هذي الكشتة للبحر من السنة الماضية والصور ضايعة في الزحمة وانا أفرفر بين هالصور لقيتها وقلت تشوفوها
طلعنا للبحر وزوجي ناوي ( صيد) على اعتبار المكان اللي رحنا له صيده كثير
للاحتياط قلت ( لازم ناخذ معانا لحم للشوي يمكن ما نصيد شئ !!! ) وأخذنا اللحم
وعلى بركة الله دخلنا البحر بالشبك - منا مناك مافي صيد !!
وآخر محاولة صدنا هالكم حبة ( صافي ) ويا عيني ع الصافي
كنت مآخذه معاي رز وقدر والزيت ومقلاة وقطعة زبدة :icon18: والملح طبعاَ والبهارات
تركنا اللحم وقلنا الغداء هالسميكات الطازه
أختكم في الله جهزت الرز : صبيت الماء في القدر وملحته وحطيت معاه قطعة الزبدة - غسلت الرز وحطيته في القدر وسكرت عليه وتركته ع الجمر يستوي
صبيت الزيت في المقلاة وتركته يسخن
نظفت السمك وتبلته ولما سخن الزيت قليته - وفي كم سمكتين صغار خليتهم ينشووا ع الجمر
ولما جهز غرفت الرز وحطيت عليه السمك وأكلناه بالعافية ولله الحمد
بس نسييييت الليمون :09:
