اختي
ربي يرزقك ياارب ويرزقنا جميعا
بقولك شي اختي
خلي كل شخص ينام على الجنب اللي يريحه مدام انه ماضر غيرة
واصابعك كلها مو مثل بعضها
وقلوب البشر مو كلها مثل بعض
انا ما اقول انه هذي طيبة وهذي شريرة وهذي وهذي
لاسيامح الله لا

انا اقول مثلا يمكن بعضهم يتحسسون ويخافون من هاللي يسمعون ان مثلا اذا اشيع خبر حملها ان تصيبها عين
علشان كذا ماتقول
او انها مثلا طول فترة الحمل تعبانه ولا قدرت تخبرنا الا متاخر واستحت انها تقول لما وصلت للشهور الاخيرة قالت ماله داعي
او
او
او

اخوخيتي مايخالف
خلي كل وحده تنام على الجنب اللي يريحها وانا اختك

تصدقين صارت حادثة لي توني اذكرها لما دخلت موضوعك

كنا في جمعة بنات
سالت وحده الثانية قالت لها : انتي حامل (( لان شافتها واقفة وهي مايلة ظهرها لورى))
ردت عليها باسلوب المتفاجاءة او الخائف او ما ادري وشو (( لا بس لاني تعبت وانا واقفة ))

بعدها باسبوع
اجتمعو البنات من غير وجودي ماقدرت اروح
وتكلمو في موضوع ان فلانه فعلا حامل
ربي يتمم عليها ويرزقها

انا تاثرت بس مو لهناك
لاني سمعت بهالاشياء ان ممكن الحامل تخبي حملها عن البنات اللي ماحملو
لكن عمرها ماصارت معي الا ذاك اليوم
بس قلت معقولة فية الى الان هالتفكير

ووحده ثانية برضو
انا بنفسي سالتها لان شفت مشيتها مو طبيعية مثلنا
واحنا كنا نتمشى ونضحك وننكت
قلت لها امشي عدل
ليكون حامل على هالمشية كانك حامل او بطة او بطريق
قالت لا هذي مشيتي

بالليل ما ادري وشو صار
جات وقالت لي انا فعلا حامل
مارديت عليها قلت لها بس ربي يتمم لك على خير ان شاء الله وغيرت الموضوع
والحمد الله الان جابت ولد ربي يرزقها بره ويحفظة لها


اختي
تصدقين بعض المرات اقعد اوسوس واقول يمكن صدق احنا فينا شي ياللي ما انجبنا
لويش هالعالم يفكرون بهالطريقة
بعدين ارجع واقول
هم حريين
حياتهم وكيفهم
مانجبرهم ان يقولون لنا او يخبون علينا


ومرة برضو صديقتي حامل
وكانت جيتني للبيت
وطبعا هي قايلة لي من اول ماحملت
وجالسين سوالف
وفجاءة صرخت
وخفت
قلت لها وش صار
قالت البيبي يرفس ببطني
حطي يدك على بطني تحسسي حركته
استغربت قلت لها عادي
قالت اية بس يمكن يوقف عن الحركة اذا حطيتي يدك لانها يسويها مع ابوة من يحط يدة وقف عن الحركة

ترددت قبل ما امد يدي
وكنت مرعوبة
ومن هاللي اسمع
ان لا سامح الله يصير للطفل شي
سميت بسم بالله ومديت يدي وحطيت يدي
وشلتها بسرعه

لاول مرة في حياتي اللمس بطن وحده حامل
ذاك اليوم جلست اصيح وادعي ربي ان يحفظ لها طفلها ويرزقها برة

يوم اللي ولدت
رحت لها بالمستشفى وشكرتها كثير وقلت لها
انتي اول وحده تطلب مني احط يدي على بطنها اتحسس حركة الطفل
قلت لها خواتي يمكن لانهم يستحون يطلبون مني
بس انتي
عمري ماراح انسى هالشي

والحمد الله ربي
جابت ولد ربي يحفظة لها ويرزقها برة عمرة الان 8 او 9 شهور

اختي هذرت عليك وااجد بس تذكرت اشياء تتعلق بموضوعك

ادعوا لها و لزوجة عمها و لي :) عندي احساس ان راح تحملون كلكم منها ان شاء الله !!!!! و يا وييييييييييييل اللي ما تبشرني !



http://forum.hawaaworld.com/showthread.php?t=1390518

تسلمون خواتي

انا مو قصدي الوم احد بس مثل ما قلت لكم ومثل ما انتوا قلتوا معقوله هالقد صار يحاسبون لنا؟؟؟؟

اختي ام راحيل... مواقفنا بالحياة وااااااايد والافضل ناخذها بحسن نية..لكن شئ يبقى بالقلب....

احب الذكريات... الله كريم اختي...وربي يبعد عنا العين..وان شالله تبشرينا قريب

خالة سيف...تسلمين عمري..على فكرة ماهي وحده الا اكثر من وحده...الله يتمم لهم على خير...

ربي يرزقنا ونفرح بعض

يا حلوك..وانا اقول شنو فيها ام حصة ضيعت الطريق لان ما شفت الرابط خخخخ.....

ربي يسعدكم كلكم ياااااااااااااااااااااارب ...................... وان شالله نبشرك:icon28:

حدها ستايل في وحدة في الدمام شاطرة اسمها ام نايف حطيت رقمها في موضوعك عن التجارب ليه ما تروحين لها ترى خبرة و تعرف اذا الوحدة معها تابعة ....


و جربي اول يوم دورة ع غرشة ماي صحة صغيرة ام ريال تحطين 3 ملاعق اكل سدر مطحون و رجيها رج و اشربيها في يوم واحد ... سهلة و ما تضر ... توني قاريتها و احسها زينة ....