في مصيبه اكبر من العنوسه الدخول لمن يهمه الامر

السلام عليكم

قبل كل شيء ادعوا لاختي دراقه بالشفاء والتوفيق باذن الله امين

ثاني شي اختي الي اكبر مني واصغر من دراقه ياها عريس الله ياربي يرزق اختي دراقه
الصحه والزوج الي يريح بالها << طبعا نحن شلة العوانس في البيت وانا اول وحده مالجة

الموضوع ان اختي رفضته ليش لانه خسف شيفه قبيح الله ياربي يعوضه بالجنه مااسبه ولكن
في ظاهره منتشره وبقوه البنات الجميلات يعنسن !! واذا بالغلط حد دق بابهن يكون قبيح ماتقدر تزوجه

وانا شخصيا اشوف بنات جدا عاديات والله رازقنهم ازواج مثل القمر اعرف ان الله الي انعم عليهم
وماعندي اعتراض الحمدلله على كل شي بس يتقدملج شخص اخلاقه والله انهن وصلاة شوي في البيت وشوي في المسيد ويجمع وزقاره ومطلق وخسف ويبا جميله ولا يتشرط ليش هوه انتقام ولا شوه

ابصراحه انا الي خطبني خسف مع اني كنت اريده وماعندي مانع حبي له خلاني اتغاضى عن الشكل
مع اني الحين حياتي معاه بعد الملجه زفت زفت زفت واحس بشيء مايبشر بالخير مع اني اسامح
واتغاضى بحكم اني عانس واذا صار شي كملت والله مطلقه واندب حظي يعني وانا عانس ماياني حد
الله الي رزقني والحمدلله على النعمه اتطلق مع اني استخير بيني وبينكم على الطلاق كثير هالايام
فقلت اريد اخذ رايكم في الموضوع الي هوه اذا انتي عمرج فوق ... مااري اقول عمر معين لان المجتمع كل يوم ينقص في عمر العنوسه الله يستر باجر ام 15 سنه مايعنسوبها المهم اذا انتي

في بيت اهلج وياج خاطب ...
_ خسف يعني ويه ايب المرض مب حلو ابدا ويدخن ومايصلي وفوق هذا يتشرط
_ خسف ونفس الكلام الي فوق ويصلي نص نص يعني مايعرف القبله وين بالضبط
_ خسف ونفس الكلام الي فوق وفوق هذا مطلق والسبب منه لانه نكد عليها ويتشرط جميله الله وكبر
_ خسف ونفس الكلام الي فوق وعصبي وصعب العشره
_ خسف ومقبول يعني طيب واخلاق والتزامه عادي بس خسف وبشده كيف العيال منه هذا

كيف نفسج بجبل عليهم وكيف بتختارين بينهم هل تقبلين بخسف بسبب شبح العنوسه ولا بتتزوجينه
ومن تذهب السكره تاتي الفكره وبعدين تقولين مااقدر وبتتطلقين ابصراحه عندي بنت خال بعد ماشاءالله
جميله ولو تريدوني احلفلكم ان كل واحد اي اخسف من الثاني وهيه في بكاء مرير وفتحت اعيوني تقولي العيال كيف بيون اعنس احسن انا قلت ياربي اشفرني في المصيبه هذي مع ان الي بياخذني دكتور
لكن عليه اخلاق مابينت الا بعد الملجه قبل كان كل شي حلو تقولين شو اريد بالشكل اذا القلب جذيه وطاح في جبدي والحين قلت لا جمال ولا اخلاق ولا شي خل الحب (هوه يقربلي بس يشبه اهل امه ) ينفعني يالله دبروني قولولي تاخذين الخسف القبيح والسبب انج تريدين عيال بسرعه خسفين يشبهون ابوهم ولا العنوسه ارحم وشو ضمني ما اي واحد اسوء عنه يعني لو هوه صاحب دين عادي بالعكس برضى بشكله بس المصيبه انهم الدين يمين وهم يسار يصلون ويصومون وفي الجواز مسلمين فقط وكل الي يتقدمون من هذا الطراز رفيع المستوا اعرف خلق الله ولازم اقول الحمدلله بس انا فيني غصه وقويه ليش الجميله تعنس وتاخذ خسف والخسفه تاخذ حلو وما تعنس :( اعرف هذي مب قاعده واعرف ان للقاعده شواذ بس هل نقبل بالحسفين عشان نرزق باطفال خسفين وتستمر القصه ارجوكم قولولي بصدق اسفه على هالنقطه هذي مابيصيبني برود والسبب شفته الي سامه جبدي !!!
عادي تخذن خسف وفي الشوفه تحسين بدوخه وبصداع اول ماتشوفيه وتحسين ان عزرايل ماسك روحج ممكن تزوجين شخص وانتي تحسين بهالاحساس وهذا كله من شكله الخارجي الله يعين بقلبه
لانج عانس !!