السلام عليكم ورحمة الله وبركاته
شلونكم شخباركم ان شاء الله طيبين؟
ووش اخباركم في هالشهر الفضيل
هذا أول موضوع لي في هالمنتدى الغالي على قلبي ولاادري المكان اللي حطيته فيه صح والا ينقل مكان ثاني
المهم
أنا دخل بيتي حرامي يوم السبت التاريخ 13-9-1492 لا وفي وضح النهار الساعه12ونص الظهر
ماحسيت الا باللي فتح باب غرفة نومي ودخل علي أنا ووزوجي وولدي نايمين
انا يالله لك الحمد مداومه على الاذكار ودايما عمري ماطلعت من بيتي الا وقلت((أستودعت بيتي ومالي الله الذي لاتضيع ودائعه))
المهم انا فتحت عيوني موب على تحريكة عروة الباب فتحت عيوني وواحد واقف عند باب غرفة نومي ومتلطم بغتره وقصير ولابس ثوب وماسك السكين واطق زوجي بكوعي اقوله قم قم يافلان فيه رجال فيه رجال ثم صرخت قلت موبرجال هذا حرامي حرااااااااااامي ويفز زوجي يقوم يلحقه والا الحرامي يوم شاف ان فيه رجال يصقع بباب غرفتي ويصقع بباب الشقة وينحاش ماامدى زوجي يلحقه يقول شخط بسياره ماامداني حتى اخذ رقمها
المهم تفقدت شقتي لقيته مجهز لاب توباتنا بياخذها ومجهز المودم ومفصل الأسلاك وكل شيء لكن سبحان الله صارت فتحة باب غرفتي شر عليه من يوم شاف زوجي ترك الجمل بما حمل وانحاش
والقاه فاتح الثلاجة وريحة شقتي يفوح منها الدخان ومطفي الزقاير في سيراميك الصاله يعني لاحرمة شهر رمضان ولاحرمة صيام
وحايس مجلسي حوس وكاسر درج مكتبة الصاله
للعلم: شقتي كنت مقفلتها قفلتين بس مازلجت الباب وباين اثار الخدوش في باب الشقة بحديدة بس كان لابس قفازات
وبعد كانت كل انوار شقتي طافيه وكل شي مفتوح قدامه على بعض ماعدا غرفة نومي
الشاهد من هالموضوع الحمدلله محافظتي على الاذكار خلته ماياخذ ولاشي ماطلع الا بالسكين اللي ماخذها من مطبخي بعد
ثاني شي الحمدلله ماهدد زوجي
المشكله اللي ابيكم تساعدوني فيها اني الان لاقادرة انام ولاشي مثل اول صايره خوافه بشكل موطبيعي وبس اصيح واقول انا اللي روعتي غير عنكم انا اللي شفته وجت عينه في عيني
والله اني اليوم الصبح رايحه المستشفى يعطوني حبوب منومة عشان تهديني
صايره بس انتفض حسبي الله عليه,وثقتي في الله ثم فيكم كبيره لاتخيبون أملي
لااله الا انت سبحانك اني كنت من الظالمين
معمول بالتمر @maamol_baltmr
محررة برونزية
يلزم عليك تسجيل الدخول أولًا لكتابة تعليق.
كل الناس نايمين فترة النهار في رمضان
يعني لو احد مايخاف الله ممكن يخطط لمثل هذي الاوقات
انا مو مصدقه صراحه اللي يصير في رمضان -معقول؟ مو مسلمين ؟ هل كل هذا اللي يصير حاجه وعوز وفقر ولا بس هوايه وحب مغامره ونفوس شريره ؟؟ اجل مين يصدق ان رمضان الماضي مدري اللي قبله في الجرايد وحده راجعه من مدرسه مدري سوق مدري من وين واخذت تاكسي مدري سياره خاصه وهي حامل كمان ويخطفها لمكان بعيد ولما وعيت على نفسها صار تصرخ وتضرب فيه حتى وقفها في مكان بعيد والله اعلم مدري ايش صار نسيت كان في الجرايد القصه
حسبي الله ونعم الوكيل
يعني لو احد مايخاف الله ممكن يخطط لمثل هذي الاوقات
انا مو مصدقه صراحه اللي يصير في رمضان -معقول؟ مو مسلمين ؟ هل كل هذا اللي يصير حاجه وعوز وفقر ولا بس هوايه وحب مغامره ونفوس شريره ؟؟ اجل مين يصدق ان رمضان الماضي مدري اللي قبله في الجرايد وحده راجعه من مدرسه مدري سوق مدري من وين واخذت تاكسي مدري سياره خاصه وهي حامل كمان ويخطفها لمكان بعيد ولما وعيت على نفسها صار تصرخ وتضرب فيه حتى وقفها في مكان بعيد والله اعلم مدري ايش صار نسيت كان في الجرايد القصه
حسبي الله ونعم الوكيل
أغلى شهد
•
اذا تحصنتي بالأذكار فأنتي
في حفظ الله سحانه وتعالى
الله يجزاك خير
الحمدلله على سلامتكم
اليوم الاثنين منتصف شهر رمضان
الساعة واحدة الظهر فيه حرامية
احرقوا خيمة التفطير الكبيرة بالديزل والنار
يفطر فيها كل يوم 400 صائم
وجاء الدفاع المدني وقال بفعل فاعل
الله يهديهم للصح
حرام
الله يحفظ المسلمين من كل شر
في حفظ الله سحانه وتعالى
الله يجزاك خير
الحمدلله على سلامتكم
اليوم الاثنين منتصف شهر رمضان
الساعة واحدة الظهر فيه حرامية
احرقوا خيمة التفطير الكبيرة بالديزل والنار
يفطر فيها كل يوم 400 صائم
وجاء الدفاع المدني وقال بفعل فاعل
الله يهديهم للصح
حرام
الله يحفظ المسلمين من كل شر
الله يساعدك ياقلبي بس لازم تصيرون نبيهين هالمره عدت الحمدلله بس زي ماقالوا الاخوات ركبوا اجهزة انذار حساسه وحبذا بعد كميرات تشتغل اذا رقدتوا وتكون هالاجهزه الانذار متصله عن طريق الشرطه يعني اذا صاح الانذار تجيكم الشرطه مايحتاج تتصلون عليهم وغير كذا ياقلبي الحراميه العرب خوافين بس يسرقونك من غير مايأذونك مو مثل حراميه برا الله يكفنا شرهم عشان محفظتك يذبحك لو رفضتي تعطينه واللهم لك الحمد الله كفاك شره وغير كذا رمضان وقت سرقه الله يعافينا يوم الجمعه بعد انسرقت سياره خالي من عند بابهم الفجر يعني يوم جمعه ورمضان وصيام لاحول ولاقوة الا بالله
يالله ,, حتى برمضان ,,
حبيبتي لا تخافين داومي على الاذكار ..
وداومي على قراءة آية الكرسي والله يعين لج ملايكة يحرسونج بفضل هالآيه ,,
الحمد لله على سلامتكم ..
حبيبتي لا تخافين داومي على الاذكار ..
وداومي على قراءة آية الكرسي والله يعين لج ملايكة يحرسونج بفضل هالآيه ,,
الحمد لله على سلامتكم ..
الصفحة الأخيرة
صادقة انا قررت نركب جرس الانذار عند الباب
تسلمين على سرعة ردك وتجاوبك
الله يجزاك خير