيها الرضا مع العلم اني لمست من زوجي جوانب غريبه وفيها شئ من الخيانه المهم جلست في ذيك المنطقة حوالي سنتين ونقلت لديرتي وتعرفون استمرت المعاناه المشاكل لاتفه الاسباب صار يهمل بيته وعياله وتحملت كل شئ صرت الاب والام قلت طز مرده يعقل ويعرف قيمتي جبت بنتي وصار عندي ولدين وبنت تخيلو مااطلع من البيت الا للمدرسه فقط او اهله وقلت عادي المهم اني مع اولادي من خلال مشوار حياتي في اول سنتين صارت هوشه بيني وبينه وطلقني ثم ردني ووكرر ذا الشئ وانا حامل ببنتي في السابع وكمان عند شئ تافه ورجع وتـاسف وقال توووووبه ورجعت طبعا في السنتين الاخيره كان يتعمد هجري اوتطنيشي وابسط شئ عنده قولة انا مومسؤل عنك والله العظيم تحملت وقلت عادي ولدي بسم الله عليه شاطر يخدمني في اشياء كثيره وتعرفون عشرتي معاه طويله تزوجته وعمري 18 واللحين عمري 31 وبعد كل هالعمر وكل هالتنازلات يجيني في يوم من ايام رمضان وقريب الفطور كنت مجهزه له فطور حق ربعه في الاستراحه اخذ الفطور وقال وين السمبوسه هاتيها قلت لا بفطر فيها تشادينا بالكلام اعطيته الحافظه وطاحت منه في الارض وصفعني بذاك الكف وقال طالق بكل سهوله وبساطه انتهت حياتي رغم تعاستي ورغم والله العظيم ياخواتي اني كنت اصلي التراويح وادعي الله انه يفرج كربتي كنت ماانام الا لما اخذ حبوب الهستوب عشان ماافكر وانقهر على عمري مع العلم اني على قدر من الجمال الحمد الله والشكر لكن الحمد لله الان عايشه مع اهلي معززه مكرمه وبنتي معي والولدين معاه الكبير رابع والصغير اولى بس ماشاء الله متفهمين ومستوعبين الوضع مع العلم اني بمنطقه بعيده عنهم ووظيفتي مستمره فيها تعرفون في هالحالات النقل سريييع الشي المعذبني اني دايم اتسال هل انا استحق اللي صار صبرت على الهجر والتقصير والضرب كله عشان اعيش مع اولادي لكن الله اراد غير هذا يعلم الله اني اخلصت في ذاك البيت لكن هو للاسف ماقدر ذالشي وكل مافي بيته ملكي من غرفة النوم الى المطبخ الى ........................ لكن عافت نفسي تاخذ شئ من مكان كل ذكرياته مؤلمه هاللحين باقي لي شهر واخلص العدة اعرف اني طولت عليكم لكن طمعانه بدعوووووووووووه من القلب لعلها تجبر قلبي المكسووور وتقوي من عزيمتي وتخلفني خييير باذن الرحمن الرحيم وسلامتكم من كل شر