في قصص صديقتي ومغامراتها انا الضحية وانا الجلاد !

الإنسان بحاجة دائماً لاشخاص مؤثرين يحيطون فيه وانا انسانه احب الاشخاص الطموحين الغير سلبيين رغم اني رأيت من الحياة العجب العُجاب من الحزن والاسى والاحداث الي تخلي الشعر يشيب والنفسية تمرض لكن ايش تسوي لو ؟! حدك الزمن على ناس مختلفين تماماً عن رتم الشخصيات الي تحبيها او تفضليها ؟!
المهم انا مو من النوع الي اجري ورا ناس لمجرد اعجابي فيهم وتوافقهم الفكري والشخصي معي ولا كنت افرض نفسي على احد
وفي المقابل كنت ارضى بالبقاء مع اي جليسة هي بنفسها تختارني وتفضلني فتعرفت على هالمجموعة وصرنا نطلع ونروح ونجي
مع بعض لدرجة انه لقائاتنا صارت شبه يومية بحكم دراستنا بنفس المكان وانا انسانه ما افضل العلاقات مع الجنس الآخر وارفضها
لكن ما املك احقية اني امنع البنات الي معي عن التواصل مع الرجال ولاكنت اتدخل بعلاقاتهم ولا اسألهم عنها
الي حصل ان صديقة لي انضبطت مع شخص في سيارته وحصلت مشكلة كبيرة واستدعوا اهلها واستلموها
ولما كانت بتغطي الموضوع راحت نسبت الرجل لي وقالت انه يقرب لي واني عرفتها عليه بغرض الخطوبة ؟
!وقالت انه يقرب لي بحكم اني اكبر صديقاتها سناً وانضجهم وابعدهم عن هذي الامور ومعرفة عائلتها فيني طيبة
وسمعتي عندهم حلوه كثير !المشكلة مو كذا المشكلة انها كذبة كبيرة ماتمشي ولاتعدي على عائلتها الشي الثاني اقحمتني
في موضوع انا مالي ذنب فيه ولا لي فيه ناقة ولا جمل !الي فهموه اهلها اني معاها في هذا الخبيص ؟!
لدرجة ان امها اتواصلت معي وحملتني كل الي حاصل للبنت ؟ انا اعرفت كيف اتصرف كيف اتنصل من هذا الموضوع الي ورطتني
بنتهم فيه وانا بنت ناس في حالي ايش ذنبي اتحمل كل هذا التحامل من عائلتها ولا اقدر افضحها واقول انها تكذب لان جزء
من كذبتها مشى عليهم واعتبروها مظلومه وان صديقتها الي هي انا هي السبب حزنت على نفسي جداً خصوصاً
انو مو اول مرا يحصل هالشي اغلب الي اعرفهم وتصير لهم مشاكل من هالقبيل يتعلقون فيا لانه من وجهة نظرهم اني الانقى والابعد عن كل هالشبهات
وحتى الي عندهم خرابيط يخرجوا من بيوت عوائلهم ويقولون انهم جايين لبيتي ! وانا ما ادري
انا اعرف ان صديقتي غلطت وحزينة على الي حصل لها لكن حزينة على نفسي كمان ليش تعرضني لهذا التحامل من عائلتها والاحتقار لي
وتحميلي الذنب بأكمله بس عشان تطلع منها هي ؟!وصارت قاطعتني انا وماعاد تكلمني ويخلوها تخرج وماتناديني ولو عرفو اني اطلع معاها يحرقوها ؟!
حتى تلفون تكلم الي تعرفهم انا قاطعتني تماماً وصار رقمي شبهه ؟ مع اني في بدايات الموضوع كنت خايفه عليها وشايله همها
في الاخير اكتشف انها تطلع مع كل الناس الا انا عشان الاهل حاطين خط احمر عليا ؟عارفين شعور الي تكون المجرم الكبير في سالفة مالك فيها ؟ المعاقب الوحيد وانت مظلوم ؟!
انا اتقبل الناس على كل احوالهم وولا اتدخل في اخلاقياتهم وعلاقاتهم وفي الاخير القى نفسي انا المتهمة الاولى مع العلم اني اتعرف عليهم بالبدايات ولا ادري ان هذا جوهم الا بعد فترة طويلة فأضطر اتجاهل اخطاءهم مع اهتمامي فقط بطيبة قلوبهم لكني اتنكب بالاخير !
العبرة مهما جبرتك وحدتك انك تقبل بصداقة اي شخص فلا تقبل الا بإنسان تنعكس صحبته عليك بالايجاب .. ولا اجلس وحيد افضل لك لو ماتكلمك الا الجدران مهما فكرنا نطلع من اي صداقة واحنا مقدمين فيها تنازلات في الاخير وحدك الي بتدفع الثمن من عمرك وحياتك وسمعتك