في مدرستنا سرقات ... ش الحل تكفون ؟!!!!

السلام عليكم والرحمة

المشكله باختصار حنا مجموعة معلمات في مدرسة ابتدائيه ... من زمان كانت عندنا ظاهرة سرقه في المدرسه والله أعلم من يسرق ... الترم الأول كثرت مشاكل الطالبات خاصه سادس ويتشكون انسرقت مقلمتي ومرة قلمي مرة كتابي ... كنت أعتبرها حركات أطفال ولا اهتميت والعام الماضي وحدة من المعلمات انسرق من شنطتها مبلغ كبير ..وبرضه تحسبنا وراحت السالفه ماندري مين السارق ؟@@ لحد ماجاء الأربعاء الماضي وجاء الدور علي كان معي ببوكي 300 ريال أبغاها للسواق ..وفي السيارة الظهر لقيتها منسرقه وبوكي فاااضي قلت يمكن نسيت الفلوس بالبيت .. جاء الأحد ونفس الحكايه كان ببوكي 200 جيت للبيت لقيت البوك فاضي بعد ماهتميت قلت يمكن نسيت الفلوس بالبوك الثاني ...بس كنت بنفسي شاكه جيت الأثنين حطيت 200 ببوكي بجهه و100 بجهه ثانيه من البوك ومتأكدة ذي المرة جاء الظهر وقت الطلعه لقيت بوكي فااااضي ...أنا ماهمني الفلوس كثر ماهمني من هي الجريئة ألي تدخل غرفة مكتبي بالمدرسه وتفتح شنطتي وتاخذ المبلغ بمنتهى الروقان ... أنا هلحين أبي أكتشفها وأعرف هل هي طالبه أو مستخدمة أو حتى ممكن تكون معلمة .. بس مابي أشك بأحد ,,, أنا بأسوي احتياطي وأبقفل غرفة مكتبي من اليوم ورايح إذا جيت أطلع حصتي فوق المفتاح بإذن الله معي بس المشكله لو كانت موظفه المفتاح الأصلي بمكتب المديرة ...
تكفون عطوني أفكاركم حتى أكتشفها بكمين ...

الله يعطيكم ألف عافيه مقدما